مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الثلاثاء، أكتوبر 25، 2011

مالك محتاس

لية يا حبيبى كدة مهموم
دة الدنيا حلوة وبلاش غيوم
زعلان عشان فشلت مرة
لازم تقوم
لازم تجرب العوم كذا مرة
عشان تعوم



متخدش السهل وتسيب الصعب
مفيش شىء بيدوم
لازم تجرب دة مع دة
عشان تقدر حياتك تدوم
عاوز تحب حب قلب على قدك
بلاش هموم



وبلاش تبص لفوق
لااحسن تقع ماتقوم
ربنا خلق كل شىء
بميزان حساس منظوم
وانت حبيبى مالك محتاس
كدة مهموم



ماش تدارى وشك ماشى كدة مهموم
بلاش كدة وعيش وحاسب نفسك
مش بكرة لا من اليوم
بدل ما تشكى وتبكى وتلوم
حاسب قبل ما يجى يوم
يكون عليك انت اللوم

هناك 15 تعليقًا:

شربات يقول...

كلام سليم لازم الانسان يتعلم ولايعرف الياس مهما واجهتة اصعب الظروف
تسلم تامر
تحياتى

الملكة هند يقول...

لية يا حبيبى كدة مهموم
دة الدنيا حلوة وبلاش غيوم
زعلان عشان فشلت مرة
لازم تقوم
لازم تجرب العوم كذا مرة
عشان تعوم

كلمات رروعة تامر

تحياتى

الشاعر الفنان أحمد فتحى فؤاد يقول...

صباح الخير يا تامر

أنت صح كده

الدنيا مش محتاجة إننا نزيد من همومها

خللينا دايما نبص لبكرة و إن شاء الله يبقى أحسن

تحياتى

وصف الاحساس يقول...

ازيك يا تامر
ايه الحوسه دي كلها
والله مش هو بس ده كلنا محتاسين بس محدش بيختار حياته ولا حد بيختار نصيبه
بعد الشر عنك من الحوسه
تحياتي

بسمة الورد يقول...

كل كلامك هنا موزون
لما تقابل قلب تحبه
فكر مرة وميت مليون
يمكن تقدر حتى تخلى
قلبه الفاضى يبات بيفكر
ف هواك سارح كده مشغول

مساؤك هنا وخير اخى الفاضل .. تامر نبيل

راق لى تواجدى هذا المساء بين احرفك العذبة الرقراقة
تقبل كلماتى المتواضعه
ويشرفنى المتابعه
مودتى واحترامى

Carmen يقول...

كلمات جميلة جدا جدا تسلم ايدك استاذ تامر تحياتي لك

أمل م.أ يقول...

تامر اسعد الله اوقاتك بكل الخير

يمكن هو كتير حساس
ودي طبيعة الناس
واحد طيب والتاني نسناس
وواحد معدنه من تنك
وواحد معدنه من الماس
واحد بسهوله انه يفرح
وواحد نكد صعب المراس
وواحد ضارب الدنيا طناش
وواحد عايش في دنيتو محتاس

سلمت ايديك يا تامر
دايما مدونتك لها نكهة خاصة
كن بخير دوما

Tamer Nabil Moussa يقول...

شربات

الله يسلمك تسلمى

منورة المدونة

مع خالص تحياتى

Tamer Nabil Moussa يقول...

الملكة هند

الله يخليكى هند

منورة المدونة

مع خالص تحياتى

Tamer Nabil Moussa يقول...

الشاعر الفنان أحمد فتحى فؤاد

صباح الفل

عندك حق فى كلامك

منور المدونة

مع خالص تحياتى

Tamer Nabil Moussa يقول...

وصف الاحساس

صح وصف لااحد يختار الا ما هو مكتوب لية

تسلمى

منورة المدونة

مع خالص تحياتى

Tamer Nabil Moussa يقول...

بسمة الورد

الله يخليكى بسمة تسلمى

منورة المدونة

مع خالص تحياتى

Tamer Nabil Moussa يقول...

Carmen


الله يسلمك كارمن

منورة المدونة

مع خالص تحياتى

Tamer Nabil Moussa يقول...

أمل م.أ

الله يسعدك امل

ربنا يخليكى

منورة دائما المدونة

مع خالص تحياتى

نيللى يقول...

كلام فى الصميم لازم الأنسان يحاول على طول مهما قابلوا من هموم