مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الخميس، أغسطس 12، 2010

اختار الحلم بنفسك وعيش يامعلم



فى عالم الخيال وعالم الاحلام انت ديما متظبط وكل حاجة ما بين ايدك مفيش حزن ولاجرح ولاهم ولاغم ولاحيرة ولانار ولاغيرة ولافراق ولامسئؤلية فوق دماغ حضرتك قرفان بيها طول النهار وشيل همها طول الليل وان نمت حلمت بيها وتقوم مفزوع على حسها والعرق مغرقك والخوف جواك بيقطع فيك منشار خشابى لو نواى تعمل مدال على شكل ميكى موس او منشار حدادى لو نواى على فراقى ازى انظز الصفحة رقم خمسين من ارض الواقع ورياح الخماسين

عالم الخيال والاحلام عالم الراحة والامان عالم فى كل الطلبات والرغيات موجبة وموجودة ومش هتتعب ولاهتتشقى عشان تكون بين ايدك مش سحر ولاشعوذة دة علم وحرفنة دراسة عشرين الف سنة جوة قاع الحياة ومنها وفيها شوفت وعرفت واتعلمت انى اعيش وعشان اعيش لازم افكر ازى اعيش وبأى طريقة هتكون حياتى كل اللى عليا احلم واتمنى واشوف فى الحلم ازى اعيش وانا عايز اية واحط النقط على الحروف وابتدى من غير حيرة وخوف وكلة هيكون شرعى وسليم دليل السعادة بس ادفع المطلوب وخليك كريم

الدفع مش نقدى ولابشيك اصحى وفوق وخد باك من كلامى وانا هواريك كل خير ماتخاف مش النجوم فى عز الظهر بتطلع ساعات وبين عنيك تكون موجودة وقاعدة وحاطة رجل على رجل وبتأكل خيار وفجل ودة بيخليك منشكح على طريقة لاقاتل او مقتول طيب ريحنى وظبطنى واكلنى حب العزبز او ام الخلول نقع واستنفع وان كان عندك حق دة امبارح لكن دلوقت هصرخ واقول ليك لا والف لا

عالم الخيال والاحلام عالم الاقوياء والناس الصح صح الناس اللى بتفهم وبتقدر الحاجة الصح من نظرة عين مش تستنى العو يقرب منها وتعرف وما تحس الا والجرح قاطع قلبها وبيحدد ليهم كل حاجة واى حاجة على اساس انك قاصر ولسة طفل ومصلحتك مش فى ايدك
دة فى ايدهم وان كان عجبك مش عجبك انا الصح الصح وانت اللى هيذيد جواك الجرح لو ماسمعت الكلام
قولت اية سمعنى صوتك من غير كلام ولاملام ازى معرفشى بس سمعنى وماتعصبنيش سبنى فى حالى انا رايح اعيش


لية تنام وتسيب الاحلام هيا اللى تيجى ليك ولما تيجى ممكن تكون مش على المقاس بتاعك وتتعبك وتتطلع عينك مع ان الموضوع فى ايدك من البداية لو مش عارف شوف للنهاية واعمل اللى هقولك علية قبل النوم شوف نفسك فى اية عايز اية وحط اللى انت عايز تكون علية فى دماغك وركز علية مسافة ما تغمض عنيك فى عالم الخيال والاحلام هيكون بين ايدك ويبقى كدة هنقدر نتغلب على كل الكوابيس والاحلام المزعجة اللى يتكون داخلة علينا بدون استئذان ولااحم ولادستور واللى فى الاخر بيشيل الهم انا وانت وفتحى ومنصور

يبقى دة مفتاح حياتك وطريقك للنهاية عملت بية انت الكسبان ما عملت انت الخسران ماهو مش ممكن هجى واحدد ليك طريقك واحلامك كمان وانت واقف تتفرج خايف تقرب او تجرب لا عايزك جرىء وفكر فى الطريق وارسمة بدل ما حد تانى يرسمة ليك وان طلع واسع او ضيق الحق عليك

هناك 25 تعليقًا:

أتنين حبيبين يقول...

ازيك

حمدالله على السلامه رمضان كريم عليك وعلى الامة الاسلاميه جمعاء

أتنين حبيبين يقول...

موضوع جميل
وكلامك صح ياتامر
تعرف انا لو فكرت فى شىء قبل ما أنا اقسم بالله بيحصل ودايمآ بتكون حاجات سيئة ومؤلمة
ربنا يكفينا شرها
بشكرك على النصيحه الجميله دى

سلمت يداك

حلمى البعيد يقول...

ازيك يا تامر

رمضان سعيد عليك وكل سنه وانت طيب وبخير دايما

ايه الكلام الرائع ده
بجد جاااامد
تسلم وربنا يبارك فيك يارب

تحياتى
لشخصك الكريم

Mona يقول...

موضوع جميل تحياتى ورمضان كريم

طوبه فضه وطوبه دهب يقول...

ممكن احجز عندك حلم يا عمو اصل الواحد من الحر ما بقاش ينام يمكن بقى نوفر النوم ونحلم واحنا صاحيين عندك حق حلم موفر للطاقه كل سنه وانت بالف خير

انسان ممتنع عن الزواج يقول...

كل عام وانت بخير


الاحلام امل الانسان الوحيد للنجاة ممايشاهد من مصاعب فى الحياة

تحياتى

wasf_elahsas يقول...

