مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الاثنين، فبراير 22، 2010

حركات نوسة


من يوم ما خطب

الجمعة، فبراير 19، 2010

شيماء والنقاب


شيماء واسرت

الاثنين، فبراير 15، 2010

حبيتى توسكا



الجمعة، فبراير 12، 2010

صراع لاينتهى مع النوم



شىء يجنن لما تحاول تنام ومتعرفشى وتحاول تتحايل على النوم تبوس ايدة ياعم نوم خدنى الى حضنك خدنى ومفيش فايدة زى ما يكون فية طار بينك وبين النوم وحلف ليعذيك ويطير من عنيك شىء صعب انك تبقى عايز تنام ومش عارف

تنقلب مرة واحدة بهلوان وتشيل المخدات كلها وتحتطها فوق دماغك وتكتم نفسك يمكن تتأثر وتقوم تشرب كوبية مياة وتخبط على دماغك وتنط على السرير وتحضن المخدات مرة على جنبك اليمين وعلى الشمال وتتقلب وتقع على الارض ومفيش فايدة والنوم لسة هربان ومن بعيد بيطلع لينا لسانة

تحس انك فقدت قدرتك فى التحكم فى نفسك والسيطرة عليها واحيانا يصل الامر لتكسير اول شىء قريب مننا تعبير عن قمة الغضب اللى انت وصلت ليها ! الناس بتوع الطب بيقولك دة ارهاق وبال مشغول وكلام غريب بقى زى العقل الباطن لما بيصحى ويعمل معاهدة مع النوم واتفاقية على هدم سعادة حضرتك وحرمانك من النوم عشان خطفت منهم بعض الافكار وانت زاهب الى الخندق اللى هو يعنى السرير

وتجد نفسك قعدت قعدة القرد على السرير وايدك على الخدود ودمعك سايل انهار بحور ولا لية وقت ولا حدود تحاول تخرج الافكار من دماغك وتعمل مبادلة اسرى بينك وبين النوم مفيش فايدة خلاص النوم كبرت فى دماغة واعلن العصيان ومش هتنام يعنى مش هتنام ! وتكلم نفسك طيب ازى اروح الشغل من غير ما انام تجد اللى قعد فوق دماغك وطلع ليك لسانة ويقولك اعرف قيمتك وقدراتك والعب على قدك

تجنن اكتروتكبرفى دماغك ونعلن التحدى لان جواك مش قابل ابدا السيطرة دى من النوم وانة الوحيد فى العالم المسئؤل عن الراحة وقدرتة على تغميض العيون وتحاول تفكر اكثر فى التخلص من النوم ! لكن ترجع تقول انا محتاجة مقدرشى اتخلص منة رغم انة تعبنى ومطلع عينى تتوصل الى حل انك تمشى اللى فى دماغ النوم من غير مشاكل وخلاص وتفضل سهران واى مشوار او شغل ابقى اتصرف فية وكدة ابقى سمعت كلام النوم وريحتة وبكرة يرحنى

وتحلف بعدها انك لاتشيل افكار ولا بال مشغول وانت رايح على السرير عشان ما يحصلش اللى حصل والصراع يعود تانى مع النوم


لكن من المستحيل حد فينا يتخلص من الافكار والبال المشغول عند النوم ان كان بعض الوقت لكن ليس كل الوقت


مين يرضية كدة


توقيع الغلبان/ شديد ابو حديد

الأحد، فبراير 07، 2010

عدو المراة


كان يوم 

الجمعة، فبراير 05، 2010

بخ عو اتخضيت


اتفضل يافندم زجاجة البرفان دى هدية منك من شركة بخ عو اتخضيت والشركة بتوزعها مجانا على الجماهير زى اعلان وتعريف بالشركة بتاعتنا وشركتنا بخ عو اتخضيت يافندم شركة متنوعة الخدمات فيها كل حاجة حضرتك ممكن تحتاجها والاسعار يافندم مش هقول ليك رخيصة خالص مالص وتجنن بجد هتضرب اكبر الشركات



ممكن حضرتك تبص على العربية فيها عينات من جميع الانواع اتفرج وخد فكرة يافندم وانا متاكد انها هتعجبك واكيد حضرتك بعد كدة مش هتشرتى اى حاجة ليك الا من شركتنا شايف حضرتك دى موبيلات من اجود الانواع واخر الموديلات الموجودة فى السوق ودى كمبيوترات متنوعة من مكتب الى لاى توب اتفرج يافندم على كل حاجة يافندم والاسعار مكتوبة ومش هتجد بالاسعار دى الا فى شركتنا بخ عو اتخضيت



تمام يابنى كل حاجة حلوة وقيمة واسعارها رخيصة جداا بالنسبة لباقى الشركات ان شاء الله هقول لكل اللى اعرفهم عن الشركة بتاعتكم عن ازنك يا ابنى عايز حاجة اصل ورايا شغل واخاف اتاخر وانا راجل منضبط فى كل حاجة طول عمرى حتى مواعيدى مش بحب اتاخر عن ميعادى ابداا



ماشاء الله عليك يافندم طيب حضرتك هتفتح علبة البرفان هتجد جواها كارت لو مكتوب فية اسم اى جهاز من اجهزة شركتنا هتخدة حضرتك معاك مجانا ولو طلع مكتوب فية هدية مش هنغرم حضرتك حاجة غير خمسين جنية ثمن البرفان اية رايك فى العرض يافندم واكيد حضرتك هتكون كسبان معانا



بقى كل الفيلم دة من البداية عشان تبيع زجاجة البرفان ليا كان لازمتة اية كل الحوار الساقط دة من البداية وبعدين انت قولت هدية فى اول كلامك معايا ازى تخد عليها فلوس انت عبيط يا ابنى ولا اية يا فندم بلا فندم بلا نيلة انا بقى هخد زجاجة البرفان ومن غير ما افتح كرت ولا نيلة وانت اديتها ليا من البداية هدية سلامو عليكم وخدتها جرى على بيتنا

والواد بتاع الشركة اللى هو المندوب وقف يضرب كف على كف بس يستهل فى حد يدى حد هدية وبعدين يقول لية افتح الكارت ولو هدية تدفع ثمنها على راى الرجل باين علية عبيط ومش عرف يلاعبها صح

مين يرضية كدة

توقيع الغلبان / شديد ابو حديد