مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

السبت، مايو 05، 2007

(كم من الجرائم ترتكب بأسم الحرية(1


حريتى حريتك حريتنا كلنا كلة عايز حرية فية حد مش بيحبها ونفسة يعيش عمرة كلة جنبها احنا فى زمن الحرية اصبحت الكلمة تنطق وتكتب مئات المرات يوميا وبأشكال مختلفة
--------------------

تيجى تبص يمين او شمال تجد واحد بيقولك حريتى لن افطرط فيها تحت اى موقف لاتراجع ولااستسلام انت عايز اية منى نخطف حريتى اسف لن اسمح لك جميل محدش عايز يعيش فى قفص حتى لو كان دهب كلنا عايزين حرية لكن محدش سأل نفسة الحرية دى ليها حدود ولا مفتوحة وكل واحد حر بقى يعمل اللى عايزة تحت شعار لارقيب على شىء مهما كان عايزنها حرية بلا حدود

------------------------

انا عن نفسى بحب الحرية عاشق لها لكن ايضا اعلم جيدا انها سلاح زو حدين وايضا لها حدود ! ممكن واحد يطلع يقولى حرية ولها حدود ازى ياعم؟ وهيا دى تبقى حرية ! ارد اقول اة طبعا مفيش حاجة مفتوحة وليس لها حساب انا تعريف الحرية عندى انة عمل اى شىء مهما كان ولكن دون الخروج على اصول الحرية وهى الاحترام وعدم التعدى على الاديان او نشر الفسق والفجور وما هو معروف لنا يبقى كدة اكتشفنا اية ان الصح هو الحرية لها حدود
--------------- ------

لما ظهرت قضية كريم وجد العشرات من المدونات تدافع عنة وتطلب الحرية دون ان تعرف لنا هل الحرية هى الدفاع عن كل شىء حتى لو كان مخطىء وجدت الكثير قول نحن ضد الحبس طيب هو اتحبس من غير سبب ولا فية اسباب واخطاء وقع فيها معروفة للجميع ووتعالة كدة بالبلدى نقول واحد كفر بالاسلام والاديان السماوية وتعدى بالاالفاظ على اشرف الخلق سيدنا محمد صلى الله علية وسلم- هل هذا يستحق الدفاع والوقوف بجانبة
-----------------------
اختلاط المعانى ونشرها يجعل الانسان فى حالة من اللخبطة لايعرف الى اين يذهب ومع اى فريق ينتمى بأسم الحرية واحد صحفى اسمة محمد الباز كتب ونشر احاديث ملفقة ونسبها الى ابوهريرة رضى الله عنى صاحب رسول الله واستغل مواهبة الصحفية فى نشر الخراب والفتن بينا ويعلن على الجميع ويقول انا لاا اجبر انسان على تصديق ما اقول وليس هذا هدفى ! قمال كتبتة لية ونشرتة فى حد يكتب دون قصد من توصيل شىء ما الى الناس وكلامك دة يدل انك مريض نفسيا ويجب ان تعالج واتقى الله يامحمد واسمع هناك الكثير من المواضيع التى تجلب لك الشهرة بعيد عن نشر الفتن والاكازيب ! من يوم ما انحرفت بعض الجرائد مثل الفجر ونشرت لمثل هذا المعتوة قررت ان ابتعد عن جريدة الفجر ولن اقبل ان اكون مشارك فى هذة الفتن ولو بطريق غير مباشر وادعى كل عاقل عدم شراء جريدة الفجر وعلى رئيس التحرير الاستاز عادل حمودة وقف هذا المريض الباز والا المقاطعة لمثل هذة الامراض هى الحل
-----------------------
كم من الجرائم ترتكب وكم من الخرافات والفتن تنشر بينا وكلة يأسم الحرية ! العيب ليس فى الحرية بل فى من يستخدمها ويستغلها بطريقة غير شرعية مثل من يطلع علينا ويدعى النبوة وصل الامر ظهور رجل يقول انا الله اى جنون هذا استغفر الله العظيم مثل هذا والباز وكريم وغيرهما من ناشرين الفتن بينا ابعدهم الله عنا وحمى البشرية منهم واعتقد ان مثل هولاء من ناشرين الفتن هم من جمهور الاعور وتعلمون جميعا من يكون
-------------------------
الى اللقاء مع وعد بالكتابة واكمال الحديث عن نشر الاكازيب والفجور والفتن بين الناس وباسم الحرية
فى البوست القادم

هناك 45 تعليقًا:

شادي فايد يقول...

الحرية هي الحرية
لايختلف عليها اتنين
ولا ايه

يا بتاع الافكار الحرة
؟؟

:)
:)
:)

Tamer Nabil يقول...

