مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، سبتمبر 14، 2007

ايام زمان كنت شقى دلوقتى بقيت رشدى اباظة


انت كنت شقى شقاوة سبحان الله اللى يشوفك دلوقتى ما يشوفك وانت صغير كنت مصيبة ابص للمتخدث على خجل واقول انا يرد اة انت دة انت كنت مغلب بابا وماما والاهل كلهم هو كان حد قادر عليك لكن بقى دلوقتى ما شاء الله ياتامر ربنا يكرمك بقيت حاجة تانية خالص
-----------------
دى بنت عم بابا وكانت فى زيارة لينا وطبعا بعد السلام والسوال على الاخبار ما كان فية حديث بعد كدة الا عليا انا بقى من اول شقاوة زمان لحد لية ما اتجوزت الى حد النهاردة اصبحت فى ثوانى حدونة القاعدة والتسلية بتاعتها وهات ياحكاوى وكلام عن زمان على اساس كنت مصيبة بقى
-----------------
وابتدت بنت عم بابا دى هات ياكلام عنى وانا ايام الطفولة والشفاوة بتاعتى وكل ما تقول تبص ليا وتقولى فاكر ابص ليها بصراحة انتى بتحكى عنى والا عن واحد تانى واخد الكلام بضحك ما علينا قالت عليا حاجات طبعا بقى مع الضحك من الجميع والنظر ليا وكانى بطل سينمائى وهيا بقى المنتجة ويتحكى عنى وعن مواهبى
------------------
اول حكاية عن ايام الشقاوة بتقول انى كنت بتفرج على فيلم هندى وكان عندى 8 سنين وشوفت البطل بعد ابوة ما مات ولع فية قمت انا بقى جبت كبريت ونمت على السرير ولعت اللحاف واستغطت بية ولولاا انى جدتى كانت موجودة كنت بقت لحمة مفرومة
------------------
تانى حكاية ان كان والدى مربى عصافير الزينة وكانت موجودة فى البلكونة وجاء من الشغل فى يوم ما وجدها سالنى عنها خدتة الى غرفة نومى حيث راى انى خرجت العصافير من الاقفاص وسبتها حرة طليقة جوة الغرفة ولما سالونى لية عملت كدة قولت كنت بخرجهم من حالة الحزن والحرمان من الحبسة
------------------
المهم ان الحكايات ما انتهت بس كفاية كدة بقى مش عايز فضايح وقال وقولنا جاء بقى وقت الكلام عن الجواز باابنى بقيت خلاص داخل على الثلاثين سنة عندك الشقة وجاهز وما شاء الله عسل وامور ولا رشدى اباظة يا واد مع انى مش شايف خالص انى رشدى ولا احمد رمزى ما علينا قعدت اكلمهم عن النصيب ولازم يكون فية حب بينى وبين الانسانة اللى هرتبط بيها دة عشرة عمر والاستعجال مش حلو فى الحاجات دى
-------------------
بعديها روحت على المرايا ابص لنفسى يمكن اكون رشدى اباظة وانا مش وخد بالى بعد كدة ياجماعة لو جدت نفسك فى قاعدة عائلية والكلام هيسحب عليك اهرب على طول منها مش بعيد تبقى وقتها انور وجدى

هناك 39 تعليقًا:

المتوحد يقول...

عزيزى تامر
عندك حق ، فى موضوع الجواز ممكن تطلع حتى
عمرو دياب كمان
على فكرة قريبتك دى شبه جدتى تمام، الله يرحمها كانت كل متقابلنى تحكى مغامراتى فى الطفولة، لا وحجات انا نفسى مش فاكرها
البوست دمو خفيف جدا وانا سعيد انى قريت لك
تحياتى

$ سهى $ يقول...

الجواز مو لعبة والسرعة مو مطلوبة فى هالموضوع


دة مستقبل


الله يرزقك ببنت الحلال

walaa يقول...

وكنت غايب وعاوز تحرمنا من الحكاوي الحلوة دي :D

دلوقت بقى اقدر اقولك حمدالله ع السلامة

حكاويك لذيذه جد .. ربنا يوفقك

تحياتي ليك ولقريبتك كمان

غير معرف يقول...

ضوء القمر

انت اكيد مستني لما تطلع شبه عمر الشريف

Amira يقول...

رشدى اباظة

لابقى كدة

انا هجى زيارة ليكم ههههههههههه

تولع اللحاف وتسغطى بية هههههه.

