هو الزمن صعب ومش برىء ولا الانسان الا غامض ومش صريح.؟ مين اللى بيرسم ويكتب التاريخ والاحداث الزمن ولا الانسان؟ كل واحد فينا عارف الاجابة بس فى بعض الناس بتحب تعمل مش وخدة بالها وتلوم على الزمن والايام مع ان احنا اللى بنكون الزمن والايام احنا باللى بنعملة وبالطريق اللى ماشين فية بتكون حياتنا بنكتب وبنرسم وبلون بأيدنا حياتنا وكل ما فيها من احداث وبنختار الطريق اللى نحب نكون فية ومنة تيجى الاحداث ويكون التاريخ لو حلو او وحش فهو من اختراع الانسان وليس الزمن والايام
مفيش انسان ولحظة ولادتة الا وبيكون صفحة بيضة وكل حرف او كلمة بتكتب فى الصفحة بتكون عن طريق صاحب الصفحة نفسة يعنى احنا اللى بنختار واحنا اللى بنخلى الصفحة حسب ما احنا عايزين ممكن تفضل بيضة وممكن سودة وممكن ابيض على اسود يعنى لا الايام ولا الزمن ولاانسان غيرك ممكن يكتب حاجة فى صفحتك انت اللى بتكتب كل اللى انت عايز تكتبة وشايف انة مناسب ليك فى حياتك
ومن هنا لو جمعنا كل صفحة خاصة كتبها الانسان عن نفسة يتطلع لينا من كل الصفحات دى الزمن والايام لكن محدش بيكتب فى صفحة حد كل واحد مسئؤل عن صفحتة ومحدش بيعمل حاجة الا لو هو عايز يعملها ما هو مش كل الناس ليها عقل واحد دة لكل انسان عقل واحد خاص بية قد تختلف العقول والقلوب والشخصيات والصفحات ولكن يكون الاتفاق على ان الجميع انسان يفكر ثم يعمل ما يريد ومن هنا يكون الحدث ومن هنا يكون التاريخ
وبما ان كل انسان ولية عقل وشخصية مستقلة يكون قادر على الحياة وبما فيها يعلم كيف يتعامل مع الاخرين ولو انجرح الانسان بأى شكل من الاشكال اكيد بيكون فى اسباب لو قدرنا نعرفها كويس ونضع تحتها المئات من الخطوط اكيد راح نتجنب الوقوع فيها مرة اخرى ومن يقع ولم يتعلم فهو المسئؤل عن ما حدث لية وليس الاخرين فتأثير الاخرين فينا ممكن ان يكون ولكن لايكون الا بمساعدة وتسليم منا الى ما يريد الاخرين ان نكون فية
تامر ابو الافكار الحره
اتفق معاك على كل كلمه
والدليل .. شوف المتخلف بوش وقراراته الغبيه .. واللي اغبى منه اللي اتفقوا معاه وساعدوه على تنفيذ هذه القرارات .. وفى الاخر تغير تارخ دول وقاده .. ورجع الاستعمار
يعني هنا مانقدر نلوم الزمن ولا حتى بوش لوحده لانه لو لوحده ماقدر يعمل شئ
وليه نروح بعيد .. احنا لما تكون ماشي فى طريق وهذا الطريق لازم بيغير فى مجرى حياتك ... تكون عارف طبعا بس مطنش او مبسوط او ما مش حاب انه يغير شئ .. ولما نكبر ونشوف ايش عملنا لنفسنا وايش حققنا نقعد نلوم الزمن عشان مانحط اللوم على انفسنا
تامر اسمحي احييك على افكارك النيره واقولك يسلم مخك
:)
الانسان هو اللى بيكتب صفحتة واللى هو عايز
كلام تمام
مفيش انسان بيجبر انسان على حاجة هو مش عايزها
تحياتى
