مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، ديسمبر 23، 2011

خليك طبيعى

خليك طبيعى

وابتعد

عن كل مايضر..

ورب العالمين حرمة

فى الطعام محرم

اكل الخنزير

واكل الحيوان المفترس

لية ربنا حرمة علينا

عشان عايز يحرمنا

من اكل صحى ومفيد لينا

ولا من حكمة الله

وخوفة علينا

فكان الامر منة

لو الانسان تناول

الخنزير الذى

حرمة الله

سوف يصبح ديوس

مثل الخنزير

ويمرض بامراض خطيرة

موجودة فى الخنزير

الغير نظيف والذى

يتناول من القمامة

وينتاول كل مقرف

غير مستحب

وايضا منع الانسان

من اكل الحيوان المفترس

وذلك لكى

لايكون مثلها فى الطباع

ويتحل باسلوبها الغير انسانى

تماما

ربنا سبحانة وتعالى

قال

كلوا من طيبات ما رزقناكم

وليس من السىء المضر

الذى منعة الله علينا

من اجل صحتنا

ومن اجل ان اعيش انسان

نظيف بلا تلوث

ولاا تتطبع   بطباع   الحيوانات المفترسة

والغير نظيفة



قريت كتير فى معجزات القران وتعاليم الدين الاسلامى

فحبت اقدم ليكم بعضها بطريقتى البسيطة حيث تحصل منها

على المضمون الجيد والهدف منها

يارب اقدر اكون وصلت باسلوبى البسيط حاجة ليكم

,والقادم احلى وافيد ان شاء الله

مع خالص تحياتى

السبت، ديسمبر 17، 2011

كتابى نار ودماء

كتاب نار ودماء كتاب الكترونى عملتة ليا جمعت فية الشعر والخواطر اللى كتبتها هنا فى المدونة وفى البعض جديد



قولت اعمل عملية حفظ لما كتبت وحبيت اشاركم فى ما كتبت وحفظت


صورة الغلاف بسيطة عبارة عن صورة وانا كتبت عليها


اتمنى ينول اعجابكم


رابط التحميل


http://www.4shared.com/file/9GxsQjul/__online.html?






مع خالص تحياتى

الاثنين، ديسمبر 12، 2011

لن اكون الا لك

لن اكون الا لك

هكذا قالت هكذا رسمت وغنت

وتمنت ان اكون لها

لن اكون الا لك

وعد وياة لة من وعد

ان صمد وكان

ولم تهزمة الايام

ولم يخرج من اطار الكلام

الى اطار الفعل والتنفيذ

لن اكون الا لك

هو حلم ام وعد ام امنية

ماتت وتحطمت

ولم تستطيع الصمود

ومن بعد الارسال

لم تصل الى الهدف

فقد انقطع الخط

وسط الطريق

لن اكون الا لك

ما اجمل الحروف

عند الرسم والتلوين

وضع الصورة فى البرواز

لتكون ذكرى

نرجع لها كل حين وحين

مع الايام

لايهم ان كانت

حزينة او سعيدة

فهى ذكرى من الزكريات

فى حياة انسان ما

وعد فى يوم من الايام

من انسان اخر ما

لن اكون الا لك

الجمعة، ديسمبر 09، 2011

انكتب اسمى على هذا القبر

لاتصرخ فى وجهى

فقد اصبحت جثة هامدة

اصبحت خارج اطار الحياة

تحت لقب ميت

انكتب اسمى على هذا القبر

هنا حيث اكون انا الان

لاتصرخ فى وجهى

الا تعلم ان الضرب

فى الميت

محرم على الانسان

حيث هنا لايوجد

ارسال او استقبال

الى من فارق هذة الحياة

لاتصرخ فى وجهى

فقد اصبحت اسم لاغير

حتى الجسد والروح

ليست ملكى الان

حيث ذهبو حيث لاعودة

لهم فى هذا الوقت

قد يرجعون فى وقت اخر

عندها فقد لاغير

سوف ارد عليك ضربتك

بضربة اقوى منها

والصرخة باعلى من صرختك

قد تفقد السمع حينها

عندما تسمعها

فلا تصرخ فى وجهى

فى هذا الوقت

حيث انا الان

لاشعور ولا احساس

لاجسد ولاروح

انتظر انا الان

مجرد اسم انكتب
على هذا القبر

الاترى

الاثنين، ديسمبر 05، 2011

مصر هتفضل ام الدنيا

مصر هتفضل ام الدنيا
مصر هتفضل بلدى الحلوة

بروحى احميها بروحى افديها
هيا الاصل وانا الصورة

والنهاردة بقلبى بقولها
من غيرنا ياشباب هيصونها

ويلا بينا ايدنا فى ايدها
نرفع راية مصر الحرة


صوت الحق عايش فى بلادنا
ديما عايش مش هيموت

والخير فيها مش هيسبها
مهما تمر ايام هتفوت

ويلا بينا كدة ايد واحدة
نرسم اجمل ضحكة وفرحة

ونعلى ونبنى فى بلدنا
ونحميها من العين الحاسدة



اغنية لمصر ام الدنيا


كلمات/ تامر نبيل موسى


الخميس، ديسمبر 01، 2011

اجدع فرسة واجدع بت



حلاوتها الست وست الست

بنت اصول واجدع بت

السيرة الحلوة على كل لسان

لو لفيت الدنيا وكل مكان

صعب تلقئى زيها بت

تعيش وتعمر وتنور بيت

هيا وبس عيونى عليها حطيت

من قلبى بقولها بكل صراحة

وياها وبس تكون الراحة

من قلبى بجد انا حبيت


اللى يشوف غير اللى بيسمع

البعد عنها بجد بيوجع

ياما روحت وياما لفيت

زى الست دى ما لئيت

اصل طيب جمال قاتل يسحر

جنبة القمر مظلم اسود

تشوفها روحت بلاش

من غيرها صعب تقول

القلب عاش

او حس مرة زى دة احساس

زى ما اكون كونت فى غيبوبة

او قصة حكاية مش معروفة

ما اتعرفت الا بعد ما شوفت

اجدع فرسة واجدع بت


السبت، نوفمبر 26، 2011

العيد السابع للمدونة وكل عام وانتم بخير

النهاردة عيد ميلادى وعيد ميلاد المدونة اللى بقى عندها سبع سنين  وانا بقى عندى 34 سنة



