الضحية

تزوج بأخرى سريعا بعد طلاق زوجتة الاولى ام ابنتة الوحيدة واخذ الفتاة معة ليس حبا فيها بل انتقام من الام ومرت الايام والطفلة تعيش مع الاب وزوجتة دون ادنى راحة فى هذا البيت
---------------------
كانت زوجتة الجديدة شديدة القسوة مع الفتاة كان لاتتحمل ان تراها او تسمع صوتها كان وجودها فى حياتها بالنسبة لها جحيم تتمنى الخلاص منة فى اقرب فرصة
--------------------
كانت تتصيد للفتاة الصغيرة ذات الثمانى سنوات اى غلطة ولو غير مقصودة لتصب عليها غضبها ضربا مبرحا غير مبرر لما فعلتة الفتاة ! وعندما كانت تشتكى الفتاة لاابوها كان لايهتم حيث كانت زوجتة مسيطرة علية تماما
--------------------
كرهت الفتاة المنزل والاب السلبى وكرهت زوجتة كثير واصبحت تقول لها فى وجها ان لااحبك انا احب ماما انتى وحش كبير انا عايزة اروح عند ماما وتبكى وتصرخ
---------------------
وفى يوم عندما اطلقت الفتاة صرختها وكلامها لم تستطيع زوجة الاب ان تتحمل هذا الصريخ وهذا الكلام فتوجهت الى الفتاة وتعدت عليها بالضرب والفتاة مازالت تصرخ الى ان احضرت ايد الهون وعلى راس الصغيرة عدة ضربات متتالية ولم تتركها الا وهى جثة هامدة
-----------------------
تمت محاكمة هذة المراة الوحش وعوقبت بالاعدام والاب يموت الان فى اليوم مئات المرات وحال الام كان الله فى عونها

Tamer Nabil

أصابة عمل

لم يصدقا الاصدقاء فأدعوليا بالشفاء السريع

البحث عن مفقود؟

خرج مسرعا يبحث عنها فى كل مكان خرج يبحث ويبحث عنها عندما شعر فقد انها تهمة ولايستطيع ان يعيش بدونها لكنة اكتشف الامر بعد ان ضاعت وغابت وابتعدت عنة فشعر بالندم وبالحزن ولكن بعد ان فات الاوان

----------------

ظل يجرى هنا وهناك ويمشى ويتجول فى كل مكان لعلة يجدها ويكلمها ويستسمحها ان تسامحة على كل ما فات من الالم وهوان راتة معة ثانية بثانية دون ان تشتكى او تحكى ما بها من عذاب لااى انسان ولكن قد فات الاوان

------------------

وقف لحظة يلتقط انفاسة ويهدى من ضربات قلبة السريعة والتى قد تنظر اليها وتخيل انها ستخرج وستغادر جسدة لتعلن العصيان منفجرة امامة معلنة انتهاء الحياة فى هذا الوقت وفى هذا المكان

---------------------

يمشى بضع خطوات تمايل فيها مثل وكأنة لاشىء يتتلاعب بة الهواء يحدفة الى اليمين تارة والى الشمال تارة اخرى دون اى تحكم او سيطرة منة على نفسة وسمع صوت من بعيد نظر الى مكان الصوت فوجدها تتسلق الجدار الصخرى الموجود داخل الممر ندهة عليها بأعلى صوت لم تجيبة ولم تنظر الية

---------------------

اسرع فى الخطوات لكى يلحق بها دخل الى الممر وكلما اسرع هى اسرعت وابتعدت اكثر حتى غابت عن عيونة فوقع على الارض ونظر الى الاعلى حيث اختفت

----------------------

وسمع من يقول لة انت هكذا ياانسان لاتجرى وراء الاشياء التى تهمك وكانت من اجلك ولاتشعر بها وبأهميتها الا بعد ان تفقدها الى الابدا هل تعلمت ام ستظل هكذا نظر الى مصدر الصوت فلم يرى سوى ضؤ قادم من اعلى الجدار صرخ باعلى صوتة فقتلت صرختة صمت المكان