ان كل انسان ولية عقل وشخصية مستقلة يكون قادر على الحياة وبما فيها يعلم كيف يتعامل مع الاخرين ولو انجرح الانسان بأى شكل من الاشكال اكيد بيكون فى اسباب لو قدرنا نعرفها كويس ونضع تحتها المئات من الخطوط اكيد راح نتجنب الوقوع فيها مرة اخرى ومن يقع ولم يتعلم فهو المسئؤل عن ما حدث لية وليس الاخرين فتأثير الاخرين فينا ممكن ان يكون ولكن لايكون الا بمساعدة وتسليم منا الى ما يريد الاخرين ان نكون فية
كلام كتير معقول ومنطقى تامر
موحد يفعل الا ما يريد هو
احيك على الموضوع
تحياتى
فلسفة دة ياعم تامر
بس بجد بوست جامد
تحياتى
صفحتنا فى الحياة بيضة
احنا بنتولد بيها كدة واحنا اللى بنشكلها بما نعمل فى الدنيا
بوست جميل
تحياتى
كل واحد منا هو اللي بيكتب احداث حياته بنفسه وبيعرف يخلي كل لحظه فيها تعدي زي ما هو عاوز
طبعا كلامك مظبوط بس اكيد قبل اختيارنا بتكون دي كلها اقدار بيتحكم فيها رب الخلق وبعدين الانسان بيكون بعد كده مخير
كلماتك جميلة
تحياتي
عجبانى أوى الفلسفة الى فى الموضوع
هايل بجد
اكيد عند حق
فى كل اللى بتقوله
بس ساعات كتير
الظروف ممكن توقعك فى نفس اخطائك
بالرغم من تجنبها
ممكن نقول على ده
قدر او ربنا عايز كده
السلام عليكم
موضوع جميل
جزاك الله خير
بداية الموضوع جميل جدا زى ما اتعودنا من حضرتك دايما
اكيد كل واحد فينا مسئول عن صفحته فى الدنيا ومحدش يقدر يفرض عليه شئ لكن فى بعض الناس الى ممكن احنا نتاثر بفكرها وممكن جدا الفكر ده يكون فيه تصرفا وافعال خطأ كتير فبنلغى عقلنا بايدنا ونبدا نمشى تبع الفكر ده وممكن كمان يكون صح لكن فى النهاية انا متفقا مع مضمون البوست وهو ان كل انسان هو المسؤل الوحيد عن حياته
شكرا يا بشمهندس تامر
كلام مظبوط لاغبار علية
كل انسان وزى ما الرجل تودية هيروح وطبعا رجلية هو مش رجل حد تانى
تحياتى
كلامك مظبوط ميه في الميه
احنا اللي بنحدد مصيرنا
بنحدد ماضينا ومستقبلنا
اي نعم احنا مش بندخل في القدر او القسمة والنصيب
بس اعمالنا بتحكم فيها
زي ما قولت صفحتنا ملكنا يا بتكون بيضا او سودا او مشكلة
هههههههههه
هي ديه دنياتنا
ربنا يكرمك
بوست مهم
واشكرك علي السؤال والاهتمام
سلام
فكرتنى ببيت شعر الشافعى
نعيب زماننا والعيب فينا
ونهجوا ذا الزمان وما لزماننا عيب سوانا
انا مقتنعة جدا بان الانسان هو اللى بيحدد خياراته
وما عليه انه يتحملها حتى النهاية
موضوع جميل
تحياتى
اتفق معاك فى كلامك
كل انسان بيمشى فى الطريق اللى هو عايز يكون فية وعلى هذا الاساس بيكون المكتوب بصفحتة
تحياتى
اتفق معاك فى كلامك
كل انسان بيمشى فى الطريق اللى هو عايز يكون فية وعلى هذا الاساس بيكون المكتوب بصفحتة
تحياتى
صفحتنا فى الحياة بيضة
احنا بنتولد بيها كدة واحنا اللى بنشكلها بما نعمل فى الدنيا
بوست جميل
تحياتى
واحد منا هو اللي بيكتب احداث حياته بنفسه وبيعرف يخلي كل لحظه فيها تعدي زي ما هو عاوز
بوست جميل
تحياتى
ديما الناس تقول الزمن والايام رغم انة بيكون تكوينة منهم زى ما قولت ياتامر
بوست رائع بجد
تحياتى
نعيب على الزمان و العيب فينا
باتفق معاك جدا ان كل انسان هو القادر على ان يخطو بيديه عل صفحة حياته البيضاء هو المتحكم الاول عن تصرفاته وافعاله
مقولة رائعة لالبير كامو بتقول عندما تتحدث عن مشكلة الحياة فالمشكلة ليست في ان الحياة سيئة او اننا لا نطيقها
ولكن المشكلة في ان الحياة من الممكن ان تكون افضل ونحن نضيع الفرص اللازمة لذلك
وهذا في حد ذاته احد اشد انواع الشقاء
نحن من نوجد الشقاء والراحة لانفسنا ولكن تلك تبقى مشيئة الله وحكمته
عجبنى اسلوبك جدا كالسهل الممتنع
دمت بالف خير
تحياتى
يويو
الكلام ده لو كان الناس كلها كبرت في العمر وإكتسبت كلها الخبرات
لكن دايما بيكون فيه أجيال جديدة وبتتعلم خبرات الزمان من أول وجديد كل شوية وده اللي بيخلي التاريخ يبدو وكأنه يعيد نفسه مرات ومرات وهكذا
احنا الزمن والايام
بوست جميل
تحياتى
مفيش انسان بيجبر انسان على حاجة هو مش عايزها
تحياتى
الانسان هو اللى بيختار
ومن يقول خلاف ذلك فهو لاخبرة لدية فى الدنيا والحياة
تحياتى
الايام علينا والزمن علينا
يعنى احنا على نفسنا ياعم ههههه
بوست حلو
سلاموززززززززز
فتأثير الاخرين فينا ممكن ان يكون ولكن لايكون الا بمساعدة وتسليم منا الى ما يريد الاخرين ان نكون فية
كلام سليم
الانسان لو لم يسلم نفسة لااخرين سيكون هو ونفسة لااغير
تحياتى
صفحتنا فى الحياة بيضة
احنا بنتولد بيها كدة واحنا اللى بنشكلها بما نعمل فى الدنيا
بوست جميل
تحياتى
ناس كتير تلوم الزمن وتزعل م الايام مع انها هى سبب اى جرح فيها
بوست جميل
تحياتى
الانسان هو اللى بيكتب صفحتة واللى هو عايز
كلام تمام
مفيش انسان بيجبر انسان على حاجة هو مش عايزها
تحياتى
طبعا كلامك مظبوط بس اكيد قبل اختيارنا بتكون دي كلها اقدار بيتحكم فيها رب الخلق وبعدين الانسان بيكون بعد كده مخير
كلماتك جميلة
تحياتي
ساره
فعلاا بوش ما قدر لوحدة على ما عمل فى خونة قدمو لية المساعدة وعشان كدة قدر على ما عمل واحتل العراق
والانسان ديما يلوم الزمن على ظروفة والزمن برىء
الله يسلمك سارة
ربنا ينور ليكى طريقك وحياتك
اشكرك جدااا
نورتى المدونة
تحياتى
شمس
طبعا ياصاحبى كل انسان بيكتب صفحتة ومحدش بيكتب لحد حاجة
نورت المدونة
تحياتى
$ سهى $
اكيد طبعا سهى
نورتى المدونة
تحياتى
دكتور لغة العيون
ممكن يكون فيها فلسفة بس جاية بدون قصد
ربنا يخليك
نورت المدونة
تحياتى
ليلى حسين
ايوة كل انسان هو اللى بيشكل صفحتة بالطريقة اللى هو عايزها
نورتى المدونة
تحياتى
حسن حنفى
تمام ياعم حسن
لان محدش بيكتب لحد حاجة
نورت المدونة
تحياتى
نور
طبعا ياصاحبى كل انسان بيكتب صفحتة ومحدش بيكتب لحد حاجة
نورت المدونة
تحياتى
fnoonh
اكيد طبعا ونعمة بالله
والانسان بيختار اللى هو عاز يعملة ومحدش بيختار لحد
نورتى المدونة
تحياتى
mohamed ghalia
ربنا يخليك
هيا جت كدة فلسفة من غير قصد لانى بكب اللى بحس بية دون تميز لنوع الكتابة
نورت المدونة
تحياتى
الفراشة الصغيرة