وكمان عيد راس السنة الهجرية


كنت محضر كلام كتير بس عشان الظروف


الللى مصر فيها مش هقدر انشرو


ويكفى الاشارة الى  عيد ميلادى والمدونة


واتمنى من الله كل الخير لبلدى واشوفها فى افضل حال


وربنا يرحم كل شهيد استشهد دفاع عن مصر الغالية


كل عام وانتم بخير
مع خالص تحياتى

الأحد، نوفمبر 20، 2011

قادر وعنيك بصاصة

قادر وفاجر وعنيك بصاصة



واخد على العشق والهوى


وفى طبعك المياصة


فى الريحة والجاية بتبص ليا بصة
كلها خباسة

لانك وخد على المياعة
والكذب والصياعة

طول عمرك مشبوة
وراكب سكة الندامة الهدامة


عاوز تهرب على فين





ومصيبتك بتناديك بكل صراحة

عامل نفسك مش عارف
وانت داير وملطوط بالراحة

الكل عرفوك وشاورو عليك
وكسرين عنيك بكل صراحة

الصبر تاة وتعب معاك
ولف منك فى كل شارع وحارة

ياسيدى عيش عيشة اهلك
وسيبك من جهلك والوقاحة

ماراح زمانك وولى مفيش حاجة
اسمها تتسلى بلاش بجاحة

هانت عليك نفسك ومع الحقيقية
اكتب اسمك فى لوحة شرف سودة

بانت فيها حقيتك بكل صراحة

السبت، نوفمبر 19، 2011

لية بنحب المسخرة وقلة ألآدب

احنا بنحب المسخرة وقلة الادب

بنحب نشوفها ونتفرج عليها

ولو كانت بعيد نلف الدنيا

ونروح عليها

لازم نعرف اصل وفصل الحكاية

وكل واحد فينا هيقول

اللى ربنا مقدرو علية

من نصيحة وعيب ومايصحش

ولو حد اعصابة فلتت ممكن يوجه شتيمة

وحشة تكون قبيحة

الانسان بطبعة بيروح للحاجة الغريبة

والعجيبة لو حتى كان مش مقتنع بيها

بس لايمنعة عدم الاقتناع من نظرة

فلن يخسر شىء اذا القى النظرة

وذهب مع الماشين يلعن الشىء القبيح

لو برنامج ازيع عنة هيكون العرض الليلة

وبيحكى عن الجنس وخلافة

تجدنا كلنا ولو اية ورانا بكرة

نسهر ونتابع البرنامج

ونشوفة ونقول نخد فكرة

لكن لو برنامج علمى او دينى

هيكون الاغلبية لية منفضين


والحجج كتير مخدتش بالى

ورايا شغل ولو سهرت مش هروح شغلى

والخ بدون نهاية

حاجة عجيبة وعايزة حل

لية البشر اغلبيتها تجتمع

عندما يكون هناك فعل مسخرة

ويجتمع القليل اذا كان الامر

يخص الادب والعلم

او اى شىء قيم صالح

محتاجين فى حياتنا ديما علم النفس

يشرح ويفهم لينا

اى لغز فى حياتنا

زى اللغز دة وا اكثر الالغاز

الغير مفهومة فى حياتنا

ولايوجد فى حياتنا

اصعب من لغز النفس البشرية

الجمعة، نوفمبر 18، 2011

تحت لقب عازب أعيش

مرت السنين


وانا تحت لقب عازب اعيش
مرت السنين

وانا مؤمن بهذا اللقب وبة اعيش

ادمنت الحياة بين اللقب والوحدة

عشقت الحياة هكذا كانت لى متعة وغنوة



الى ان رايتها فى احدى المكتبات

كنت هناك اتابع احدث الاصدارات

شدتنى وجذبتنى اليها رايت فيها الاختلاف

وسحر ما اليها يأخذنى دون كل البنات



ذهبت الى البيت افكر فيها دون غيرها

واسال نفسى لماذا هى التى انشغل القلب والعقل بها

هل هو هذا الحب؟ الذى بدايتة نظرة واعجاب

وهل بعد هذا العمر؟ يفتح القلب للحب باب


هل حان الوقت كى افارق لقبى ووحدتى

واللقب الاخر افضل او مازا يكون لااعلم

فقليلة عنة فكرتى

هى التجربة لاسواها سأضع على الطريق

اول خطوتى

وان خسرت فهى خسارة اخرى تحسب

تنضم الى السابقة قبلها فى دنيتى

الخميس، نوفمبر 17، 2011

خلى الشعب يعيش ... حديث الناس مع علياء

عشان من حقى اعيش

لازم اكون جريئة ومايهمنيش

اتصور عريانة والناس تتفرج

ماتتفرج خلى الشعب يعيش

وبكون سعيدة وانا بمارس حريتى

ولو كل العالم قال ليا عيب

اقول انا ليك مايصحش وعيب

عشان الحرية احارب الدنيا كلها

واكتب قصيدة وفوقها صورة ليا

بدون هدوم

تكشف كل جسمى كل الانوثة

هيا دى الحرية اللى بحبها

هيا دى اللى بحارب الدنيا عشانها

حريتى فى خروجى فى الشارع

زلط ملط

لاتقولى بدى ولا حتى كت

الحرية هيا من غير هدوم

تمشى وتصور زلط ملط

وارجع واقول ياعلياء عيب

تقولى اسكت يارجعى ما تتكلمش

اشعرفك انت عن الحرية

والحياة الحلوة فروتى فرش

ارجع واقول ياعلياء يابت عيب

انا مع الحرية بس ياترى هيا الحرية

اصور نفسى عريان والناس تشوف جسمى

لا طبعا دى تبقى جنون وعبط

ومش حرية ياعلياء هانم

فوقى انتى ماشية غلط

الخميس، نوفمبر 10، 2011

حاكم عادل

اى بلد فى العالم

عشان تكون بلد متقدمة

ومرتاحة والشعب فيها

بيحلف بحكومتها ليل نهار

عايزة رجل ومش اى رجل

رجل فريد من نوعة

يملك القوة والصبر

يملك العدل والنظرة الصح

فى كافة شئون البلد

البلد المرتاحة عايزة رجل فنان

قلب يشعر ويحس قلب حقيقيى

يكون قلب انسان

رجل يعرف يقضى على الفساد

بكل انواعة من محسوبية ورشوة

وكوسة وخلافة كتير

رجل ينشر العدل والامن والسلام

ويحفظ كرامة كل مواطن

فى اى مكان

رجل يعرف ان الكرسى لو دايم

ماكانشى اليوم من نصيبة

عشان كدة لازم يحكم وهو حاطط

بين عيونة انة راعى ومسئول

عن رعية وربنا هيحاسبة عليها

يوم الحساب

يعنى حمل كبير عايز رجل بجد

واى واحد حاسس انة مش هيراعى ربنا

يبقى بلاها منة الكرسى

لانة مش شهرة ولا منظرة

دة خدمة ارض وشعب وطن

والخادم لازم يكون امين

عشان الناس تحبة

وتدعى لية بدل ما تدعى علية

السبت، أكتوبر 29، 2011

رصاصة قاتلة

رصاصة قاتلة قادمة من بعيد

قتلت الولد والابنة والطفل الرضيع

وبكت الام والاخت وعجز الاب عن الكلام

رصاصة قاتلة تقتل كل يوم طفلاا ورضيع

هى رصاصة عدوانى محتل الارض بارد الدم

يقتل من اجل القتل حتى اذا كان القتيل طفلاا رضيع

لاتفرق عندة لاتهم

رصاصة قاتلة تقتل الحق وتسرق الارض

مطلقها يدعو الى الحرية وحقوق الانسان

قول حق يراد بة باطل

من كاذب قاتل لايؤتمن وليس بانسان

رصاصة قاتلة تهدم البيوت وتقتل الابرياء

تقتل الزرع وتسرق الماء

وتفرض الحصار على اصحاب حق

وتطلب ما ليس لها فية حق

وتجلس فى مكان ليس لها

وهى فية من الغرباء

كل يوم تزيد فى القتل والتخريب

ولاتجد من يقف امامها

فتزيد عدوانية وتخريب


الثلاثاء، أكتوبر 25، 2011

مالك محتاس

لية يا حبيبى كدة مهموم
دة الدنيا حلوة وبلاش غيوم
زعلان عشان فشلت مرة
لازم تقوم
لازم تجرب العوم كذا مرة
عشان تعوم



متخدش السهل وتسيب الصعب
مفيش شىء بيدوم
لازم تجرب دة مع دة
عشان تقدر حياتك تدوم
عاوز تحب حب قلب على قدك
بلاش هموم



وبلاش تبص لفوق
لااحسن تقع ماتقوم
ربنا خلق كل شىء
بميزان حساس منظوم
وانت حبيبى مالك محتاس
كدة مهموم



ماش تدارى وشك ماشى كدة مهموم
بلاش كدة وعيش وحاسب نفسك
مش بكرة لا من اليوم
بدل ما تشكى وتبكى وتلوم
حاسب قبل ما يجى يوم
يكون عليك انت اللوم

الأحد، أكتوبر 16، 2011

تقدر تقولى كم وعد وفيت

وجع قلبى انت السبب فية

انت اللى نستنى وجيت علية

وعدتنى الف وعد

تقدر تقولى كم وعد وفيت

وكل مرة تخلف وعد

والحجة جاهزة صدقتها

مش صدقتها انا وقلبى

بيها رضيت

ولم تتكر اكتر من مرة

بتكون الصورة مش واضحة

عندى بالتاكيد

بتكون مهزوزة قدام عينى

ضباب وشبورة

ولو قريبة وقتها بتكون بعيد

لية توعد وعد ومش هتقدر توفية

ترسلمى فرحة وسعادة

ووقت الجد تهرب لية

انا انسان من لحم ودم

وعندى كرامة غالية اكيد

لية تجرحها ولية تدبحها

وبعدها عايزنى ارجع

بفرحة وابتسامة قلب سعيد

زى ما يكون ما حصلشى

منك حاجة


ولاتعبت منك واتزيت

ولادمعة حزينة نزلت على الخد

تجرح فيا ولا اتهزيت

دة اللى حصلى من خيانة وعدك ليا

اكتر من كدة بكتير

كلمة اخيرة تعب قلبى وعذابة

انت السبب فية

الخميس، أكتوبر 13، 2011

الدنيا فيها بنات كتير

الدنيا فيها بنات كتير

فوف الالف والمليون

فيها السمرة والبيضة والشقرة

فيها الصب وفيها العصعص

وفيها على كل شكل ولون

بس نصيبى من كل دول

واحدة وبس ليا تكون

تتطلع زى ما تتطلع

الكلمة يومها للقلب تكون

لاشكل ولا جسم يهم

اللى يهم الاصل الطيب

بيكون مضمون

والروح الحلوة الصافية الهادية

اللى تخلى حياتك اجمل شكل

واجمل لون

نفسى فى يوم بجد اقابلها

بدعى ليل ونهار فى صلاتى اقابلها

نسمة رقيقة طفلة بريئة

قلب حنين طيب

يخدنى من الدنيا وما فيها

الثلاثاء، أكتوبر 11، 2011

حلم حياتى بين تكة وتكة

حلم حياتى بين تكة وتكة

بين اة ولا بين سكة رايحة

وسكة جاية

وفى انتظار كلى امل

لو حتى راح الحلم

مش هيموت فيا الامل

الامل بالنسبة ليا حياة

وعد وعدت بية نفسى

ولايمكن تحت اى ظرف

يتحل

الدنيا بين شارعين

شارع مقفول واخر مفتوح

وان يوم اتقفل باب

فى يوم تانى هيكون مفتوح

مدام فى رغبة فى النجاح

وثقة فى النفس

وامل عايش بية

اكيد فى يوم هنوصل

لكل ما نتمنى وبنحلم بية

دة مفيش محال ولا مستحيل

بالعمل والاجتهاد

هنوصل لية

الخميس، أكتوبر 06، 2011

نار ودماء

فى قلبى نار ودماء

فى قلبى مرض بلا شفاء

يوم وراء يوم فى عذاب

لااعرف لة معنى او اسباب

ذهبت الى الطبيب كى يرانى

لعلى بالكشف يبلغنى بما اعانى

لكنة بعد الكشف لم يجد بالقلب داء

رغم انى مازالت اعانى واطلب الشفاء

عودت الى البيت وجلست افكر فى مااعانى

ومر الكثير من الوقت وانا بية لاابالى

فرن الهاتف فقومت للاارى من ينادى

وعندما سمعت الصوت زلزال هز قلبى وجدانى

ولكن معة اختفى ما كنت منة اعانى

وشعرت بالراحة والسكينة

بعد ليالى مرة وانا اعانى

السبت، أكتوبر 01، 2011

جثة هامدة

تعرف يعنى اية حرية

تعرف تجيب الشاى من النملية

تعرف تجيب الدقة وتقلى طعمية

لو تعرف كل دة

تبقى انت الصح والمية مية


تعرف تفرق بين الشرق وبين الغرب

تعرف تفرق بين السلم وبين الحرب

تعرف تفرق بين الصبر وبين الغلب

لو تعرف كل دة

تبقى انت صح وبتعرف تحب


تعرف يعنى اية تسكت وما تتكلمشى

تعرف يعنى اية تشوف الظلم وما تتحركشى

تعرف يعنى اية تخون وضميرك ما يوجعكشى

لو تعرف كل دة

تبقى انت صح لو حتى جثة ما بتتحركشى

الأحد، سبتمبر 18، 2011

زيارة الى العالم الاخر

كان يوم من ايام حياتى لن انساة لن يغيب عن ذاكرتى طالما مازالت الروح بالجسد والدماء فى العروق تتدفق وتسير وتوزع الحياة على كافة اعضاء الجسم لن انساة طالما مازال القلب ينبض


فى هذا اليوم شعرت باالم شديد فى صدرى مع عدم القدرة على التنفس كنت فى حالة مثل من تخرج الروح منة مغادرة الجسد لتذهب حيث يشاء الخالق العليم

حركت قدمى وجدتها مازالت تتحرك حمدت الله وقومت وانا اتالم الى اقرب دكتور وبعد الكشف كتب لى حقنة تساعد على عودة التنفس الطبيعى مع بعض العلاج الاخر

ذهبت الى البيت ورقدت على السرير وامسكت الموبيل وارسلت رسالة الى الانسان التى احبها واعشقها وكتبت بها انى اموت ورنيت عليها اكثر من مرة

كان كل املى ان اسمع صوتها قبل ان اموت كما كان الحالة التى كنت عليها تشير الى ذلك كنت اريد قبل ان اغاد الحياة ان اسمع صوت حبيبى ولكن ارسل لى رسالة يقول انة غير قادر على الكلام

وانة نايم لاانة ذاهب الى العمل صباحا. جلست ارن علية لكن دون فائدة وبكت عينى ورقدت على السرير انظر الى الغرفة وكانها المرة الاخيرة الى ان ذهبت الى النوم

ثم صحيت وجدت نفسى احسن حالا من امس تحسنت نعم حالتى الصحية واحمد الله عليها لكن الجرح الذى يؤلمنى من حبيبى الذى لم يكلف نفسة بالرد على اتصالى رغم رسالتى التى توضح لة انى اموت

مازال يؤلم قلبى وينزف بسببة ولعلى الموت الذى لم ياتى بالمرض ياتى من الانسان الذى احببت وعدم اهتمامة وتقدير منة فى الحالة التى كنت عليها

الأربعاء، أغسطس 24، 2011

الحكم للقارىء

فى الادب يختلف الاسلوب من شخص الى اخر

 ولايوجد قاعدة واسلوب واحد للكتابة

و من يفرض على الكاتب قاعدة واسلوب معين للكتابة

هو شخص يفكر بانشاء حزب واحد بفكر واحد


و الكتابة موهبة قد يختلف الاسلوب

 والاهمية تأتى من الفكرة والهدف الذى يشير الية الكاتب 

والحكم يكون للقارىء  

 

الاثنين، أغسطس 22، 2011

حلم مخالف للطبيعة

نحن نحب الحياة


 نتمنى ان نعيش فيها مخلدين


حلم

وليس كل حلم يتحقق

وبالاخص

عندما يكون مخالف للطبيعة 

الجمعة، أغسطس 19، 2011

النفس

النفس تأمر الانسان بالسؤ 


 والسؤ يأمر الانسان بالعصيان 


 والعصيان يأمر الانسان بالهلاك 


والهلاك يأمر الانسان بالموت




 والموت يخطف الانسان من الحياة

السبت، أغسطس 13، 2011

فيرس قاتل

الوحدة\ فيرس قاتل


 يهدد حياة الانسان 


 ولة القدرة على الانتشار السريع


والاتحاد مع الاكتئاب 


 والملل للقضاء على الانسان

الجمعة، أغسطس 12، 2011

منطقة وسط

انت صاحب فكر وانا صاحب فكر


 قد تختلف الافكار حسب اختلاف الثقافة


 لكن قد تتلاقى فى منطقة وسط


 ليستطيع الانسان التأقلم مع الاخرين

الأربعاء، أغسطس 10، 2011

الضربة القاضية

يحب الانسان مرة واحدة 


 ويتزوج مرة واحدة


ويموت مرة واحدة


وممكن ان يبتعد عن الاولى والثانية


الا الثالثة لاهروب منها


فهى الضربة القاضية

الثلاثاء، أغسطس 02، 2011

دعوة المظلوم

الاحساس والشعور بالظلم احساس صعب على الانسان

الظلم ظلمة من ظلمات يوم القيامة

دائما نتمنى من الله وندعو ان نكون بعيدين

عن ظلم الاخرين

فدعوة المظلوم مستجابة ولو كان كافر




رد لحديث أن النبي صلى الله عليه وسلم بعث معاذاً إلى اليمن، فقال: ( اتق دعوة المظلوم، فإنها ليس بينها وبين الله حجاب