صراع لاينتهى مع النوم

شىء يجنن لما تحاول تنام ومتعرفشى وتحاول تتحايل على النوم تبوس ايدة ياعم نوم خدنى الى حضنك خدنى ومفيش فايدة زى ما يكون فية طار بينك وبين النوم وحلف ليعذيك ويطير من عنيك شىء صعب انك تبقى عايز تنام ومش عارف
---------------------
تنقلب مرة واحدة بهلوان وتشيل المخدات كلها وتحتطها فوق دماغك وتكتم نفسك يمكن تتأثر وتقوم تشرب كوبية مياة وتخبط على دماغك وتنط على السرير وتحضن المخدات مرة على جنبك اليمين وعلى الشمال وتتقلب وتقع على الارض ومفيش فايدة والنوم لسة هربان ومن بعيد بيطلع لينا لسانة
----------------------
تحس انك فقدت قدرتك فى التحكم فى نفسك والسيطرة عليها واحيانا يصل الامر لتكسير اول شىء قريب مننا تعبير عن قمة الغضب اللى انت وصلت ليها ! الناس بتوع الطب بيقولك دة ارهاق وبال مشغول وكلام غريب بقى زى العقل الباطن لما بيصحى ويعمل معاهدة مع النوم واتفاقية على هدم سعادة حضرتك وحرمانك من النوم عشان خطفت منهم بعض الافكار وانت زاهب الى الخندق اللى هو يعنى السرير
------------------------
وتجد نفسك قعدت قعدة القرد على السرير وايدك على الخدود ودمعك سايل انهار بحور ولا لية وقت ولا حدود تحاول تخرج الافكار من دماغك وتعمل مبادلة اسرى بينك وبين النوم مفيش فايدة خلاص النوم كبرت فى دماغة واعلن العصيان ومش هتنام يعنى مش هتنام ! وتكلم نفسك طيب ازى اروح الشغل من غير ما انام تجد اللى قعد فوق دماغك وطلع ليك لسانة ويقولك اعرف قيمتك وقدراتك والعب على قدك
-------------------------
تجنن اكتروتكبرفى دماغك ونعلن التحدى لان جواك مش قابل ابدا السيطرة دى من النوم وانة الوحيد فى العالم المسئؤل عن الراحة وقدرتة على تغميض العيون وتحاول تفكر اكثر فى التخلص من النوم ! لكن ترجع تقول انا محتاجة مقدرشى اتخلص منة رغم انة تعبنى ومطلع عينى تتوصل الى حل انك تمشى اللى فى دماغ النوم من غير مشاكل وخلاص وتفضل سهران واى مشوار او شغل ابقى اتصرف فية وكدة ابقى سمعت كلام النوم وريحتة وبكرة يرحنى
--------------------------
وتحلف بعدها انك لاتشيل افكار ولا بال مشغول وانت رايح على السرير عشان ما يحصلش اللى حصل والصراع يعود تانى مع النوم لكن من المستحيل حد فينا يتخلص من الافكار والبال المشغول عند النوم ان كان بعض الوقت لكن ليس كل الوقت

كم من الجرائم ترتكب بأسم الحرية 2

الحرية طريق لاغنى للبشرية عنة الحرية احتياج كل فرد لكى يعمل وينتج ويشعر بالامان عندما يكتب ويعبر عن ما يريد من افكار الحق لكل انسان فى ان يفكر وان يبتكر ومن حق الاخرين قبول الافكار او الدخول فى جدال ونقاش معة فى هذة الافكار دون حجبها

--------------------------

متى تكون الافكار غير قابلة للجدال والنشر ؟ عندما يتعلق الامر بالاديان فهى ليست افكار بشرية ليتم الجدال ومناقشة ما فيها ومحاولة التغير فيها هذا جنون وتتطرف وليس فية من الحكمة والعقل ايضا نشر الفجور والفسق ومحاولة تشجيع الناس علية باسم الحرية دى ليست ايضا افكار للجدال مثال - من الممكن ان يخلع شخص فى بيتة هدومة هذة حرية لكن عندما ينزل بها الى الشارع هذا جنون وتتطرف ويجب ان يحاسب الا اذا كان مجنون فيتم علاجة

----------------------------

الحرية مسئؤلية قبل كل شىء لها حدود واضحة وضوح الشمس لاغبار عليها من حق كل انسان ان يكتب ويجادل ويرفض احكام ويناقش جميع الافكار البشرية حيث لايوجد انسان يملك الحقيقية واحدة

-------------------------------

قرات مقال لواحدة اسمها حنان الجوهرى تحت عنوان قائمة بأفضل اماكن البوس فى مصر نبوس نبوس وتحيا مصر وكما نقول الكتاب باين من عنوانة الانسة تدعو الاحبة وترشدهم الى الاماكن التى يتاح لهم فيها ممارسة الحب بكل حرية وبعيد عن الناس الوحشة اللى بتقول دى قلة ادب اريد انسان يقولى دى يصح او هذة افكار مناسبة للنشر تحت شعار الحرية فهى تقول انتشروا فى الارض وبوسوا بعيدا عن الناس الرخمة والغلسة