اكيد لو كل واحد بيرسم حلمه علي قده ويلاقيه بالتفصيل مكنش حد غلب ولا علي راي المثل ماكنش انعذر ولا باع جزر

بس هي احلامنا بنرسمها مش بمنتهي الدقه بنبعد فيها عن كمل القيود ونحلم ونحلم ونيجي نحقق نلاقي القيود والظروف ال حطيناها علي جنب تظهر من تاني
بس ده ما يمنعش في كل الاحوال اننا نحلم حتي لو صغر الحلم بس مجرد الحلم بيعني الحياه
موضوع جميل
تحياتي
كل سنه وانت طيب

من كل بستان زهرة يقول...

أستاذ تامر كل سنه وانت طيب
رمضان كريم

هو فعلا كلامك حقيقي لو الواحد شغل تفكيره في حاجه ونام لازم يحلم بيها
بس يعني هو لو كل الناس فكرت قبل النوم في الحاجات الحلوه وبقت أحلامهم كلها وردي
مفسري الأحلام الي طالعين في كل قناة هيكلوا عيش منين
بلاش تقطيع الأرزاق ده
تحياتي لك

دكتور لغة العيون يقول...

ازيك تامر

كل سنة وانت طيب

الاحلام عالم كبير من الاسرار

معاك محدش يقدر يعيش من غير ما يحلم ويتنمى يكون واقع ما يحلم بة

تحياتى

الشاعر الفنان أحمد فتحى فؤاد يقول...

أخى تامر

كل سنة و أنت و إحنا و كل الناس بخير و سعادة

موضوعك جميل كالعادة

دمت بخير

الملكة هند يقول...

انا بجد عايشه بالاحلام

لاني ليا وجهه نظر مختلفه

فيه حجات بجد متنفعش غير تكون احلام ومع ذالك بنتمني نعيش فيها

انا بعمل كدا

اي شيئ كنت بتمني اعيش فيه لكن لا الوقت ولا الظروف بتسمح بحوله لخيال
والخيال دا بعيش فيه مش بس بعنيه

باحاسيسي ومشاعري كمان

وبنفعل وبتفاعل وممكن دموعي تنزل مني

وبلاقي ان دا بيديني طاقه كبيره علشان اقدر افتح عنيا علي الواقع

الي لازم اتعامل معاه بعقلانيه

يعني تقدر تفهم من كلامي

انا خيالاتي واحلامي ما هيا الي طريقه لمعالجه روحي من ما تلاقيه في عالم الواقع

تسلم ايدك يا تامر

تحياتي

Ms Venus يقول...

ايه الفلسفة الجميلة دى يا تامر

بس صدقنى معاك حق

وكتير اوى عايشين بالاحلام


كل سنة وانت طيب وبخير دايما

الآمير أمير شهريار حسن الدين يقول...

كل عام وانت بخير

رمضان كريم


الحلم من اجل كل انسان ان يعيش حياة طيبة بدون حلم لاحياة

تحياتى

Tamer Nabil يقول...

أتنين حبيبين


الله يسلمك توتا

وانتى بخير

طيب نفكر فى الحاجات الحلوة افضل واحسن

ربنا يوفقك ويكرمك

مع خالص تحياتى

Tamer Nabil يقول...

حلمى البعيد


الله يسلمك

ازيك اخبارك اية

وانتى طيبة وبخير

ربنا يخليكى

مع خالص تحياتى

Tamer Nabil يقول...

Mona

ازيك منى


الله اكرم

تحياتى

Tamer Nabil يقول...

طوبه فضه وطوبه دهب

اكيد الاحلام دى عالم تانى واللى منعرفشى نحققة فى الواقع ولو الان نحققة فى الاحلام


الحجز تحت امرك وعلم وسينفذ

هاتى بس مليون جنية ههههه


وانتى طيبة

تحياتى

Tamer Nabil يقول...

انسان ممتنع عن الزواج


وانت طيب وبصحة


معاك حق

نورت المدونة


تحياتى

Tamer Nabil يقول...

wasf_elahsas


زى ما قولتى فى الاخر مجرد اننا نحلم

دة حياة وهذا المطلوب اثباتة

وانتى طيبة وبخير


تحياتى

Tamer Nabil يقول...

من كل بستان زهرة


الله يسلمك

وانتى طيبة وبخير


عندك حق القنوات شغالة الله ينور فى الموضوع دة

منورة المدونة

تحياتى

Tamer Nabil يقول...

دكتور لغة العيون


الله يسلمك دكتور

طبعا محدش يقدر يعيش من غير ما يحلم

مع خالص تحياتى

Tamer Nabil يقول...

الشاعر الفنان أحمد فتحى فؤاد


وانت طيب وبخير

ؤمضان كريم علينا كلنا

مع خالص تحياتى

Tamer Nabil يقول...

الملكة هند



كلام جميل فعلاا فية احلام الظروف والوقت بيكون غير مناسب عشان نعرف نحققها ودة بيخلينا نعوضها فى الاحلام وعالم الخيال


مع حالص تحياتى

Tamer Nabil يقول...

Ms Venus


وانتى طيبة وبخير


نحلم وطول ما احنا عايشين نحلم

واكيد مسير لو حلم من احلامنا يتحقق


مع خالص تحياتى

Tamer Nabil يقول...

الآمير أمير شهريار حسن الدين


وانت طيب وبخير


كلامك صحيح


مع خالص تحياتى