حكايات جميلة تمورر

تحياتى

ana mean يقول...

ما يقع الا الشاطر ياعم تامر

هههههههه
عادى بقى

الاهل فعلا لايحلو الكلام عنا الا بذكر ايام الطفولة


تحياتى

فى القلب يقول...

تامر
عارف فيه رأى أن الاطفال الأشقيه فى صغرهم يصبحون اكثر عقل من الأخرين فى كبرهم و أكثر هدؤ
بس على العموم الست دى بتحبك جداً


ألا قولى هى عندها بنات فى سن الجواز
ههههههههه

وليه رأى فى موضوع الجواز
أهم حاجه الراحه النفسيه وحسن الخلق عند الفتاه
فأن وجت ذلك أتكل على الله
وأنا أشجع الزواج المبكر لأنه يقى من فتن كثيره
ولأنك تجد بعد قليل هدف لك فى الحياه بضحكه طفل ملاك صغير جزء منك
من يكره أن يتحول جزء منه ألى ملاك

وفقك الله الى التى تصونك و تحفظك

tweety يقول...

زمان ياريت يرجع مع راحة البال و عدم المسئوليه مع قليل من الشقاوه بس زمان مش بيرجع ويا سيدى مشيها رشدى اباظه حد طايل

تخاريف خاصه! يقول...

هو انت كده شقى...؟؟؟

طب قول لبنت عم بابك انك كده كنت نسمه..
:)
فى اطفال بيعملوا افظع من كده...

el2ahwagi يقول...

كل سنة و انت طيب

رمضان كريم

Tamer Nabil يقول...

المتوحد

ايوة القرد فى عيون ههههههههه

اغلبية القرايب كدة ايام الطفولة قصص وحكايات لايعرف اغلبيتها سوى الاهل

اهلا بيك وشرفتنى بوجودك

تحياتى





$ سهى $


اكيد مش لعبة عزيزتى

اشكرك على الدعوة الجميلة

تحياتى

Tamer Nabil يقول...

walaa

الله يسلمك

الغياب ما كان لى فية الحمد الله

ربنا يخليكى

اشكرك على كلامك الجميل وتشريفك الدائم ليا

ربنا يكرمك

تحياتى




ضوء القمر

ههههههههه

ممكن حد ضامن بكرة فية اية

تسلمى على المرررررر الجميل

تحياتى

Tamer Nabil يقول...

اميرة.

تشرفى وتنورى

والله ما انا فاكر حكاية اللحاف دى هههههههه

تحياتى






ana mean

نعمل اية بقى اصطادونى ههههههههه

اكيد حكايات زمان رغم ما فيها نحب نسمعها خصوصا انك لاتفتكر اغلبيتها

تحياتى

Tamer Nabil يقول...

فى القلب

عندها بنات ههههههه

سوال جميل.

هسالها ههههههه

عندها بنت واحدة بس انا اعتبرها زى اختى



اتفق معاكى فى الاختيار عند الزواج واشكرك على الدعوات الجميلة

ربنا يكرمك

تحياتى




tweety

خلاص امشيها رشدى اباظة

هههههههههههه

تحياتى

Tamer Nabil يقول...

تخاريف خاصه

حاضررر هقولها

ههههههه

نورتى الموضوع


تحياتى






el2ahwagi


وانت طيب وبصحة وسلامة

الله اكرم

تحياتى

Desert cat يقول...

طيب هى كل المشكلة فى الجوزا ولا فى شقاوة زمان
ربنا يرزقك ببنت الحلال
كل سنة وانت طيب

SaRa يقول...

كل سنة وانت طيب ياتامر

هكذا الاهل يرون فينا ما لانرى نحن فى انفسنا


تحياتى

Aldenya يقول...

دائما يقولون
إن اللى يكون شقى و شيطون
إذا كبر بالعمر يكون العكس تماما :>



حكاية العصافير عجيبه :>
يا حنيّن يا بو قلب زي الريشه


وربنا يرزقك بــ بنت الحلال اللى تسعدك
وتهنيك

micheal يقول...

ههههههههههه...الله يخرب بيت الافلام الهندي
:)
رمضان كريم
تحياتي

حياه الأحلام يقول...

السلام عليكم

كل سنه وانت طيب

وهما الناس الكبار كده فاكر وفاكره وكده

انا برضه بيتقالى نفس الكلام

بس كويس أنها رسيت فى الاخر على رشدى أباظه

وكلام صح الجواز مش مجرد أنك تكون جاهز وخلاص الجواز ده مسئوليه لازم الواحد يبقى قدها

تحياتى

الزعيـمة يقول...