-----------------------------------

واحدة زى حنان دى اعتبرها من الناس العبيطة المفلسة لايصح معها الجدال ومناقشة الفكرة العظيمة اللى حضرتها اخترعتها لنا تشجيع على البوس وتحديد الاماكن التى هى بعيدة عن عيون الناس الوحشة دى مش افكار دى قلة ادب

------------------------------------

من هنا نعلن ان الحرية هى ان تفعل ما تشاء دون ان تضر الاخرين دون ان تتعدى على الاديان ونشر الفتن والفجور بين الناس كل دة غير مسموح بة غير كدة اكتب بحرية ما شئت من افكار وناقش واعترض على الافكار البشرية فالفكر يناقش بالفكر مدام لايشجع على الاصول الثابتة التى تكلمنا عنها

(كم من الجرائم ترتكب بأسم الحرية(1

حريتى حريتك حريتنا كلنا كلة عايز حرية فية حد مش بيحبها ونفسة يعيش عمرة كلة جنبها احنا فى زمن الحرية اصبحت الكلمة تنطق وتكتب مئات المرات يوميا وبأشكال مختلفة
--------------------

تيجى تبص يمين او شمال تجد واحد بيقولك حريتى لن افطرط فيها تحت اى موقف لاتراجع ولااستسلام انت عايز اية منى نخطف حريتى اسف لن اسمح لك جميل محدش عايز يعيش فى قفص حتى لو كان دهب كلنا عايزين حرية لكن محدش سأل نفسة الحرية دى ليها حدود ولا مفتوحة وكل واحد حر بقى يعمل اللى عايزة تحت شعار لارقيب على شىء مهما كان عايزنها حرية بلا حدود
------------------------

انا عن نفسى بحب الحرية عاشق لها لكن ايضا اعلم جيدا انها سلاح زو حدين وايضا لها حدود ! ممكن واحد يطلع يقولى حرية ولها حدود ازى ياعم؟ وهيا دى تبقى حرية ! ارد اقول اة طبعا مفيش حاجة مفتوحة وليس لها حساب انا تعريف الحرية عندى انة عمل اى شىء مهما كان ولكن دون الخروج على اصول الحرية وهى الاحترام وعدم التعدى على الاديان او نشر الفسق والفجور وما هو معروف لنا يبقى كدة اكتشفنا اية ان الصح هو الحرية لها حدود
--------------- ------

لما ظهرت قضية كريم وجد العشرات من المدونات تدافع عنة وتطلب الحرية دون ان تعرف لنا هل الحرية هى الدفاع عن كل شىء حتى لو كان مخطىء وجدت الكثير قول نحن ضد الحبس طيب هو اتحبس من غير سبب ولا فية اسباب واخطاء وقع فيها معروفة للجميع ووتعالة كدة بالبلدى نقول واحد كفر بالاسلام والاديان السماوية وتعدى بالاالفاظ على اشرف الخلق سيدنا محمد صلى الله علية وسلم- هل هذا يستحق الدفاع والوقوف بجانبة
-----------------------
اختلاط المعانى ونشرها يجعل الانسان فى حالة من اللخبطة لايعرف الى اين يذهب ومع اى فريق ينتمى بأسم الحرية واحد صحفى اسمة محمد الباز كتب ونشر احاديث ملفقة ونسبها الى ابوهريرة رضى الله عنى صاحب رسول الله واستغل مواهبة الصحفية فى نشر الخراب والفتن بينا ويعلن على الجميع ويقول انا لاا اجبر انسان على تصديق ما اقول وليس هذا هدفى ! قمال كتبتة لية ونشرتة فى حد يكتب دون قصد من توصيل شىء ما الى الناس وكلامك دة يدل انك مريض نفسيا ويجب ان تعالج واتقى الله يامحمد واسمع هناك الكثير من المواضيع التى تجلب لك الشهرة بعيد عن نشر الفتن والاكازيب ! من يوم ما انحرفت بعض الجرائد مثل الفجر ونشرت لمثل هذا المعتوة قررت ان ابتعد عن جريدة الفجر ولن اقبل ان اكون مشارك فى هذة الفتن ولو بطريق غير مباشر وادعى كل عاقل عدم شراء جريدة الفجر وعلى رئيس التحرير الاستاز عادل حمودة وقف هذا المريض الباز والا المقاطعة لمثل هذة الامراض هى الحل
-----------------------
كم من الجرائم ترتكب وكم من الخرافات والفتن تنشر بينا وكلة يأسم الحرية ! العيب ليس فى الحرية بل فى من يستخدمها ويستغلها بطريقة غير شرعية مثل من يطلع علينا ويدعى النبوة وصل الامر ظهور رجل يقول انا الله اى جنون هذا استغفر الله العظيم مثل هذا والباز وكريم وغيرهما من ناشرين الفتن بينا ابعدهم الله عنا وحمى البشرية منهم واعتقد ان مثل هولاء من ناشرين الفتن هم من جمهور الاعور وتعلمون جميعا من يكون
-------------------------
الى اللقاء مع وعد بالكتابة واكمال الحديث عن نشر الاكازيب والفجور والفتن بين الناس وباسم الحرية
فى البوست القادم

