مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الثلاثاء، نوفمبر 06، 2012

ايوة قتلتها

فى يوم رحت انا واحدى الاصدقاء الى احدى المقاهى لمشاهدة ماتش الاهلى والترجى وقولنا اهو نغير جو وكمان مشاهدة الماتش وسط 

ناس كتير بيكون لية متعة اكبر من مشاهدتة فى البيت مع نفسنا.

 

وقعدنا انا وصحبى وطلبنا كم طلب وابتدى الماتش يشتغل والدوشة والهيصة المعتادة اشتغلت مع هجمة للاهلى بفرحة وخوف من هجمة شرسة للترجى بس بصراحة كان الماتش ممتع وجميل وصحيح حصل التعادل بس افضل من الخسارة.

وكل فريق طلع بحاجة من الماتش والجماهير من الطرفين ايضا كانت فرحانة وكل طرف عندو امل فى الماتش الفيصل النهائى القادم وطبعا اهم حاجة عجبتنى الروح الرياضية ودى لازم تكون موجودة ديما بين كل الفرق سواء خسرت او كسبت .

المهم قبل الماتش بيخلص بيجى كدة عشر دقائق دخل على القهوة واحد وقال بصوت عالى مرة واحدة قتلتها ايوة قتلتها انتقمت لشرفى قتلتها وبصوت عالى وهو بيقول كل اللى موجود فى القهوة سكت والناس بصت علية فى زهول وتعجب وهو عمال يقول قتلتها قتلتها.

الناس ابتسمت وكلها  مع بعض كل ما يقول الرجل قتلتها قتلتها الناس ترد وهيا بتضحك كمان كمان يعيد الرجل والناس تقول كمان كمان .الحال دة فضل لحد ما الرجل شرب مية ومشى وهو بيردد نفس الكلمتين. بصراحة رغم المفروض يبقى فية خوف من اللى الكلام اللى الرجل عمال يرمية علينا بس طريقة كلامة واسلوبة تخليك تضحك غصب عنك

والناس فضلت تقول اكيد شارب حاجة او عقلة فية حاجة وخلص الماش بالتعادل والناس ابتدت تمشى وخدت صحبى ومشينا واحنا خارجين وماشين وجدنا الرجل بتاع قتلتها قتلتها فى وشنا وهو بيرددها لسة قومنا انا وزميلى بصين لبعض وفى صوت واحد كمان كمان واديها جرى وقتها مكنتش عارف بنجرى على فين بس اكيد بعيد عن الرجل بتاع قتلتها. وكمان كمان