مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، سبتمبر 21، 2007

رسم وهم وعاش فية


تخيل صحيت من النوم ورحت تبص فى المراية وجدت وجهك اتغير واتركب علية وجة واحد تانى وقتها حسيت باالخضة وبصيت جنبك وخلفك فى رعب يمكن يكون فية حد واقف معاك وهو اللى ظاهر فى المراية تبص فى جميع النواحى مش تشوف حد خالص تروح تبص فى مراية الحمام نفس الوجة نفس الملامح لكن مين دة انا مش بطلع فى المراية لية
--------------------------
تخبط كف على كف وتجرى هنا وهناك ومش عارف تتصرف ازى وترجع توقف ادام المراية وتصرخ انت مين انت مين وانا فين ياناس انا مش بظهر فى المراية واحد تانى هو اللى بيظهر كل ما اجى ابص فيها انا خلاص هتجنن ومش عارف هعمل اية انا خايف يجرى ليا حاجة دى اول مرة تحصلى اصحى من النوم وابص فى المراية ومش اجد نفسى ولا وجهى اللى متعود اشوفة كل يوم
-------------------------
لا مش ممكن اللى حصل دة اكيد مقلب ومعمول فيا اكيد مرايات البيت فيها حاجة يجرى على اختة يصبح عليها تصبح علية يقول ليها مش حاسة ان فية تغير عليا تبص ليا وتضحك تغير ازى عادى يعنى انت زى ما انت مفيش تغير يرد عليها ازى طب تعالى بصى فى المراية معايا ها شايفة اية تضحك اوى وتبص لية اكيد جرى ليك حاجة مالك
-------------------------
ريحينى بس شايفة اية هكون شايفة اية انت وانا بس قمال انت شايف اية انا مش شايف نفسى وشايف وجة واحد تانى كل ما ابص فى المراية اكيد فية حاجة غلط حاجة مش طبعية حاجة مش قادر افهما انا خلاص هتجنن
--------------------------
لا بقى انت باين ما نمتش كويس واعصابك تعبانة مش ممكن ياابنى اللى بتقول علية دة وياريت تسكت لااحسن لو حد سمعك هيقول عليك مجنون واخرك كدة العباسية انت حر
---------------------------
يروح يجرى تانى ويبص على المراية ومفيش فايدة نفس الوجة الغريب اللى بيظهر كل مرة بيظهر لية كل ما يروح يبص فى المراية
---------------------------
هو مفيش تغير خالص حصل لية لكن هو بيحاول يوهم نفسة علشان مش قادر يغيرها فى الواقع فحب يعيش فى الوهم يمكن برتاح رغم انها راحة مؤقتة لاتفيد فى شىء فهى مثل المخدر بعد انتهاء المفعول تعود ريمة الى عادتها القديمة ولما حب يوهم الاخرين فى صورة اختة معرفشى لان مفيش تغير حصل غير جواة وبس وهم عاش فية ورسمة لنفسة مع انة ممكن يرتاح لو حاول يغير نفسة لااحسن بدون وهم