ربنا يبعدنا عن ظلم الاخرين

ربنا يرحمنا برحمتة

الله ما اتنا فى الدنيا حسنة وفى الاخرة حسنة وقنا عذاب ا لنار


مع خالص تحياتى 

الجمعة، يوليو 22، 2011

نار وتجمد

عندما يوجد ثلوج

يوجد تجمد

وعندما يوجد نار

يوجد سخونة

وعندما يعشق ويحب الانسان

تكون حياتة متغيرة

بين نار وتجمد

ومن بعد يأتى الغموض

ولحظات من الحيرة

وبين الغموض والحيرة

يعيش من يحب

ولاخروج من شرنقة الحب

الا بجراح والم

ولكن دائما من بعد جراح

راحة ونسيان

نعمة الله على الانسان

هى النسيان دائما

او لبعض الوقت

فهى حالة لابد منها

لكى يستمر الانسان

فى الحياة ويكون

قادر على الحياة فيها

الثلاثاء، يوليو 19، 2011

انقلاب

حضر احمد من العمل ركن سيارتة وغطها

وحضر ايضا عم حسين ووضع سيارتة بحوار

سيارة احمد لكن دون ان يضع عليها الغطاء

كانت سيارة احمد جديدة وماركة معروفة غالية الثمن

وكانت سيارة عم حسين متوسطة وقديمة وتعتبر عجوز فى عالم

السيارات. ولكن الحجم واحد

مر اليوم ونزل احمد ليجد عم حسين يبكى ويصرخ

سيارتى سرقوها الحرامية

وفضل احمد يهون علية وكان جواة مستريح

انة سيارتة لسة موجودة ومتغطية زى ما سبها

وقال من جواة كويس ان الحرامية مش سرقوها

هيا كمان

وابتدى احمد يشيل الغطاء من على سيارتة

لتحصل انها المفاجأة . حيث يجد سيارة عم حسين

وليست سيارتة

الغطاء ملكة ولكن السيارة ليست لة

لتنقلب الاية ويصرخ احمد من بعد فرح

ويبتسم عم حسين ويحمد الله من بعد صراخ وحزن

واصبح عم حسين هو الذى يهون على احمد الامر

الاثنين، يوليو 11، 2011

على الجنة يلا بينا

هتقولى اية وهقولك اية

دة مفيش ما بنا غير كل خير

وان كنت زعلان منى

تعالة قرب وعاتبنى

وانسى البعاد او الخصام

عمرة مايدخل بين قلبين

بينهم هوى واحلى غرام


سؤ فهم كان

يا قلب طيب

من قلبى قريب

عمرة مايفرق بينى وبينك

ماتقدر تبعد ولا اقدر اسيبك


ايوة كدة اضحك

الضحكة دى تجنن

بتخدنى لعالم تانى

ايوة كدة قرب

من قلبى كدة قرب

وتعالة اسكن بين احضانى


يلا يلا بينا

على الجنة يلا بينا

ننسى اللى فات

ونعيش من الليلة

احلى ساعات جميلة

دة نظرة من عنيك

ولمسة من ايدك

وكلمة حلوة تتقال منك

تسحر وتخطف قلبى اليك

الجمعة، يوليو 08، 2011

هيا كل الحياة

كلمة وثقة فيك بتخلى حالى حال

بتخلينى فى دنيا

غير الدنيا اللى انا

بعيش فيها انا

بتخلينى احبة

اكتر ما انا بحبة

وبيكبر بيها ديما

فى قلبى تملى حبة

ببقى عايز تملى

اسمع منها تملى

اى حرف اى كلمة

منها تبقى حقيقية

اعيشها ثانية ثانية

اعيشها لو دقيقة

بتبقى الفرحة فيها

احلى من اى فرحة

ممكن اعيشها تانى

هيا كل الحياة

روح قلبى وهواة

ولا ممكن احب غيرها

لو شافت حتى عينى

مليون واحدة وواحدة

مفيش غير ها فى قلبى

هيا وبس اللى عندى

وبروحى والله عشقها

ربى يخليها ليا

واعيش ليها تملى

هيا نور عنيا

شمسى وقمرى وضلى

وكل حاجة هيا

بتشاركنى فيها

من غيرها اضيع اموت

ولاثانية اقدر اعيشها

لو غابت يغيب فرحنا

وتغيب روحى عنى

الاثنين، يوليو 04، 2011

محتاج العالم جنبى

عيون عسلية وقلب طيب زى الورد

طيب وجميل وحنين وبحبة بحد.

