مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، فبراير 11، 2011

مبررررررررررررررررروك يامصر يا ام الدنيا


خلاص بجد مش مصدق ريح وريحنا وخلاص بجد مش مصدق حاسس انى بحلم مبروك لينا كلنا مبروك لمصر ام الدنيا دى خطوة ومحتاجين جدية وفهم وصحة تعامل مع اللى جى مش عايزين نسكت على غلطة تحصل بعد كدة ونسبها لماتكبر خلص على الغلط اول بااول مبررررررررررررررررروك يامصر يا ام الدنيا

السبت، فبراير 05، 2011

ثورة شباب مصر



دى كلمات بسيطة بعبر بيها عن ثورة شباب مصر وبحاول اقول بيها اللى يكدب اشاعات نزلة على دماغنا من كدابين الزفة يارب ينصر شباب مصر يارب هيا دى بلادى الجميلة هيا دى ثورة شباب كلها من مصر بلدى ولافيها حد من الاغراب فيها عيسى وفيها محمد كلهم احباب اصحاب الكل بيدافع بحياتة الكل قدم تضحياتة ولسة بيقدم كمان لعودة حق ياما عنا سنين كدة غاب

الجمعة، فبراير 04، 2011

ثورة الغضب مازالت مستمرة


لفيفت لفتى على الشبكة وجدت كلام كتير عن الثورة السلمية حبت اكتب البعض منها ليكم هنا على لسان اصحابها

نبتدى بالدكتور احمد عكاشة
طالب الدكتور أحمد عكاشة، رئيس الجمعية المصرية للطب النفسى، الرئيس مبارك بالرحيل عن السلطة، منوها بوفاة الحزب الوطنى «الذى لن يرحمه الله»، حسب تعبيره.

وقال عكاشة لـ«المصرى اليوم»: هناك مرض نفسى يصيب الحكام الديكتاتوريين فى العالم، وهو فقد البصيرة، حيث يشعر الديكتاتور بأنه محبوب من الجميع، وأن الكل يخافه»، مشيرا إلى أن هذا المرض أصاب مبارك»، ولكنه استيقظ مؤخرا يوم ثورة شباب 25 يناير، والكل يقول له يسقط حسنى مبارك».
-------
نجى بعد كدة حكاية وتجربة من ميدان التحرير يكتبها مصطفى محمد ويقول

ذهبت اليوم الى ميدان الشهداء ( الحرية سابقا ) والحقيقة انتابتنى مشاعر كثيرة جدا و لاحظت اشياء كثيرة جدا
اولا فى طريقى للذهاب مررت على اللجان الشعبية فى منطقة القصر العينى و قاموا بتفتيشى و عندما وجدوا فى شنطة العربية كرتونة مياه معدنية سالونى الكرتونة دى رايحة فين قلتلهم مش رايحة فى حتة دى انا جايبها للبيت بس كسلت اطلعها فسالنى تحلف على كده قلت له والله يا سيدى قالى طيب انا اسف اصل احنا حالنا واقف بسبب الناس اللى فى التحرير دى و عايزنهم يمشوا و كمان كل شوية بيقولولنا ان فيه ناس بتدخلهم اكل مسمم فما بنعديش حد بااكل و استغربت جدا من الحرب النفسية على هؤولاء المناضلين الابطال فعلا ده حصار نفسى رهيب, اتبدلت الخطة من المواجهات البدنية العنيفة الى مواجهات نفسية و فكرية شغل مخابرات بقى واخدلى بالك يا عمر

ثانيا بعد ما ركنت فى جاردن سيتى و مشيت للتحرير فى دخولى الى هناك اتفتشت تقريبا 65 الف مرة و 30 الف واحد شافو بطاقتى و عاملين مكان للدخول و مكان للخروج مين اللى عاملين؟؟ الشباب اللى هناك و انا ارجح انهم اخوان وماكانوش بيدخلوا اى حد شرطة او حزب وطنى و كمان بيعتذوا عن التفتيش حاجة فى منتهى الجمال سيطرة امنية رائعة ايه التنظيم ده طبعا لمحت الناس اللى كانوا بيقفوا على الاشارات بتاعة المرور بيبيعوا شاى و نسكافيه و اعلام مصر كتير جدا اهو على الاقل فيه ناس ما اتوقفش حالها

ثالثا دخلت الى قلب الميدان وكلى توجس ابحث عن الاجندات الخارجية و الاموال التى تدفع للناس هناك ووجبات الكوكو على راى اختنا نهى خالد طبعا لقيت ناس من كل الطوائف و الملل و الطبقات لدرجى انى قابلت اصحاب شركات اعرفهم بحكم عملى و اصحاب مصانع و فعلا الاخوان موجودين و هما اللى متوليين التنظيم لدخول الميدان و كمان مقسمين نفسهم بيطوفوا على اناس فى الميدان يدخلوا فى وسط النقاش اذا كان فيه حالة انقسام فى الراى و فيه ناس شايفة ان كده خلاص طبعا فيه ناس ناصبين مسارح كتير و الناس نجحت انها تعلق يافطة على اكبر عمارة فى الميدان بها مطالب الشباب فعلا هناك اول مرة عرفت ان الحرية ليها رائحة وهى اذكى رائحة ممكن تتخيلها بيتهايالى كان هو ده احساس ابطالنا على الجبهة فى73 حسين انى مش خايف من حاجة و احساس الغصة و الالم اللى مصاحبننى على طول حزنا على بلدى تلاشى حسيت ان الهوا هناك نظيف مش ملوث,, مش قادر اوصفلكم بجد كل مصرى لازم يعدى بالتجربة دى