الجمعة، سبتمبر 14، 2007

ايام زمان كنت شقى دلوقتى بقيت رشدى اباظة


انت كنت شقى شقاوة سبحان الله اللى يشوفك دلوقتى ما يشوفك وانت صغير كنت مصيبة ابص للمتخدث على خجل واقول انا يرد اة انت دة انت كنت مغلب بابا وماما والاهل كلهم هو كان حد قادر عليك لكن بقى دلوقتى ما شاء الله ياتامر ربنا يكرمك بقيت حاجة تانية خالص
-----------------
دى بنت عم بابا وكانت فى زيارة لينا وطبعا بعد السلام والسوال على الاخبار ما كان فية حديث بعد كدة الا عليا انا بقى من اول شقاوة زمان لحد لية ما اتجوزت الى حد النهاردة اصبحت فى ثوانى حدونة القاعدة والتسلية بتاعتها وهات ياحكاوى وكلام عن زمان على اساس كنت مصيبة بقى
-----------------
وابتدت بنت عم بابا دى هات ياكلام عنى وانا ايام الطفولة والشفاوة بتاعتى وكل ما تقول تبص ليا وتقولى فاكر ابص ليها بصراحة انتى بتحكى عنى والا عن واحد تانى واخد الكلام بضحك ما علينا قالت عليا حاجات طبعا بقى مع الضحك من الجميع والنظر ليا وكانى بطل سينمائى وهيا بقى المنتجة ويتحكى عنى وعن مواهبى
------------------
اول حكاية عن ايام الشقاوة بتقول انى كنت بتفرج على فيلم هندى وكان عندى 8 سنين وشوفت البطل بعد ابوة ما مات ولع فية قمت انا بقى جبت كبريت ونمت على السرير ولعت اللحاف واستغطت بية ولولاا انى جدتى كانت موجودة كنت بقت لحمة مفرومة
------------------
تانى حكاية ان كان والدى مربى عصافير الزينة وكانت موجودة فى البلكونة وجاء من الشغل فى يوم ما وجدها سالنى عنها خدتة الى غرفة نومى حيث راى انى خرجت العصافير من الاقفاص وسبتها حرة طليقة جوة الغرفة ولما سالونى لية عملت كدة قولت كنت بخرجهم من حالة الحزن والحرمان من الحبسة
------------------
المهم ان الحكايات ما انتهت بس كفاية كدة بقى مش عايز فضايح وقال وقولنا جاء بقى وقت الكلام عن الجواز باابنى بقيت خلاص داخل على الثلاثين سنة عندك الشقة وجاهز وما شاء الله عسل وامور ولا رشدى اباظة يا واد مع انى مش شايف خالص انى رشدى ولا احمد رمزى ما علينا قعدت اكلمهم عن النصيب ولازم يكون فية حب بينى وبين الانسانة اللى هرتبط بيها دة عشرة عمر والاستعجال مش حلو فى الحاجات دى
-------------------
بعديها روحت على المرايا ابص لنفسى يمكن اكون رشدى اباظة وانا مش وخد بالى بعد كدة ياجماعة لو جدت نفسك فى قاعدة عائلية والكلام هيسحب عليك اهرب على طول منها مش بعيد تبقى وقتها انور وجدى

الثلاثاء، سبتمبر 11، 2007

مستنى الموت


مفيش حاجة فى الدنيا تستهل نبكى عليها هيا دنيا كلها تسوى اية زى ما جينا فيها بكرة نخرج منها كلنا رايحين كلنا ماشين كلنا هنروح ونسيب كل حاجة واى حاجة مش هنخد حاجة معانا لية هنتعب ولية هنشكى ولية هنبكى والنهاية معروفة مهما طالت حياتنا مسيرنا للموت جى لينا جى لينا مهما نهرب تبكى عنينا
-------------------
اية بعنى تنخدع او تنجرح اية يعنى تتالم او تتغرب كل حاجة بتحصل لينا اية يعنى طز فيكى يادنيا الف طز ما تستهلى اللى بيحصل دة كلة عشان يا دنيا فانية ورايحة بعدينا مش همسك فيكى تانى ولا هفكر فيكى انا ميت ميت سامعنى يادنيا هموت زى ناس كتير ماتت وراحت يمكن يكون فية دموع تنزل عليا وعلى فراقى زى ما دموعى نزلت على ناس غالين قبل كدة هتفرق اية
-------------------
لا يا احبابى لو يوم موتى مش عايز دموع ولاحزن على فراقى بس ادعوا ليا الدعاء هو اللى باقى اة يا دنيا كنت فاكر انى فيكى يا ما هنا وياما هناك طلعت فيكى ولاحاجة مجرد سراب انسان بلا هوية ولا ملامح محددة انسان ضايع وماشى ومش عارف الخطوة الجاية فين واخرتها اية بس لو اعرف امتة النهاية كنت ارتحت من التفكير فيها
--------------------
هفكر يمكن كتير لكن مش هخاف منك ومن غدرك يادنيا ولو هموت اية يعنى كدة كدة انا ميت يبقى لية اخاف منك ولا اجرى عليكى واتمسك بكرة جى يومى يومى قريب اوى حاسس بية وادام عيونى واضح بس مستنى يجى مشتاق لية زى شوق الاحبة واكنر كمان النهاردة على الارض ماشى بكرة تحتها اكون انا النهاردة عايش بكرة هبقى مجرد كان فعل ماضى وانتهى عاش يومين وراح زى اللى راح قبلة