شادى

انا مع الحرية

لكن

واحد شتم الرسول واحد شتم وتعدى على اصحاب الرسول

عايز نوقف جنبهم ونقول كويس محدش يقرب منهم دى حرية


لاطبعا ياشادى الحرية ليها حدود
اكتب وقول زى ما انت عايز لكن لا ولاالف لا لنشر الفتن والاكازيب وسب الاديان باسم الحرية

تحياتى

A.SAMIR يقول...

انا في موضوع الحرية دي دايما افتكر حكمة اخدتها في رابعة ابتدائي او يمكن قبل كدة كمان
الحكمة دي كانت بتقول:
حريتك الشخصية لا تتعارض مع حرية الاخرين
انما اللي بيحصل دلوقتي بزرميط
بقى في حرية في قلة الادب حرية في خنقة الناس
عموما خلينا نتفق ان الحرية حرية وحق طالما لاتتعارض مع الاديان او الاخلاق
تحياتي ليك

Bossy يقول...

السلام عليكم
الحرية والفوصي الفرق بين هو الحدود
الحرية لو ملهاش حدود تبقي فوضي
كل واحد حر بس في نفس الوقت حريته دي متتعارضش مع الدين اولا ومع العادات والتقاليد اللي اتربينا عليها
انت حر مالم تضر
اما بالنسبة لمحمد الباز في الفجر بجد خسر قراء كتير وخسر حاجه اكتر من كده احترام الناس ليه انا كنت بحترم الجرنال دا ومتابعاه بس خلصت
البني ادم دا يمكن كان بيدور جايز علي الشهر بس دا فعلا مريض
انا في راي ان الشعب المصري ملوش في الحريه
اول ما تديله حريه بيخرب الدنيا
تقول حريه صحافه تلاقي ناس بتشتم وخلاص وناس بتقول كلام ملوش لازمه
حتي في الكليه مثلا لوالدكتور سمح للطلبه يقولوا رايهم الموضوع بتقلب فوضي وتهريج
اكيد وجهة نظري وصلت

Mohamed A. Ghaffar يقول...

للأسف محدش قادر يفهم ان الحريه فى اساسها قيد ، وان فى فرق بين الحريه والأنحلال والتحلل

Yosif يقول...

أجمل التحية أولا للأفكار الحرة و لصاحبها المتميز .. موضوع الحرية بيلخبط من زمان وهيفضل يلخبط .. رأيي البسيط المتواضع يميل لأن الحرية هي الحرية شرط ان لا تضر الآخرين أو تحجر علي حرياتهم في المقابل .. طيب اللي شتم الرسول و الأديان و أي مقدس أو ثابت .. هل أساء لنا وضرنا .. يجوز لكن لم يحجر علي حريتنا في الرد عليه بأسلوب مناسب .. هو قام بدور .. و احنا دورنا بعد مانشمئز منه نواجهه بالاقناع أو الرأي لأنه قال رأي .. اعتقد اللي دافعوا عنه بيلعنوه كلهم .. لكن هم بيدافعوا عن واحد قال رأي فاتواجه بالضرب .. الرأي يواجهه رأي مهما كان سفهه و تطرفه و شذوذه .. ممكن واحد يقول رأي معتدل و تتلفق له تهم لاغراض ما .. ولا ايه يا صاحب الافكار الحرة .. لك أبلغ التحية و التقدير

reri يقول...

حريتك تقف عند حدود حرية الآخرين... كريم لم ألمح في نفسي أي تعاطف معه ... وأراه يستحق أكثر من هذا وتعجبت من شعارات ... الحريه لكريم ... هو تعدي علي حريتنا ويطالبوا بالحريه له ... أما محمد الباز ,,, فبصراحه أنا لم أقرأ البخاري حتي أعرف إذا كان الأحاديث التي ذكرها ملفقه أم لا.. المعتوهه الذي إدعي الألوهيه هو مجرد مجنون

سلامي ليك يا تامر ... وشكرا إنك أثرت تلك القضيه الهامه

The Alien يقول...

الحرية مطلقة
الحرية بلا حدود
وتتوقف الحرية فقط عند حرية اﻷخر

التعبير عن الرأي حق
ولا يلتزم بحدود ولا يتعدي علي حرية اﻷخر

تحياتي

walaa يقول...

أنت حر ما لم تضر .. تلك هي القاعدة .. اي ان حريتك تتوقف عندما تتعدى أنت بالضرر .. الذي لا يقتصر على الضرر المادي .. بل يتعداه إلى المعنوي والنفسي .. والذي اعتقد أن هذا المدعو كريم قد تعداه، وتعدى نطاق كل حرية طالب بها لنفسه،، أو طالب بها الآخرون له ..

الحرية كلمة من أربعة أحرف ولكن وكما نقول ( كم من الجرائم ترتكب باسمك أيتها الحرية) ..

اعتقد أن هناك نقطة هامة، وهي وكما قرأت واقتنعت،، أن الحرية ليست غاية في حد ذاتها،، بل هي وسيلة،، لأهداف أخرى اعتقد أنها قيمة ونبيلة وإلا ما كانت البشرية قاست الأمرين منذ السنون الطوال ولا زالت لتهب وتثور وتطالب بحريتها ..

ختاما .. أحييك على طرح هذه الموضوعات الجديرة بالاحترام .. يكفي أنها ذات هدف ومضمون .. كما يكفي أنها هنا في أفكار حرة

تحياتي .. وكل الود

Rosa يقول...

احيك يا تامر على البوست الجميل دا
عندك حق في كل كلمة قلتها
حريتي اه بس ماخربش حقوق غيري واقول انا حر
ماخربش عقول غيري و اقول انا حر
ماجرخش غيري وانا حر
انت حر مع نفسك والي تملكه بس من غير ماتئذي غيرك بأي شكل من الأشكال ,سواء افكار ولا تصرفات ولا حتى لبس
اشكرك و احيك على افكارك الحرة :)

masry يقول...

الحريه لها حدود لكن....لا يجوز ان أن أسجن انسان واقهره بسبب أفكاره لانه ده معناه ان اي شخص معرض للسجن, يا سيدي الافكار تواجه بالافكار ,كلنا أختلفنا مع كريم لكن أن يسجن بالطبع نرفض هذا

سكينة يقول...

كل له حرية أن يعارضك دون أن يهينك
سمعت في موضوع كريم كلمة للدكتور علي جمعة أعجبتني وألزمتني
قال إن للقاضي الذي حكم حيثياته لا نعرفها نحن ولكن إن كنا رضيناه قاضيا يجب أن نرضى حكمه
فأقنعتني حكمته
قد يقول البعض أن الكلمة لا تقابل بالحبس ولكن السكوت قد يشجع في زيادة التطاول علي الثوابت بغض النظر عن التزامنا بها ومن ضمن الأحكام التي أذكرها أن هناك أحكام تعزيرية يعني الهدف من شدتها الردع ليس للفرد ولكن للقضية والتي هي التطاول على معتقدات الناس ولو ألقيت نظرة على أي دستور هتجد بنود تجرم التطاول على القناعات والرموز الدينية مهما كانت
الحرية تعني المسئولية

يا مراكبي يقول...

زمان قالولنا إن الحرية هي أن تفعل ما تشاء فيما لا يتعارض مع حرية الآخرين

لدرجة إيه

لدرجة إني حر في العيش في أمان من حتى سماع البذاءات .. وبالتالي لما واحد يشتم في الشارع بصوت عالي يبقى بيتعدى على حريتي دي .. يعني هو مش حر إنه يشتم في الشارع

ده مجرد مثال لتوضيح التعريف اللي بدأت بيه التعليق

Tamer Nabil يقول...

A.SAMIR

حريتك الشخصية لا تتعارض مع حرية الاخرين

وكمان كما قولت لاتتعارض مع الاحترام والاخلاق ولااتعدى على الاديان باسم الحرية

انا اتفق معاك ورايك سليم

اشكرك جداا

تحياتى






Bossy

وعليكم السلام
اكيد لو كل شىء مالوش حدود تبقى فوضى ولاعزاء للنظام واحترام الاخرين


ولااسف دلوقتى فية استغلال غير نظيف للحرية وانا معاكى الحرية جميلة لكن على ان لاتضر الاخرين

اشكرك جداا

تحياتى

Tamer Nabil يقول...

Mohamed A. Ghaffar

اكيد فرق كبير بين الحرية والانحلال ولكن الان اختلاط المعانى وتتلاعب البعض بالالفاظ وباسم الحرية نتج عنة هذا التخبط والتعدى على الاديان

اشكرك جداا


تحياتى



Yosif

انا معاك الفكر يتم المواجهة لية بالفكر حتى لو شاز لكن التعدى على الاديان فلا يوجد محال للجدال فيها وانا هنا اخص الاديان السماوية والانبياء هنا خط احمر لاجدال فية ويجب محاسبة من يتعدى علية ام الافكار البشرية والكتابة عن الفساد هذا الامر انا اتركة للجدال وكل شخص علية ان يعطى الدليل على ما يقول

اشكرك جدااا

تحياتى

Tamer Nabil يقول...