اكيد فى ظروف لكن الظروف مهما كانت هى من اختراع الانسان
واكيد كل ما يصيب الانسان هو قدر
نورتى المدونة
تحياتى
الفراشة الصغيرة
اكيد فى ظروف لكن الظروف مهما كانت هى من اختراع الانسان
واكيد كل ما يصيب الانسان هو قدر
نورتى المدونة
تحياتى
نورألآيمان
وعليكم السلام ورحمة الله وبركاتة
ربنا يخليكى
جزاك الله خيرا
نورت المدونة
تحياتى
koketa
كلامك سليم الانسان هو المسئؤل الوحيد عن صفحتة وممكن يكون فى تاثير من الاخرين ولكن يكونالتاثير اذا اردنا نحن ان نتبعة
نورتى المدونة
تحياتى
ألآسطى بلية
اكيد طبعا مفيش رجل حد هتساعد تمشى غير رجليك وبس
نورت المدونة
تحياتى
وردة
تمام ياوردة الانسان هو اللى بيختار اللى عايز يكون لية
العفو على اية
انا ديما بسال بطمن على اصحابى المدونين
نورتى المدونة
تحياتى
رؤية
غندك حق فى كلامك
قوة التحمل تكون على الانسان وحسب قدرتة والاختيار من البداية
نورتى المدونة
تحياتى
شربات
اكيد طبعا
على اساس لاختيار تكون النتيجة
نورتى المدونة
تحياتى
بنوتة
اكيد بنوتة
وربنا يخلى ديما كدة الاختيار جميل وكلة سعادة لينا
نورتى المدونة
تحياتى
Beautiful girl
كلامك سليم
محدش بيختار لحد ازى يمشى وازى تكون حياتة
نورتى المدونة
تحياتى
Amira
طبعا يااميرة
لان كل انسان مسئؤل عن الاختيارات فى حياتة
نورتى المدونة
تحياتى
يويو
كلامك سليم وردك اتفق معاة تمام فعلا نحن سبب السعادة او الشقاء لاانفسا
وكتير بنضيع احلى لفرص
نورتى المدونة
تحياتى
يامركبى
اكيد الخبرة مطلوبة فى حياة كل انسان وفى بداية طريق كل واحد يحتاج ليها ومن قبل النصيحة
نورت المدونة
تحياتى
لسة نونة
ربن يخليكى
الاجمل وجودك بالمدونة عندى
نورتى المدونة
تحياتى
ست البنات
اكيد طبعا مفيش حد يجبر حد على حاجة هو مش عايزاها
نورتى المدونة
تحياتى
الدنيا واسوتها / جيهان
اكيد طبعا جيهان واتفق معاكى فى كلامك وردك
نورتى المدونة
تحياتى
محظوظة
هيا دى الكارثة احنا على نفسنا يامحظوظة ههههه
نورتى المدونة
تحياتى
SaRa
طبعا لما الانسان يسلم نفسة طريق شر او انسان شرير اكيد النتيجة بتكون شر
نورتى المدونة
تحياتى
ماما عبير
اكيد طبعاماما عبير
ربنا
يخليكى
نورتى المدونة
تحياتى
الملكة هند
كلامك سليم وياريت نتعلم من كدةونكون افضل فى المرات القادمة
نورتى المدونة
تحياتى
Anonymous
اكيد طبعا والا كدة كان كلنا اتحكمنا فى بعض بكل سهولة
نورت المدونة
تحياتى
ياسمين
اتفق معاكى اكيد
نورتى المدونة
تحياتى
الانسان مصير و لا مخير
سؤال عامل قضية كبيرة بين البشر
منهم اللى مقتنع اننا مصيرين و ان ربنا بيمشينا فى طريق ما
و منهم اللى بيقول لا الانسان مخير فى قرارته
فى الحالتين انا شايفة ان الاساس فيهم عدل ربنا
حتى لو كان فى مشاكل بتتحط فى طريقنا
اكيد هى لمصلحتنا
بس يمكن احنا بصيرتنا مش قادرة تستوعبها
المهم ان الواحد يستفتى قلبه قبل ما يخطو اى خطوة و يتوكل على الله
اكيد ربنا هيسيره للخير
إرسال تعليق