الله علية لما بيضحك

الدنيا دى بتضحك ليا

الله علية لما يقولى

انت الحبيب اغلى ما ليا


قمر الليالى قمر قلبى

امرنى احب

لئتنى مسلم لية امرى

الله على الحب





اية دة اللى انا فية


دة حكايتة حكاية

محتاجة سنين احكيها

وراح اقول كدة يعنى اية



علشان احكى اللى انا فية

محتاج العالم جنبى

يسمع كدة دقة قلبى

ومنها يعرف ويقدر

احساس قلبى وحبى

وكل اللى انا حاسس بية

الثلاثاء، يونيو 28، 2011

فين الكتف فين اللحمة


فى ناس تقول دينية وناس تقول مدنية

وناس تقول مفيش احلى من العلمانية

وناس تقول لكدة ولا كدة عايزاها ديمقراطية


والشعب والله كتير مخنوق

من كلام عجيب بيدوق

ولافارقة معاة تبقى اية

المهم يشوف تغير تحلو بية كدة ايامة


مش ناس تقول كدة اى كلام

ممكن تكون مش فارقة معاة

ولا عارف كدة اية جواة

ماشى كدة مع الماشية

واللى بكيسب يبقى معاة

لافية مبادىء ولا افكار

تتغير حسب الاحوال

واللى كان من يوم كسبان

صبح دلوقتى خسران

صبحت مولد صبحت زحمة

ولاحد عارف فين الكتف فين اللحمة

ولا مين صح ومين غلط

ولا اية الفرق بين الطوب والزلط

مش بقولك زحمة وناس صالحة

تايهة وسطها

وناس ظالمة ظاهرة وسطها

وناس ايدها على خدها

وجع دماغها الانتظار

وطال معاة عذابها وجرحها

فيلم وابتدى ومحدش عارف

فين وامتة تكون نهايتة

وهتبقى حزينة ولا سعيدة

العلم عند الله رب الحياة والكون

تعالة ندعى من القلوب

تكون النهاية حلوة سعيدة

وخير الامور تكون وسطية




عايزك تعرف انى بحبك


بحبك حب صعب يتوصف صعب الكلام علية

بس القلوب بنظرة عين بيتعرف كدة فيها اية


وانت عارف قد اية قلبى حبك داب فى حبك قد اية

ومهما كان الكلام بيريح لغة السكوت احلى حبيى واريح

كفاية ابص انا فى عنيك واتهوة وانسى الدنيا كدة بيك

وتضحك ليا الايام ياسلام على الحب ياسلام


اجمل احسلس فى الدنيا لما تلئى حبيب بيحبك

بيخاف عليك

وتبقى كل الدنيا فى عينة شمسة وقمرة واحلى سنينة

ويبقى كل ما ليك


ياحبيبى يا احلى قمر يامعلم قلبى السهر

عايزك تعرف انى بحبك وحبك نصيبى وقدر


عايز اقولك حاجة كمان قبل ما انسى قبل ما انام

دة لو عرفت حبيبى انام ياللى شغلنى ليل ونهار

انت الدنيا بما فيها اموت ولا اعيش انا فيها

من غيرك اية انا بس اكون

واية تسوى الحياة ياحبيى لو مش جنبى

حبيى كدة فيها






الأحد، يونيو 26، 2011

ياحكومة ثورة ياعصام ياشرف


سالونى الناس عايز اية من الحكومة وتتمنى اية

قولت عايز كل خير منها فى كل اللى بتحكى وتقول علية

مش عايز اسمع كلام وبس عايز يبقى الكلام افعال

يطيب ويريح شعب عظيم طال الانتظار بية

مش بس مجرد كلام مسكن يتقال


ياحكومة ثورة ياعصام ياشرف مع حفظ الالقاب

حلو الكلام حلو جميل بس الفعل بيكون احلى كتير

عارفين الحمل تقيل بس انت قدها كتير


عايز اشوف افعال تكون خير لبلدنا وتحس بيها الناس

تغير فى حياتها من صعب الى راحة واجمل احساس

والله مصر الخير جواها ارض خير شعب طيب

بس عايزة بداية صح مبنية صح على اساس



الجمعة، يونيو 24، 2011

يسعدنى اتعرف بيك


 
كان قاعد كدة اة فى بيتة بين دفتر وقلم يكتب

فجأة كدة رن التليفون وسمع صوت بلبل يطرب

قال لية مين كدة اة ويايا    قال ليا معجب بكتابتك ممكن اتعرف بيك

قولت لية اهلا كدة بيك يسعدنى اتعرف بيك من يومها منة بقرب



وبقى يتصل كدة بيا

وانا كمان اتصل بية

نسأل على بعض ونطمن 

 تفكير واحد فيا وفية


يمكن بنا مسافة بعيدة بس بحس انها قريبة

احساس تانى وشكل تانى بيخلى الفرحة اكيدة


من اول مرة اتكلمنا قولنا حكينا فى ياما كلام

حسيت انة قريب منى قابلتة فى يوم من الايام


مش عارف لية شقلب حالى واجى اتكلم ما اتكلمشى

يطلب منى انى اتكلم واجى اتكلم انا ما اعرفشى


بس كدة بينى وبينكم مجنون بيا ومجنون بية

يمكن فى جوايا حاجات مش عارف احكيها انا لية

..ولسة ما بنا شىء مفصول يفصل كدة بينى وبينة

وهيبقى كامل مظبوط بس نصبر خمسة علية





الأربعاء، يونيو 22، 2011

ام حسين كانت جارة


من كم شهر عدى كدة فات كانت ليافى حكاية

وحصلت كدة كم مرة حسيت بملل بلا نهاية

ام حسين كانت جارة ست كبيرة وحبوبة

من بعد ما مات كدة حوزها اشتغلت بعدو خطابة

كانت دى فكرتها تشغل بيها وقت فراغها

وديما كانت زيارتها مش اى زيارة فى الحارة


ديما كانت تيجى لينا وفى ايدها كدة كم صورة

لبنات حلوين وبنات طعمين وتقولك اختار صورة

كنت ببص كدة ليها واشوف فى عيونى امى فرحة

زى ما اكون كدة اجوزت ومعايا عروسة بطرحة


افضل اقول كدة اى كلام وهحاول اجرى كدة اهرب

ماهى مش بيعة ولا شروة ولاطقم جديد علشان اجرب


وكنت تملى اقول بصراحة مش نافعة فيهم واحدة

عشان اهرب من الموقف اعمل اية حاجة غريبة



كنت بقول لجارتنا وامى معاها فى نفس الوقت

الموضوع قسمة ونصيب ولكل واحد كدة وقت

يوم ما هتيجى اجرى عليها وحبى هيبقى مالهوش حد

سبونا نفكر براحتنا والمكتوب هتشوفة العين

القصة مش كم صورة هتيجى الفرحة وياها

الموضوع كدة عايز صبر بكرة هيجى فى اقرب وقت



الاثنين، يونيو 20، 2011

اية اللى حصل دة فى المحكمة


اية اللى حصل دة فى المحكمة

وازى ينسكت علية ودة خروج عن الادب

والاحترام المتعارف علية

وكمان يحصل فى محكمة ومن محامين

ومفيش حساب لية

دة اقل حاجة على اللى حصل منهم

حبس 24 ساعة لان اللى حصل منهم مقصود


فى محكمة جنايات اسكندرية أثناء استئناف نظر القضية

المتهم فيها ستة من القيادات الأمنية


قام محامى الضباط باستفزاز الأهالي بإشارات خادشة للحياء

ومحامى تانى معاة قال دول شويت عيال صيع


وكل اللى حصل للمحامين دول الجيش خرجهم برة قاعة المحكمة

والجلسة صبحت معلقة بسبب ما حدث

ما هو كان قصدهم تعطيل الدعوة باللى حصل منهم

دول كان اقل حاجة حبس 24 ساعة زى ما قولت للخروج عن الادب والاحترام

اهانة للااهالى الشهداء واهانة للمحكمة والقضاء

ودى اقل حاجة مش خروج من القاعة وبس

لان اللى حصل دة ممكن يحصل تانى وبطرق اخرى

لان مفيش حساب من الاول فى اللى حصل اول مرة