مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، يناير 14، 2011

"الكل يجرى ويستخبى الا انا"


بحب المطر ولما ينزل


الكل يجرى ويستخبى الا انا
اجرى علية واستقبلة واغنى لية
واكتب كلام ماحد قالة
قبل منى عن المطر


وفى عز المطر بحب امشى فى الشوارع
تتبل هدومى ما تتبل بيذيد الحب وعمرة ما اقل
تبص الناس عليا تقول مجنون
اقول مفتون وعشقى لية فى قلبى ولو جنون
دة خير ياناس ومش ليا بس دة لكل الكون



فى نزول المطر بأحس بالسعادة والفرح
بأحس انى طير طاير بدون جناحين فوق فى السما
بأحس انى اتخلقت من جديد وليلة المطر ليلة عيد
معايا ولا مش معايا انا بية احساسى وعشقى بيذيد



رغم انى بطبعى بتأقلم على اى فصل
من فصول السنة وبرضى بية ولا برفض وجود لية انما
الشتاء ومطر الشتاء لية معزة
عندى وغالى على قلبنا

هناك 7 تعليقات:

شيرين سامي يقول...

أنا كمان بحب المطر أوي بس انهارده كمان مكانش بس مطر لأو تلج كمان بجد ده أكتر جو بيعجبني و يا سلام على الجو بعد المطر مفيش أصفى ز لا أنقى من كده
شكراً على البوست الجميل
تحياتي الخالصه لك

هبة فاروق يقول...

انا بحب المطر جداااا برغم انى بكرة السقعة والشتاء لكن المطر جميل وبيخلى الجو تحفة
شكرا على البوست تحياتى

Dr Ibrahim يقول...

أكيد يا زعيم
المطر يحمل الخير
وأكيد اللى بيحب الخير يبقى فى قلبه خير
تحياتى لك

Ramy يقول...

(:

حمد الله ع السلامة

بحب الشتا علشان البرد بس

المطر اتفرج عليه من بعييد(:

Ms Venus يقول...

طبعا المطر الخير

بس زى اى شىء حتى لو جميل لما بيزيد عن حده

بيضر


تحية ليك يا تامر ويارب دايما تكون بخير

نور يقول...

مساء الخير
كلمات جميلة كجمال المطر
نسأل الله تعالى المطر والخير للجميع
يسلمووو أخي تامر دمت بكل خير

حلم يقول...

جمالية سقوط المطر جمالية لا توصف وعندما نستقبلها فاتحين ايدينا نحس وكانه يدعونا لنراقصه
فعلا ابدعت اخي