reri

طبعا لازم يكون مفيش تعاطف مع ناشر الفتن والذى تتعدى على الاديان ويقول حرية راى زى ما يكون دة الارء بشرية مش الهية

اما الافكار البشرية الجدال وحرية الاختلاف فيها مطلوب

اشكرك جدااا

تحياتى





The Alien


نعم الحرية للا حدود عند اختلاف الافكار البشرية لكن عند نشر كلام غير محترم واكازيب على الاديان هنا يجب ان يكون محاسبة لانك تتكلم عن الله هل يوجد مجادلة فيما انزلة الله

اشكرك جدااا

تحياتى

Tamer Nabil يقول...

walaa


أنت حر ما لم تضر

انا معاكى فى الكلام حريتك تقف عند بداية حرية الاخرين ولكن نن نختلف ونهاجم فقد من يكتب وينشر الاكازيب والفتن بين الناس باسم الحرية هنا نقطة الاختلاف

حريتك بين ايدك لكن بعيد عن الاخلاق والاديان

اشكرك جدااا
تحياتى






Rosa

كلامك جميل وسليم واتفق معاكى فية نعم للحرية ولا لاانحلال

اشكرك جداا

تحياتى

Tamer Nabil يقول...

masry

الحريه لها حدود لكن....لا يجوز ان أن أسجن انسان واقهره بسبب أفكاره

طيب اية هيا الحدود دى انا ضد سجن ا انسان مهما كانت الافكار التى يطرحها مدام نختلف على افكار من صنع البشر لامشكلة لكن انا مع محاسبة من يعتدى على الدين ومكارم الاخلاق

اشكرك جدااا

تحياتى




سكينة

بالظبط كدة كل شىء حتى الحرية وليها حدود اكتب وانشر افكارك وتعالى نختلف فيها دون خوف لكن على ان تكون بعيدة عن نشر الفساد والفجور والتعرض لااديان

اشكرك جدااا

تحياتى








يا مراكبي


زمان قالولنا إن الحرية هي أن تفعل ما تشاء فيما لا يتعارض مع حرية الآخرين

كلام سليم وكمان عدم التعرض لمعتقدات الناس والتعدى على الاديان ونشر الفتن والفجور كل دة لازم يكون علية محاسبة

اشكرك جداا

تحياتى

محظوظة يقول...

الحرية مسئولية

وانا معاك مناقشة الافكار البشرية عادى لكن التعدى على الاديان دة شىء لايحتمل بصراحة

بنوتة يقول...

نعم للحرية دون فوضى

الحرية عايز الالتزام وليس التفريط فى كل شىء كذبا مدعين انها حرية

تحياتى

شربات يقول...

بوست فى الجون ياتامر

الحرية مسموح بها

لكن التعدى على الاديان ونش الفتن دى مرفوضة ويجب محاسبة المسئول عنها

mohd76 يقول...

الحرية ليها حدود

كل ماهو خارج عن عادات وتقاليد المجتمع مدام ايجابية والتعدى على الاديان ونشر الفجور والفتن بكل انواعها دى خطوط حمراء يجب ان يحاسب من يتعدى عليها او ينشرها

تحياتى

micheal يقول...

الله عليك يا تامورا..لافض فوك...أنا كنت أتكلمت لو تفتكر عن الموضوع ده في بوست كامل و كنا متفقين في الرأي في ضروره تعريف الحريه حتي نعرف معناها الصحيح و من ثم ضوابطها حتي لا تتحول الي فوضي مدمره
تحياتي لك

masry يقول...

يا سيدي نفترض ان أحمق أساء للدين هل الحل أن أسجنه ولا يناقشه علماء أجلاء ,أيهما الاصوب أنا في رايي لو سجنته وأهنته هيكره الدين أكتر وهيتطرف في أفكاره اكتر يا سيدي أنا أفضل أننا نناقشه في كل ما يدعيه ,طيب أنا عاوزك تقترحلي حل لمن يسئ للدين, منتظر ردك

اسماء عفيفى يقول...

الحرية وسيلة لحياة جميلة دون حدود

لكن ليس معنى ان اطالب بالحرية ان افعل كل شىء لايجوز باسم الحرية فية حاجات ممنوع الاقتراب منها زى الاديان

من يناقش ويشكك فى الديم ويقول حرية دة مختل ليس اكثر ولا اقل

أمانى يقول...

حريتك تقف عند حدود حرية الآخرين


والحرية لايختلف عليها احد ولكن هى مسئؤلية

نظرة حرة يقول...

تسلم الايادى اخوى تامر

الحرية مطلوبة ولكن لها حدود

ما مش ممكن نترك نشر الفتن والغلط على الاديان باسم الحرية هنا لنا وقفة تكون لوقف هذا التخبط والجنون

dearlova يقول...

I am free to all my part and no objection to the exercise of freedom it gives life a different form, but with positive liberty to finish

حلم عمرى يقول...

عموما خلينا نتفق ان الحرية حرية وحق طالما لاتتعارض مع الاديان او الاخلاق

تحياتى

وردة الخريف يقول...

أنت حر ما لم تضر

انا مع الحرية لكن

الحرية لو ملهاش حدود تبقي فوضي

ana mean يقول...

كلامك مظبوط يااتامر

الحرية لها حدود والا تبقى فوضى

زى البلاد كمثال كل بلد وليها قوانين لية وعشان اية رغم انها فيها حرية عشان لو تجواز فرض ما يجب محاسبتة

تحياتى

عاشقة الكاريكاتير يقول...

حريتك الشخصية لا تتعارض مع حرية الاخرين


شىء متفق علية


تحياتى

لسة نونة يقول...

رائع تامر

انا معاك لاحرية بدون حدود

تحياتى

هانى يقول...

ياسلام عليك ياتمور

الحرية ليها حدود والا بقت فوضى

تحياتى

Tamer Nabil يقول...

محظوظة
كلام سليم

اشكرك جدااا

تحياتى







بنوتة

اكيد طبعا التفريط يؤدى الى نتيكة عكسية

اشكرك جدااا

تحياتى

Tamer Nabil يقول...

شربات

اكيد عزيزتى لاحرية فى التعدى على الاديان

اشكرك جداا

تحياتى







mohd76

كلامك سليم واتفق معاك

اشكرك جدااا

تحياتى

Tamer Nabil يقول...

micheal

اكيد عزيزى مايكل لان لو كل شىء بدون حدود لكانت الارض فسدت

اشكرك جدااا

تحياتى







masry

من يسيىء الى الدين يحاسب الا اذا كان مجنون

لكن لو كان غلطة او عدم فهم لاامور دة عايز علماء دين توضح لية انا معاك فى كدة

انت عارف ان كريم والدتة مش عايزة تشوفة بعد تمسكة بالافكار الشازة دى يعنى تم النقاش وهو مازال على افكارة يبقى اية الحل لازم الحساب

اشكرك جداا

تحياتى

Tamer Nabil يقول...

اسماء عفيفى

اكيد عزيزتى لان الدين مش فكر بشرى هنا لامجال للجدال فية

اشكرك جداا

تحياتى







أمانى

لاشك انها مسئؤلية والقليل هو من يتحملها ويفهم زلك

اشكرك جداا

تحياتى

Tamer Nabil يقول...

نظرة حرة

كلامك سليم لازم يكون فية حدود وحساب

اشكرك جداا

تحياتى






dearlova


You are free to Amcclah friend, but attack the religion because it is not man

Tamer Nabil يقول...

حلم عمرى

اتفق معاكى

اشكرك جدااا

تحياتى





وردة الخريف


اكيد طبعا ومحدش عايز يعبش فى فوضى

اشكرك جدااا

تحياتى

Tamer Nabil يقول...

ana mean

اكيد الالتزام احدى شروط الحرية ولاعيب فى حساب من يخرج عليها

اشكرك جدااا

تحياتى







عاشقة الكاريكاتير

وانا متفق معاكى علية

اشكرك جدااا

تحياتى

Tamer Nabil يقول...

لسة نونة

ربنا يخليكى تسلمى

اشكرك جدااا

تحياتى






هانى

اكيد ياعم هانى

اشكرك جدااا
تحياتى

el2ahwagi يقول...

تامر

معلش أنا جاى متأخر و باقرا بالترتيب

ياختصار

الحرية هى أن يحق لشخص ما أن يدعى أنه الله دون أن يسجن

و الحرية هى أن تسخر منه و تنعيه بالعته و الجنون

و الحرية ليست أن يجبرك هذا الشخص أن تعترف به كإله سواء بالقوة أو بالإرهاب الفكرى

و الحرية ليست أن ترجمه لكفره بما تؤمن به أو لعتهه و جنونه


الآن سأقرأ الجزء الثانى

Tamer Nabil يقول...

el2ahwagi

لما واحد يطلع ويقول انا الله واسيبة دون حساب دة هيشجع غيرة من المجانين ومن محبين الظهور ونشر الفتن الى مشر الهبل بتاعهم علينا

عندك المسيخ الدجال او ماينزل هيتم محاربتة وقتلة ولن يترك باسم الحرية



اشكرك جداا

تحياتى

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير