مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، يونيو 03، 2011

اخوكى العزيز فى انتظارك


مش معنى انى كنت بكلمك وديما لو غبتى يوم اسال عليكى

مش معنى انى اضحك معاكى واقول احلى الكلام قدامك

يبقى بحبك

مش معنى انى ببص ليكى وبحب ديما انى اشوفك

مش معنى اهتمامى بيكى وخوفى عليكى

انى بحبك

انتى مجرد اخت عزيزة على قلبى بتمنى ليها الخير من قلبى

انتى بنت جميلة ومؤدبة واخلاق وكل حاجة طيبة فيكى

واكمنى محروم ولا كان ليا اخت بنت لما شوفتك ارتحت ليكى

واخترتك اخت ليا

اخت ارتحت ليها والايام قربتك ليا وبقيت احكى ليكى كل حاجة

عن حياتى

مهما كانت كنت بقولها ليكى وانتى كمان كنت بتحكى ليا كل حاجة

ودة من حب ومعزة الاخ للا اختة والعكس كما كنت ارى

انا اسف لو جرحتك من غير قصد

مفيش حد فى حياتى

وانتى بالنسبة ليا هتفضلى اجمل وارق واصدق اخت قابلتها فى حياتى

وبدعى ليكى من كل قلبى تجدى نصك التانى ويكون قدير بيكى

وبقلبك الطيب

عودى كما كنتى اخت عزيزة اخوها قلقان عليها

وبيسال عليها وعايز يطمن عليها

كونى كما كنتى ولاتغلقى ابواب الحياة امامك

اخوكى العزيز فى انتظارك

مع خالص تحياتى


هناك 30 تعليقًا:

Mona يقول...

مش عارفة ليه مش لاقية تعليق - عموما أتمنى رجوعها
تحياتى

wasf_elahsas يقول...

بعد ده كله وبتقولها اخت
صعب انها تعيش حلم لو ما قلتش بحبك كل ده مالوش غير المعني ده
بيتهيالي صعب تعمل شفت لمشاعرها ناحيتك وصعب انها ترجع
وصعب انها تنسي

ماما أمولة يقول...

الأيام بتدواوي
والزمن بينسي والجراح بتطيب ومش بنتذكر الا كل طيب
بس صعب الرجوع وسيبها براحتها

شمس النهار يقول...

اومال الحب يبقا ايه؟؟
كل اللي انت عملته وحسيته ده هو الحب بعينه
والا كان حدد المواقف من الاول انها صداقة واخوه وبس

شمس النهار يقول...

علي فكرة اصعب احساس انك تجرح حد بتعزة من غير ماتقصد

Tears يقول...

احيانا الاحاسيس بتختلط و المفاهيم بتتلخبط

ربنا يعيدها بالسلامة

حَـبآيـۃْ.بـטּـدۉڷ يقول...

:)

أَولْ زِيارَه .. مازلتْ أتجَوَّلْ
بعضْ الشيء فـالمُدونه ..

Dr Ibrahim يقول...

بس المفروض يا كبير تحدد العلاقة من الاول

Carmen يقول...

رائعة ذات معاني جميلة
تقبل مروري

Ms Venus يقول...

احساس صعب جدا ان الانسان يجرح حد بيحبه


تحية ليك يا تامر

شربات يقول...

صعب جرح الاحساس حتى لو كان بدون قصد بس بتكون فترة والامر يصبح من الذكريات
تحياتى

شربات يقول...

صعب جرح الاحساس حتى لو كان بدون قصد بس بتكون فترة والامر يصبح من الذكريات
تحياتى

شربات يقول...

صعب جرح الاحساس حتى لو كان بدون قصد بس بتكون فترة والامر يصبح من الذكريات
تحياتى

Amira يقول...

انا راى من راى ماما امولة

الأيام بتدواوي
والزمن بينسي والجراح بتطيب ومش بنتذكر الا كل طيب
بس صعب الرجوع وسيبها براحتها

صح وهيك يكون الوضع

تحياتى

ليلى حسين يقول...

وضعك وياها وكلامك يشير الى الحب

رغم نفيك للموضوع ودة هو تخبط الاحاسيس وعدم وضعها فى اطارها الصحيح

تحياتى

ليلى حسين يقول...

وضعك وياها وكلامك يشير الى الحب

رغم نفيك للموضوع ودة هو تخبط الاحاسيس وعدم وضعها فى اطارها الصحيح

تحياتى

Tamer Nabil Moussa يقول...

Mona

عندك حق منى موقف صعب

منورة المدونة

مع خالص تحياتى

Tamer Nabil Moussa يقول...

wasf_elahsas

كلامك صح موقف بيكون صعب على الانسان عندما يجد ما كان يحلم بة تسرب مرة واحدة

ودة بيكون عدم لحدوث عدم فهم للعلاقة بين الطرفين

منورة المدونة

مع خالص تحياتى

Tamer Nabil Moussa يقول...

ماما أمولة

اكيد كلامك ماما امولة

واتفق معاكى

منورة المدونة

مع خالص تحياتى

Tamer Nabil Moussa يقول...

شمس النهار

دى مشكلة مجتمع

ديما عندما يقترب شاب من بنت ويهتم بها دائما تترجم العلاقة الى حب

مع استبعاد الاخوة والصداقة

انا معاكى موقف صعب ان الانسان يجرح ناس غالية علية بدون قصد

منورة المدونة

مع خالص تحياتى

Tamer Nabil Moussa يقول...

Tears

صح كلامك تيرز

منورة المدونة

مع خالص تحياتى

Tamer Nabil Moussa يقول...

حَـبآيـۃْ.بـטּـدۉڷ


اهلا بيكى يافندم

لفى براحتك

منورة المدونة

مع خالص تحياتى

Tamer Nabil Moussa يقول...

Dr Ibrahim


ياصاحبى

زى ما قولت دى مشكلة مجتمع ينظر الى كل اقتراب بين بنت وشاب على انها علاقة حب

ودائما فيها احدى الطرفين ينصدم

على فكرة دة مجرد عرض وليس شىء خاص بيا

منور المدونة

مع خالص تحياتى

Tamer Nabil Moussa يقول...

Carmen


الله يخليكى كارمن

منورة المدونة

مع خالص تحياتى

Tamer Nabil Moussa يقول...

Ms Venus

صح كلامك فينوس

احساس صعب اكيد

منورة المدونة


مع خالص تحياتى

Tamer Nabil Moussa يقول...

شربات

اكيد شربات

الايام بتنسى

منورة المدونة


مع خالص تحياتى

Tamer Nabil Moussa يقول...

Amira


اوك اميرة

اتفق معاكى

ورايك يحترم

منورة المدونة


مع خالص تحياتى

Tamer Nabil Moussa يقول...

ليلى حسين

صعب جدا ياليلى

ان انسان ينظر الى انسان على انة صديق واخ لاغير

يجب ان يقولها ويحدد لها طريق

دى زى ما قولت مشكلة مجتمع


منورة المدونة

مع خالص تحياتى

بنت النيل يقول...

رفقا بالقوارير
لازم يكون فى وقت الرجل يحس فيه بقلب المرأة واللا هو قلب لمرأة لعبة
لو كانت دى النية من البداية لم تصرح بها من اول يوم
ولكن تتركون القلب ليتعلق وبعدها انا أسف احتاجك كأخت كصديقة
شماعة الاحتياج هذه تعلق فى قلب المرأة المسكينة
أكبر خطأ يرتكبه الرجل عندما لا يستمع لقول الرسول الكريم عليه الصلاة والسلام ( رفقا بالقوارير ) نصيحة عمركم ماهتنفذوها واشمعنى دى اللى هتسمعوها يعنى كنتم سمعتوا باقى النصايح بتاعته
مع الأسف

Tamer Nabil Moussa يقول...

بنت النيل

حضرتك داخلة فيا شمال لية؟

وبعدين علاقة اية اللى كان يتقال عليها من الاول هو الانسان مطلوب منة انة اول ما يتعرف على انسان يقول لية شوفبقى العلاقة بنا لازم نحط ليها عنوان

ما بالك بقى ان دول اصحاب واصدقاء فى شغل واحد

ومين قال ان المراة لعبة

منورة المدونة

مع خالص تحياتى