جميل اوي موضوعك
وذكريات الطفولة بتكون احلى حاجة
فى حياة كل منا مهما كان فيها شقاوة


كل سنة وانت طيب يا تامر
ورمضان كريم

ŞoŖśậŖấầ يقول...

أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة..
أدعو الله أن يتقبل منا و منكم الصيام و القيام وصالح الأعمال

rOshe يقول...

fkrtny b aiam zman wel sh2awa bta3t kol wa7d..
el post gamd...
w kman mnta m3ak 72 lazm tfkr milion mra 2bl mtrtbt b shrekt 7ayatk... de 7yah kbera awe msh 7aga shla wala l3ba...
rbna ywf2k f 7yatk...

صاحب البوابــة يقول...

أخي العزيز تامر

كل عام وانت بخير

رمضان كريم

تحياتي

dr.Roufy يقول...

بجد أحلى حاجة في الدنيا اننا نفتكر ايام البراءة..والانطلاق دي

باحس انها يمكن هي الى بتدينا القوة اننا نكمل النهاردة

كل سنة وانت طيب
رمضان كريم

gohayna يقول...

كل سنه وانت طيب يا تامر

ورمضان كريم عليك يا سيدي

وايوه كدا رجعتلنا تامر بتاع زمان يا سيدي

حلوه اوي الحكيات بتاعتك زي العاده

حمدلله علي السلامه

يا تامر

تحياتي ليك

Tamer Nabil يقول...

Desert cat

مفيش مشكلة خالص دة مجرد كلام من قريبتى من بعد غياب فرصة للحكى

وانتى طيبة وبصحة

وشكر للدعوة الجميلة
تحياتى







سارة

وانتى طيب سارونا

فعلاا لهم نظرة لاتخيب

تحياتى

Tamer Nabil يقول...

Aldenya

رغم انى مش فاكر اغلبية الكلام عن الطفولة الا اننى فعلاا الان انسان عادى يعنى بلا شقاوة

الا لو للشقاوة دى تعريف

ايوة شوفتى العصافير صعبت عليا ههههه


ربنا يخليكى وكل سنة وانتى طيبةوبصحة وسلامة
تحياتى





micheal

هندى بس قول صينى وامركانى ههههههه
الله اكرم
تسلم مايكل

تحياتى

Tamer Nabil يقول...

حياة الاحلام

ايوة رشدى رشدى ههههه


اكيد طبعا الجواز مسؤلية كبيرة

ربنا يخليكى تسلمى

وانتى طيبة وبصحة وسلامة


تحياتى





الزعيـمة

ذكريات الطفولة فعلا ذكريات جميلة

وانتى طيبة وبصحة وسلامة
تحياتى

Tamer Nabil يقول...

ŞoŖśậŖấầ

الله ما امين

ربنا يخليكى تسلمى

وكل سنة وانتى طيبة

تحياتى





rOshe


ايام الطفولة جميلة ياريت الواحد يرجع طفل

ربنا يخليكى تسلمى
وكل سنة وانتى طيبة

تحياتى

Tamer Nabil يقول...

صاحب البوابة

ربنا يخليك تسلم

وانت طيب وبصحة وسلامة

تحياتى





dr.Roufy

ديما ذكريات الطفولة مهما كانت ليها شكل وطعم جميل وبنحب نسمعها

وانتى طيبة وبصحة وسلامة

تحياتى

Tamer Nabil يقول...

gohayna

وانتى طيبة وبصحة وسلامة

ربنا يخليكى تسلمى

اشكرك جداا

ربنا يوفقك ويكرمك

تحياتى

محظوظة يقول...

هاى سى رشدى


قصدى سى تامر

ههههههههههههه

ازيك تمور

كل سنة وانت طيب ياجميل

Blank-Socrate يقول...

ماشيه معاك يا عم :)

Tamer Nabil يقول...

محظوظة

هاى ورحمة الله وبركاتة

ازيك اخبارك اية

انا الحمد الله بخير

تسلمى




Blank-Socrate

منور يابشا
تحياتى

علاء سالم يقول...

السلام عليكم

ذكريات جميله فعلاً
ونفس موضوع العصافير ده حصل معايا وانا صغير ..

وينكى يقول...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير