مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الخميس، نوفمبر 10، 2011

حاكم عادل

اى بلد فى العالم

عشان تكون بلد متقدمة

ومرتاحة والشعب فيها

بيحلف بحكومتها ليل نهار

عايزة رجل ومش اى رجل

رجل فريد من نوعة

يملك القوة والصبر

يملك العدل والنظرة الصح

فى كافة شئون البلد

البلد المرتاحة عايزة رجل فنان

قلب يشعر ويحس قلب حقيقيى

يكون قلب انسان

رجل يعرف يقضى على الفساد

بكل انواعة من محسوبية ورشوة

وكوسة وخلافة كتير

رجل ينشر العدل والامن والسلام

ويحفظ كرامة كل مواطن

فى اى مكان

رجل يعرف ان الكرسى لو دايم

ماكانشى اليوم من نصيبة

عشان كدة لازم يحكم وهو حاطط

بين عيونة انة راعى ومسئول

عن رعية وربنا هيحاسبة عليها

يوم الحساب

يعنى حمل كبير عايز رجل بجد

واى واحد حاسس انة مش هيراعى ربنا

يبقى بلاها منة الكرسى

لانة مش شهرة ولا منظرة

دة خدمة ارض وشعب وطن

والخادم لازم يكون امين

عشان الناس تحبة

وتدعى لية بدل ما تدعى علية

هناك 11 تعليقًا:

هبة فاروق يقول...

صدقت يا تامر فى كل كلمة قولتها
البلد دى عايزة رجل بس هو ياترى فين وحيبقى مين؟؟؟
تحياتى

أمل م.أ يقول...

تامر اسعد الله اوقاتك بكل الخير

نعم الحكم امانة ومسئولية
وكلكم راع وكلكم مسئول عن رعيته
لكن للاسف الكل يركض خلف المظاهر
الخداعة وخلف العز والجاه والسلطة

ربنا يوفق ولاة امورنا لما يحبه ويرضاه
ويغير هالحال باحسن منه
ان شاء الله

كن بخير دوما

وصف الاحساس يقول...

العدل اساس الملك
‏ العدل اساس كل حاجه
واكيد ان التزم الحاكم بالعدل
هتنصلح حاجات كتير

ساسو يقول...

بالتوفيق دايما يا تامر
كتاباتك كلها جميله

Carmen يقول...

بوست مميز استاذ تامر تسلم ايدك
تحياتي

آخر العنقــــــود يقول...

ربنا يرزق مصر اللي يخاف عليها ويراعيها يارب
تحياتي

غير معرف يقول...

قلت الخلاصة لو كل واحد راعى ربنا واتقى الله كانت الحياة حتبقى -

تحياتى

منى الغرباوى

غير معرف يقول...

معرفش كلمة أحلى مابنتش ليه؟؟

وجع البنفسج يقول...

ربنا يرزقكم بالحاكم الصالح ان شاء الله

ويحفظ لكم مصر ..

koukawy يقول...
أزال المؤلف هذا التعليق.
koukawy يقول...

علي رأي اغنية فريق كاريوكي مطلوب زعيم (بالاختصار مطلوب دكر)