السر فى المفتاح!

لكل حاجة حاجة ودى مش محتاجة حاجة يبقى بلاش نصعب الامور على بعض ونحط تحت كل حاجة خمسين خط ومليون حد الحياة حاجة عادية مرئية حتى الكفيف بيشوفها بقلبة وعقلة الحياة طريق وكل حاجة ممكن تضحك علينا وتمثل دور البرىء وابقى انا وقتها الجلاد واستحق الجلد والجرى داير مايدور حوالين البلاد

------------------

همك تكون حاجة ومش عارف ازى تكون حاسس ان كل حاجة وقفة ضدك ومش معاك وان الناس والدنيا صبحت نار مصيرك فيها الهلاك نظرتك دى ولانظرة الوهم وطريق الخوف اللى انت راسمة لنفسك وحلفت لتمشى فية مش عشان مفيش غير دة طريق ومفيش لينا غير دة اختيار بالعكس انت ادام منك ملايين الطرق بس الكسل جواك بيهد فيك وبيرمى جدتة عليك ومفيش غير انك تتخلص منة وفى بوابة المستغنى عنة ترمية واقفل علية بالمفتاح

--------------------

مش كل حاجة مهمة ومش مهمة نحب نحتفظ بيها او نرميها بنقفل عليها بالمفتاح عندك الاسرار جوانا مكتومة ومقفول عليها بالمفتاح والمفتاح جوة البحر او جوة البير مستخبى وفى دار الامان موجود يبقى لية اسلم واقف مكانى اشكى واحكى وابكى واصرخ واقول كلام مش معقول وامشى فى طريق مفتاحة ضايع ومش معايا عايز تنجح امشى ديما فى طريق عارفة وفاهمة ومفتاحة معاك افتح واستغنى بعدها عن المفتاح لان بعد الدخول هنحتاج مفنتاح جديد لان القديم صدى وفضى منة الغرض انتهى

-----------------------

خليك قد المسئؤلية واعرف ان لكل حاجة مفتاح الحب والحنان الراحة والامان الغدر والعذاب القرب والبعاد الحزن والفرح يبقى تختار المفتاح وان مرة مسكت مفتاح ما كنتش راضى عنة واتفرض عليك غصب عنك مفيش غير انك ترمية مش تفضل تبص لية وتلوم الدنيا انها جبتة ليك وحظك ما كان كدة وتعمل مليون مشكلة وكل دة عشان مفتاح غلط كان بالصدفة فى ايدك

----------------------

اوعى تخلى حد يفرض سيطرتة عليك ويجبرك على شىء مش بتحبة ويبعت ليك تهديد لتخد مفتاحة لترضى بنارة ورياحة دوس ولايهمك امشى ضد التيار اقبل التحدى دوس على الصعب وعدى طول ما انت انسان وعارف طريقك انسى ان حد مهما يكون يقدر يغلبك مستحيل تتغلب الا لو مسكت مفتاح مش بتاعك يبقى انت الجانى على روحك وزرعت بنفسك جروحك

-------------------------

الدنيا ابواب وشبابيك ولكل منها مفتاح اختار اللى يناسبك وامشى فية ومهما تشوف فى وسط الطريق امشى وكمل وحاول توصل للنهاية ولايهمك من فلان وعلان خليك واثق فى نفسك وفى قدرتك وفى اختيارك وافتكر ديما مفتاحك وما تمشى يوم الا وهو معاك ولما يصدى وينتهى ارمية وطلع بدالة واحد جديد وادفن القديم واعمل حفلة للجديد

---------------------------

بس خلى بالك حد يشوفك وانتى بترمى مفتاحك او يشوفك وانت بتطلع الجديد دارى على شمعتك تقيد ودة صحيح لان كل اللى عمل غير كدة رجع حزين جريح