رابعا وانا خارج برضه الشباب واقفين بيقولولنا وصلوا رسالتنا للناس فهموهم اننا هنا اتعورنا و برضه لسه واقفين ( وفعلا قابلت كتير مصابين فى عينيهم و راسهم و برضه واقفين وكمان بيقولونا تعالوا كل يوم
انشاء الله ربنا هاينصركم و ينصرنا
انشاء الله ربنا هاياخد بحق شهداءنا وجرحانا

ملحوظة اخيرة هى الشرطة فين من الاسبوع اللى فات لسه تعبانين نفسيا ولا خايفين و لا متمردين ؟؟ على العموم مش عايزيم منهم حاجة احنا زى الفل ده حتى البلد امان اكتر اللى عايز يشتغل منهم يشتغل وله كل الاحترام واللى مش عايز نقوله احسن بلدنا مش هاتقف عليكوا

مصطفى محمد

------------------
قال عمرو موسى، الأمين العام لجامعة الدول العربية، إنه يدرس خوض الانتخابات الرئاسية المقبلة، متوقعًا بقاء الرئيس حسني مبارك في منصبه حتى نهاية ولايته بعد 7 أشهر.وأعرب موسى عن اعتقاده بأنه من المستحيل إجراء انتخابات جديدة بسرعة، مشيرًا إلى أنه مستعد لأداء دور في الحكومة الانتقالية المحتملة
---------------

ودة سطرين دمهم خيفف كتبهم Hamdy Kassem على الفاس بوك بيقول

نداء من تلميذ فى المرحلة الإبتدائية الى الثوار فى ميدان التحرير والحكومة: لا تنسوا أن تلك الأحداث ستدخل فى مادة التاريخ واحنا اللى هنتعب فى مذاكرتها اختصروا من فضلكم .. حددووا مطالبكم من بعض وخلصونا.. كده المادة هتبقى صعبة اوى[:-bd] [;-(]
-------

وجه الكاتب البرازيلي العالمي باولو كويلو رسالة تضامنية للشعب المصري على حسابة الشخصي على موقعي الفيس بوك وتويتر يوم الجمعة قائلا:"لا تنسحبوا. عانوا الآن وعيشوا بقية حياتكم كأبطال".
---------

بسم الله... الله أكبر بسم الله بسم الله



كلمات اغنية الله اكبر - بسم الله بسم الله... الله أكبر بسم الله بسم الله بسم الله... أذن وكبر بسم الله بسم الله بسم الله... الله أكبر بسم الله بسم الله بسم الله... أذن وكبر بسم الله بسم الله نصرة لبلدنا بسم الله بسم الله بإدين ولدنا بسم الله بسم الله وأدان على المدنى بسم الله بسم الله بيحى جهدنا بسم الله بسم الله الله أكبر أذن وكبر الله أكبر أذن وكبر وقول يارب النصرة تكبر بسم الله... الله أكبر بسم الله بسم الله بسم الله... أذن وكبر بسم الله بسم الله بسم الله... الله أكبر بسم الله بسم الله بسم الله... أذن وكبر بسم الله بسم الله بكفحنا يا مصر بسم الله بسم الله تاريخ النصر بسم الله بسم الله جنود الشعب بسم الله بسم الله بتخطى الصعب بسم الله بسم الله الله أكبر أذن وكبر الله أكبر أذن وكبر وقول يارب النصرة تكبر بسم الله... الله أكبر بسم الله بسم الله بسم الله... أذن وكبر بسم الله بسم الله بسم الله... الله أكبر بسم الله بسم الله بسم الله... أذن وكبر بسم الله بسم الله سينا يا سينا بسم الله بسم الله أدينا عدينا بسم الله بسم الله ماقدروا علينا بسم الله بسم الله جنود أعدينا بسم الله بسم الله الله أكبر أذن وكبر الله أكبر أذن وكبر وقول يارب النصرة تكبر ----- ربنا معاك ياشعب مصر

الخميس، فبراير 03، 2011

كن مع الحق ايها الجيش العظيم


فى ظل سقوط الشهداء والجرحى فى ظل وجود البلطجية فى ظل وجود هولاء المفسدين والقاتلين

يجب على الجيش ان ياخذ موقف قوى وايجابى وان يقف ضد البلطجية الذين يهجمون على الشباب ايها الجيش العظيم انت من الشعب فكن مع الشعب واقف بجانبة

كن مع الحق ايها الجيش العظيم

كن مع الشباب الذين يريدون الخير للوطن الغالى مصر

ينتصر الشعب والشباب بيك ايها الجيش العظيم

لاتنتظر اكثر من هذا من اجل الوطن

ومن اجل سلامتة وسلامة مواطنية

قول كلمتك

انت الشعب والشعب هو انت

فكن معة ضد الظلم والفساد والتخريب