مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

السبت، مايو 24، 2008

كلام خاص ومدونات مصرية للجيب




توقيع اول عدد من مدونات مصرية للجيب شىء جميل والاجمل ان فريق العمل كلة بالكامل من المدونين من اسرتنا الجميلة انا مش اقول واتكلم عن بعض الحاجات اللى مش عجبتنى لما روحت لان فى ناس كتير كتبت عنها انا هقول بس كلمتين من لحظة دخولى وحضورى الى انصرافى اجمل لحظة بجد لما تشوف وتقابل ناس غالين عليك اول مرة تشوفهم وكان جميل انى قابلت ناس حلوين من اللى اعرفهم
------------------------------------
اول ما وصلت وطلعت المكتبة وجدت زحمة وناس كتير كنت مبسوط بالمنظر وحزين لانى ماشى على عجاز نظرا لعملى عملية فى رجلى من حادثة عربية من ست شهور ولسة انا فى فترة ومرحلة العلاج الطبيعى . كنت واقف ومش عارف اعمل اية ورجلى وجعتنى من كتر الوقفة الى ان وجدت من احضر كرسى ليا لااجلس دون سابق معرفة وعرفنى بنفسة كان رامز عباس انسان عسل بجد وجدع يعنى جاب ليا الكرسى وكنت عطشان جاب ليا مية بجد هون عليا وحدتى وانا بين عجازى اللى مانعنى اقوم واتعرف على الناس شكرا يارامز انت انسان محترم وسعيد بمعرفتك
---------------------------------------

وانا فضلت قاعد على الكرسى ومش قادر اقوم غصب عنى رجل مريض اعمل اية وانا قاعد كان ناس رايحة وجاية عليا وبعدين وقف قدامى احمد مهنى وقال ليا تامر نبيل قولت ايوة وعرفنى بنفسة وكنت مبسوط انى وجدت حد اتكلم معايا وعرفنى ولو من الصورة اللى على المدونة وبعد السلام وانصراف احمد وجدت مين اختى العزيزة انجى صاحبة مدونة اى حاجة بقى طبعا اعرفها وهيا تعرفنى من سابق لقاء للمدونين كان فى الاوبر سلمت عليا وسلمت عليها وكنت فرحان انى اخيرا وجدت انسان اعرفة ومش اى انسان دى اختى العزيزة انجى
---------------------------------------
بعد كدة وجدت اللى خبط فى رجلى كنت لسة هشيل الكرسى واخبطة بية هههههه وجدتة ابرهيم صاحب مدونة ابرهيم معايا وسلمت علية وسلم عليا وطبعا اعرفة ايضا من لقاء الاوبرا وبعد كدة سلمت عليا وينكى وسلمت عليها ودى بقى اخت عزيزة وبنت عسل وجدعة جدعة بمعنى الكلمة واكتر كمان وقالت ليا هتيجى الحفلة كان عندها حفلة وهتغنى فيها صوتها جميل وكان نفسى اروح اسمعها بس انا بقدم ليها اسفى لانى بجد مش هقدر فى حالتى دى اروح مشوارين وراء بعض وان شاء الله وينكى اول ما اخف كل حفلة هتشوفينى فيها لحد ما تزهقى منى هههه
-----------------------------------------

بعد كدة جت مدام ايناس وسلمت عليا وعرفتنى من العجاز والصورة سوابق انا هههه وعرفتنى بنفسها وسلمت عليا وبعد الكلام والسلام طلبت منها تندهة ليا احمد القاضى صاحب مدونة يامراكبى عشان اسلم علية لانةكان جوة فى الزحمة وانا صعب اوصل لية وكتر الف خيرها ندت لية وسلمت علية وسلم عليا والله بجد حسيت انى اعرفة من سنين انسان بجد محترم وكان نفسى اجلس اكلم معة اكتر بس ان شاء الله تيجى فرصة تانى واكون افضل من كدة
-----------------------------------------.
وجانى وسلم عليا اخى العزيز ادهم صاحب مدونة فى عمق الحياة وطبعا فى سابق معرفة وانبسطت انى شوفتة بجد بعد كدة سلمت عليا ولاء صاحبة مدونة والقادم اجمل وسلمت عليها وسلم عليا ايضا شيماء الجيزى صاحبة مدونة صحافية مع ايقاف التنفيذ وانا كنت ماشى وقفنى عم ابو خالد وسالنى انت مدون قولت لية اسمى والمدونة وعرفنى من خلال الصورة وفرصة سعيدة بجد انى قابلتة بجد لانة رجل عظيم . وبعد كدة فى مدونين كتير عرفونى بنفسهم وعرفونى من خلال صورتى او العجاز اللى بقيت مشهور بية بس لااسف مش فاكر حد لان الكلام كان وانا ماشى وياريت يسامحونى
----------------------------------------------

وانا بجد بتاسف لااى اخ واخت اتكلمت وياهم ونسيت اكتب عنهم او اى حد كان كلمنى ومش عرفت اتكلم معاة كويس معلشى ياجماعة وبتاسف ليكم انا نفسيتى تعبانة من ساعة الحادثة والوقت اللى طول عليا فى البيت ست شهور ولسة ماشى فى العلاج واتمنى مش حد يزعل منى وان شاء الله المرة الجاية اكون خفيت وسبت العجاز اللى انا مخنوق منة الدعاء ليا احلى ناس وربنا يخليكم يارب ومتجمعين ديما على
الخير والحب

هناك 110 تعليقات:

أبو خالد يقول...

تامر نبيل
أنت إنسان جميل و سعيد من أعماقى أنى ألتقيتك و أتمنى أن نلتقى مرات و مرات
اللهم أتمم شفاء تامر نبيل شفاء لا يغادر سقما .
أحبك فى الله

ra7eel يقول...

امممممممممم
تعرف انا بجد بزعل قوى انى مش بعرف احضر التجمعات اللى بتكون زى كده
وخصوصا لما تكون متأخر كده
عشان فى ناس كتيربكون نفسى اشوفهم
بس عشان السفر بقى وكده

ربنا يتم شفاك على خير يارب وتقوم بالسلام
تحياتى لك

Tamer Nabil يقول...

أبو خالد

ربنا يخليك يارب عم ابو خالد

بجد انا سعيد جداا انى شوفتك واتعرفت عليك

وكان نفسى اللقاء يطول


واشكرك جداا على الدعاء ليا ربنا يسمع منك يارب

وان شاء الله نلتقى مرات كتيرة

تحياتى

Tamer Nabil يقول...

ra7eel

عندك حق عزيزتى رحيل

السفر متعب والوقت بيلعب لعبتة ان شاء الله المرة الجاية تيجى و اشوفك

اشكرك على الدعاء ليا
ربنا يخليكى

تحياتى

الجدة فصيحة يقول...

السلام عليكم ورحمة الله وبركاته

هذا أكبر دليل أن الشباب المدون ليس شباب هايف او تافه
بل لهم اهداف يسعون لتحقيقها ولديهم وفاء وحب لبعضهم


شفاك الله وعافاك


تحياتي

همس الاحباب يقول...

طبعا انا سعيد انى شفتك
وتعرفت عليك
ودى اول زيارة ليك فى مدونتك
مع انى اعرفك من تعليقاتك عند المدونين
وكنت شايفك وانت قاعد على الكرسى جنبى بس ما عرفتش انك تامر غير احنا ونازلين على السلم مع ابو خالد وسلمنا عليك
وبقولك انت لسه من ساعة الحادثة
افتكرتنى ولا لسه
تحياتى وتقديرى
خالد

استراحة محمد يقول...

اولا الف سلامة يا تامر باشا وبجد انا اول مرة اعرف بحكاية الحادثة دى ، وادايقت جدا لأنك انسان محترم ، عامة ميون الف سلامة يا كبير
ثانيا كان نفسى احضر اجتماع العمالقة ده ، لكن ما كنش عندى خبر ، لو كنت اعرف كنت خدتى بعضى وعلى هناك على طول ، بس نصيب ، وتتعوض ان شاء الله
بعد كده يا باشا لما يبقى فى حاجة زى كده ابقى ادي اخوك خبر

اهو ده عيبه يقول...

ازيك يا تامر

سلامتك الف سلامه
للاسف الزحمة والحر خلونى مقدرتش اتعرف على ناس كتير واغلب الوقت وقفت بره

خسارة بجد كان نفسى اتعرف عليك بس ان شاء الله يكون فى فرصه تانية

تحياتى ليك

mayada يقول...

حتي انت ياتامر
كل المدونين كاتبين عن اللقاء رفقا بالناس المفقوعين المتغاظين اللي مرحوش
واحده واحده علينا ههههههههه
ربنا يسعدكوا يارب ويفرحكوا
والف حمد الله علي سلامتك

Tamer Nabil يقول...

الجدة فصيحة

وعليكم السلام

طبعا اختى العزيزة ودة اللى مخلى بعض الصحفين يحسدونا

الله ما امين

ربنا يخليكى

تحياتى

Tamer Nabil يقول...

همس الاحباب


ايوة افتكرتك طبعا

جو الزحمة ومرضى سبب بجد خلنى قاعد فى مكانى مش عارف اتعرف على حد نهائى

ان شاء الله تتعوض فى المرات القادمة ونتشرف بمعرفتك اكتر


تحياتى

Tamer Nabil يقول...

استراحة محمد

ربنا يخليك ياصاحبى

الله يسلمك

ان شاء الله بعد كدة اى شىء يجى ليا بية علم هقولك علية طبعا

وان شاء الله تبقى فرصة اتعرف عليك

تحياتى

Tamer Nabil يقول...

اهو ده عيبه

الله يسلمك

ربنا يخليكى

انا معاكى الجو كان زحمة

والمكان لايساع الناس اللى جت كلها

ان شاء الله تتعوض فى مرات قادمة

واتشرف بحضرتك

تحياتى

Tamer Nabil يقول...

mayada

معلشى يا مادى

تتعوض فى اى مرة تانية

بس قوللى ليا ساعتها انك هتجى وانا ابعت ليكى عربية تحت امرك

ربنا يخليكى


تحياتى

Diyaa' يقول...

ألف ألف ألف سلامة عليك
ما عرفتش لأني مش متابع مدونات :(
ربنا يشفيك والمرة الجاية تيجي من غير عكاز وتتحرك زي الفل
معلش ما كنتش واعي باللي حواليا من الحر والتنظيم والدوشة...أتمني لو في مرة جاية التنظيم يبقي معقول علي الأقل مش يكون خرافي يعني
شفتك علي فكرة بس ..التوهان اللي كنت فيه خلاني مش مؤهل أتعرف علي الناس إلا بصعوبة يعني
المرة الجاية تتعوض
وحظي وحش :(
ألف سلامة عليك تاني

Om Dodo 7abiby يقول...

ألف سلامة عليك يا تامر
ويا بختك انك شفت الناس الجميلة دى كلها
ربنا يعجل بشفائك ان شاء الله
وياريت متتضايقش من تعبك لأن ده خير كبير فيه تكفير لذنوبك
الحمد لله الذى لا يحمد على مكروه سواه
والحمد لله انك طلعت بخير من الحادثة وكلها مسألة وقت وتعدى


ملحوظة كده على جنب
انا شيلت الصورة لما لقيت الناس عرفتك منها ولا ايه ؟؟؟؟
ههههههههه


دمت بخير أخى
سالى

monaliza يقول...

ربنا يتمم شفاك على خير يارب وترجع احسن من الاول بكتير كمان
وخلاص هانت يااستاذ تامر انت صبرت 6 شهور فتأكد ان الفترة القادمة باذن الله هتكون أقل من كده بكتير
ورغم انى مكنتش من ضمن الحضور الا انى بقولك بكل ثقة ان كل قرائك متفهمين ظروفك جدا وحالتك النفسية كمان ومحدش يقدر يزعل منك لان كلنا اخوات ومحدش بيزعل من اخوه وخاصة لو كان عذره معاه
يارب المقابلة القادمة تكون فى احسن حال

إنـســـانـة يقول...

استاذ تامر اعتقد كدة والله أعلم انى عديت من جمب حضرتك هههههههههههه

لا بجد المفروض كنا كلنا نمسك ورقة مكتوب عليها اسامى مدونتنا لان فى ناس كتييييييير اوى كانت موجودة وعارفين بعض بس للأسف مش عرفوا بعض فى الحقيقة

ملحوقة إن شاء الله وربنا يارب يتم شفائك على خير والف الف سلامة عليك انا اول مرة اسمع عن الحادث ده من حضرتك دلوقتى والله

بجد الف سلامة عليك وربنا يشفيك ويعافيك ... وبجد متخليش نفسيتك تتعب ده ابتلاء من ربنا .. والمؤمن متبلى .. إذا اصابته ضراء صبر فكان خيرا له

اللهم اشفه شفاءً لا يغادر سقما

اللهم آمين يارب العالمين

وماتنساش يا أخى " داوا مرضاكم بالصدقات " .. تصدق بنية الشفاء وردد كتير هذه الصيغة فى الصلاة على الحبيب المصطفى عليه الصلاة والسلام

اللهم صلى على سيدنا محمد صلاة تفتح بها ابواب الخير والتيسير وتغلق بها ابواب الشر والتعسير

واكثر من الاستغفار

ويارب نطمن عليك عن قريب اخى الكريم .. اللهم آمين

سلام عليكم

مـحـمـد مـفـيـد يقول...

اولا الف سلام هعليك يا تامر
وبجد والله كان نفسي اشوفك لكن والله الزحمه كانت فظيعه
طمني عليك

د/اجدع بنوته يقول...

مبروووووووووووك انك روحت

والف سلامه ع رجلك

والمره الجايه تكون مشارك بموضوعات ف الكتاب

باذن الله

امام الجيل يقول...

كان يوم جميل
وكنت اتمنى اتعرف على اكبر قدر من المدونين

سلامتك الف سلامة

وربنا يكرمك انك جيت
بالرغم من تعبك

والف مبروك للمدونين كلهم

سنووايت يقول...

اولا الف سلامة وربنا يتم شفاك علي خير
انا فعلا زعلت جدا اني ما كنتش موجودة بس المرات جاية كتير
لو وينكي هي اللي انا اقصدها بتاعة الكواكب والنجوم فدي كانت زميلتي في مدرسة واحدة زماان وهي انسانة طيبة اوي ولذيذة جدا , كدة زعلت اكتر اني ما كنتش هناك

المـــفـــــــقــــــــوعـــــة مــرارتـهــا يقول...

ألف سلامة لرجليك وبعد الشر عنك
تعرف اني كنت هناك بس للأسف مش شفتك
تتعوض المرة الجاية إن شاء الله

Tamer Nabil يقول...

Diyaa'

الله يسلمك ياصاحبى

ربنا يخليك تسلم

اتمنى المرة الجاية اشوفك واتعرف عليك انت شوفتنى لكن لااسف حالتى هيا اللى مش سمحت انى اتعرف على الناس

ربنا يكرمك

تحياتى

Tamer Nabil يقول...

Om Dodo 7abiby

سالى.

الله يسلمك اختى العزيزة

ربنا يخليكى

الحمد الله على كل شىء


الصورة لسة موجودة فى المدونة هههه

تحياتى

Tamer Nabil يقول...

monaliza

الله يسلمك اختى العزيزة

الحمد الله على كل حال

الواحد بس صعب علية نفسة عشان مش عارف يتعرف على الناس

ربنا يكرمك

تحياتى

Tamer Nabil يقول...

إنـســـانـة

الله يسلمك اختى العزيزة


الحمد الله على كل حال

يعنى عديتى من جنبى طيب قولى مين ابوهجاز دة هههه

ان شاء المرة الجاية اشوفك واتعرف عليكى

ربنا يكرمك

تحياتى

Tamer Nabil يقول...

مـحـمـد مـفـيـد

الله يسلمك ياصاحبى

الحمد الله على كل حال

وانا كان نفسى اتعرف عليك

ان شاء الله فى المرة القادمة

تحياتى

Tamer Nabil يقول...

د/اجدع بنوته

الله يسلمك

ويبارك فيكى يارب

اشكرك جداا

تحياتى

Tamer Nabil يقول...

امام الجيل

الله يسلمك ياصاحبى

ربنا يخليك

بجد كان يوم جميل وسعيد لينا كلنا

ان شاء الله اتعرف عليك فى المرة القادمة

تحياتى

Tamer Nabil يقول...

سنووايت

الله يسلمك

وان شاء الله المرة الجاية تكونى موجودة

وينكى عندها مدونة خاصة بالفلك واخرى اسمها حاجة صغنونة من غير فزلكة

والربط اهو

http://www.blogger.com/profile/07263129087752398077

تحياتى

Tamer Nabil يقول...

المـــفـــــــقــــــــوعـــــة مــرارتـهــا

الله يسلمك

ربنا يخليكى


ان شاء الله تتعوض فى المرات القادمة

ربنا يكرمك

تحياتى

قوس قزح يقول...

اولا سلامتك الف سلامة

ثانيا هو انت كنت موجود ؟ مش تقول طيب يا رجل
مفروض المرة الجاية نقول قبلها مين رايح و مين لا و نعلق ID عليه اسم المدونة علشان نعرف بعض

خسارة انى متعرفتش عليك
تتعوض ان شاء الله

Amira يقول...

انا جيت يادوبك نصف ساعة ومشيت يوم جميل ومش هنسى اليوم دة ابدا


انت انسان جميل وطيب ياتامر وكويس انى قدرت اتعرف عليك من الصورة

وسلامتك الف سلامة ياجميل

والمرة الجاية تكون خفيت

تحياتى

SaRa يقول...

ازيك ياتمورة

والف سلامة عليك

كان نفسى اكون وياكم

تحياتى

إبـراهيم ... معـايــا يقول...

ربنا يخليييك يا تامر، ويشفيك، معلش مخدتش بالي، ممممممممممم ، كان يوم جميــل فعلاً ، وألف مبروك لينـا كلنـــا
.
.
تحياتي، ونشوفك على خير بإذن الله اللقاء القادم وتكون خفيت ......

Sampateek يقول...

كان نفسي ابقى معاكم



جدا

تحياتي

tamer.sala7 يقول...

كان نفسي اشوفكم اوووووووي
يا ريتني كنت معاكم

والله اللي منعني شغلي في الاسكندرية وللاسف مكنش فيه ولا حد يمسك الشيفت مكاني
الف مبروووك

ليلى حسين يقول...

الف سلامةعليك ياتامر

ربنا يشفيك يارب

نفسى كنت اكون وياكم

تحياتى

ana mean يقول...

كان نفسي ابقى معاكم

مفيش نصيب


الف سلامة عليك ياتامر

المؤمن مصاب

ربنا يتمم شفاك على خير

تحياتى

Dr-hema يقول...

لا ألف ألف ألف مليون سلامة

د/هيما

أحمد سلامــة يقول...

كنت واقف مع المهندس احمد ثروت ساعة ما مدام ايناس جت وقالتله انك موجود بره
كان في حد بيتكلم مع مراكبي ساعتها مش فاكر مين وقالها انه هيخلص وجاي ، قلتلها هروح اسلم عليك عشان نفسي اشوفك واقف معاك على ما مراكبي يخلص ، افتكرتك كنت بره المكتبه في الطرقه وطلعت على هناك على طول وملقيتكش وكعادة الدنيا ، اتكعبلت في الشاعر محمد عبد الحي وبعدين اتنين مدونين تانيين واضطريت انزل لناس في وسط البلد شوية كده ورجعت تاني كانت المكتبة تقريبا فضيت وحتى ملحقتش اسلم على احمد ثروت او اشوفك
بس من غير كلام انت نورت الحفلة وشرفتنا كلنا يا تامر
تماسك كده يا صديقي وهانت انشاء الله ترجع زي الاول واحسن

يا مراكبي يقول...

ده كان كتير عليا قوي إنك تشرفني بالحضور وإنت لسه بالحالة الصحية دي .. بجد دي تضحية جامدة جدا .. شافاك الله وعافاك وربنا يديم المعروف بيننا وأشوفك دايما على خير

Tamer Nabil يقول...

قوس قزح


الله يسلمك

كان نفسى اتعرف عليكى وعلى كل الناس بس نصيبى واعمل فى اية

الحمد الله على كل شىء

ان شاء الله المرة الجاية اشوفك واتعرف عليكى

تحياتى

Tamer Nabil يقول...

Amira

الله يسلمك

ربنا يخليكى

وبجد انتى غير ما كنت متصور

تحياتى

Tamer Nabil يقول...

SaRa

اللخ يسلمك ربنا يخليكى


ان شاء الله المرة الجاية تكونى موجودة واشوفك

تحياتى

Tamer Nabil يقول...

إبـراهيم ... معـايــا

الله يسلمك ياابرهيم


عارف انك مش خدت بالك

وسعيد انى شوفتك

ربنا يديم الحب والمودة بنا على طول

تحياتى

Tamer Nabil يقول...

Sampateek

ان شاء الله

المرة الجاية تكونى موجودة

ونتشرف بمعرفتك

تحياتى

Tamer Nabil يقول...

tamer.sala7

مش تزعل ياتامر

كل شىء نصيب

وان شاء الله المرة الجاية تكون موجود ونتعرف عليك


تحياتى

Tamer Nabil يقول...

ليلى حسين

الله يسلمك

المرة الجاية تكونى موجودة

ونتشرف بمعرفتك

تحياتى

Tamer Nabil يقول...

ليلى حسين

الله يسلمك

المرة الجاية تكونى موجودة

ونتشرف بمعرفتك

تحياتى

Tamer Nabil يقول...

ana mean


الله يسلمك

ربنا يخليك

وان شاء الله المرة الجاية تكون موجود ونتعرف عليك


تحياتى

Tamer Nabil يقول...

Dr-hema


الله يسلمك يادكتور

ربنا يخليك


تحياتى

Tamer Nabil يقول...

أحمد سلامــة

الله يسلمك

بجد وانا كمان كان نفسى اتعرف عليك وعلى كل الناس الحلوة \بس غصب عنى مش بابديا

ان شاء الله المرة الجاية اشوفك ياصاحبى واتعرف بيك

تحياتى

و القادم....أجمل يقول...

السلام عليكم
إزي حضرتك يا أخ تامر
بجد كان يوم جميل أووووووووي
و إن شاء الله تكون فيه مرة تانية
و تجمع تاني
و تكون قمت بالسلامه إن شاء الله
========
معلش بعتذر عن التقصير في الرد
على البوستات
بس و الله الكومبيوتر متفيرس و بيهنج مني
خااااااالص
دعواتك بس اقبض و افرمته
:D
=========

فعلا سعيدة إني قابلت حضرتك
شرف ليا حقيقي
:)

تقديري الشديد

Tamer Nabil يقول...

يا مراكبي

الله يسلمك ياصاحبى

الموضوع كان يستهل بجد مليون الف تضحية

والله انت على بالى من اول ماروحت ومش عارف اعمل اية عشان اشوفك لحد ما قابلت مدام ايناس

احنا كلنا اسرة واجدة وانا سعيد انى قابلتك ومعلشى كنت عامل زى المستعجل غصب عنى وكان نفسى اكل معاك اكتر

تتعوض فى المرات الجاية ان شاء الله.

تحياتى

Tamer Nabil يقول...

و القادم....أجمل

الله يسلمك ياولاء

ربنا يخليكى

دة شرف ليا يكفينى انك اتعرفتى عليا دى عندى كبيرة اوى

ان شاء الله الجهاز عندك يتصلح ويبقى تمام

تحياتى

ياسمين يقول...

الله سلامة عليك ياتامر

ربنا يتم شفاك على خير

باين علية كان يوم حلو

خسارة انى مش جيت

تحياتى

غير معرف يقول...

السلام عليكم ورحمة الله وبركاته
الاخ والحبيب واللي منسيته ابدا
تامر نبيل
ايه يا حاج تموره
عامل ايه
ايه كل الحاجات الكبيرة اللي نسبتهالي دى والله انا
مبسوط اني شوفتك وكلمتك

وانا بجد سعيد

وان مشلتك الارض من الزحمه اشيلك بعنيا


اسمع احمد الصباغ بيقول هيروحوا تاني الخميس الجاي هحاول اشوفك بقا


ابقي ادخل مدونه رامز عباس من خلال البحث بجوجل
واسف اني ردى ممكن يكون بارد


بحاول اخفف من حرارة المرة اللي فاتت

عـــفـــراء يقول...

السلام عليكم ورحمة الله وبركاتة
بصراحة اول مرة ادخل ومالقيش رد على موضوعك ولكن التفاعل والتعامل مع الاخرين يخلق روح الود والترابط والتعايش معهم
وعموما ربنا يتتم شفاك ويقويك ويعينك على ماتتمنى تحقيقة
تحياتى لك بكل ماهو خير

ماما عبير يقول...
أزال المؤلف هذا التعليق.
ماما عبير يقول...

الف سلامة عليك ياتامر

شفاك الله

اهم حاجة انك قضيت يوم جميل مع اصحابك المدونين


تحياتى

شربات يقول...

الف سلامة عليك



وربنا يشفيك ويعافيك


تحياتى

Tamer Nabil يقول...

ياسمين

الله يسلمك

ربنا يخليكى

كان يوم جميل

وان شاء الله المرة الجاية تكونى موجودة

تحياتى

Tamer Nabil يقول...

رامز عباس

الله يسلمك

الحمد الله على كل حال

ياصاحبى انت انسان كويس ومعرفة الناس الحلوة بجد كنوز مش بقدر

لااسف اجى تانى

ان شاء الله مرة تانية

تحياتى

Tamer Nabil يقول...

رامز عباس

الله يسلمك

الحمد الله على كل حال

ياصاحبى انت انسان كويس ومعرفة الناس الحلوة بجد كنوز مش بقدر

لااسف اجى تانى

ان شاء الله مرة تانية

تحياتى

Tamer Nabil يقول...
أزال المؤلف هذا التعليق.
Tamer Nabil يقول...

عـــفـــراء

وعليكم السلام

ربنا يخليكى اختى العزيزة


الحمد الله على كل حال

تحياتى

Tamer Nabil يقول...

ماما عبير

الله يسلمك

الحمد الله على كل حال

كان يوم حلو

تحياتى

Tamer Nabil يقول...

شربات


الله يسلمك

الحمد الله على كل حال

تحياتى

غير معرف يقول...

دعوة
الي احبائي
واخوتي واخواتي المدونين
اتمني منكم
التفكير في تلبيه الدعوة المسجله بمدونتي

عارف اني عامل قائمة خاصة بس دول بس اللي اعرفهم

اتمني تتحول الحفله لملحمه تعريف راقيه ومكيفة

طبعا مهي هتبقي بالمركز الفرنسي انا اتاكدت من المعاد وهتاكد تاني

http://ramezabas.blogspot.com/
ودة لينك مدونتي المتواضعه


اتمني منكم الاهتمام بمشاركتي فرحتي


بالمعاقين سمعيا مثلي
وهم فرقه الصامتين

التي يديرها صديقي المخرج رضا

حزيــــــــــــــــــن يقول...

ازاى يعنى اشوفك ومسلمش عليك
اتمنى انك تكون استمتعت بالحفلة

enjy يقول...

احقد انا بقى كدة؟ احقد يعنى وللا احسد وللا اقر؟ طبعا اليوم كان ناقص حاجة مهمة اللى هى انا طبعا اكذب وقول اه..سلامتك الف سلامة عليك يارب تامر حسنى وانت لا

بنت مصريه يقول...

انا زعلانه منك يا تامر
اه زعلانه
اولا عشان مش بتزورنى بقالك كتير
ثانيا عشان ما قولتليش عالاجتماع ده
مش احنا اخوات
مش تقوللى عشان اتشرف بمعرفتك
ومعرفه بقيت الزملاء
عموما الف سلامه علييك واتمنى تنورنى

هانى يقول...

الف سلامة عليك ياتامر

ربنا يشفيك

تحياتى

Tamer Nabil يقول...

رامز عباس


مش عارف هقدر اجى ولا لا

انت عارف انى ماشى بهجاز ورجلى لسة مكسورة وكتر المشواير مش حلو عليها

ربنا يكرمك

تحياتى

Tamer Nabil يقول...

حزيــــــــــــــــــن

تسلم يا احمد

كلك زوق

استمتعت وكان نفسى اكون سلين عشان انبسط اكتر


تحياتى

Tamer Nabil يقول...

حزيــــــــــــــــــن

تسلم يا احمد

كلك زوق

استمتعت وكان نفسى اكون سلين عشان انبسط اكتر


تحياتى

Tamer Nabil يقول...

enjy

الله يسلمك يارب

طبعا بجد كان ناقصك بجد وبما انك من اخواتى اعزتء لاوم اشوفك المرة الجاية

وبعديم بلاش نتدعى على تامر حسنى اسمة تامر وانا تامر تحصل قفلة تيجى فيا هههه

تحياتى

Tamer Nabil يقول...

بنت مصريه

طبعا احنا اخوات واحلى اخوات كمان وانا مش يخلصنى اختى تزعل منى

بس الاول بقللى فترة مش بجى عندك ازى بقى دة انتى البوست الواحد تشوقينى مرة واثنين من ساعة ما اتعرفت عليكى فى بوست شم النسيم هنا بقى ليا حق وماليش دعوة عايز حقى


بالنسبة للحفلة دى عندى نست بجد وبعدين معايا عزرى رجل مصاب


الله يسلمك

ان شاء الله المرة الجاية لازم اقول ليكى طبعا

تحياتى

Tamer Nabil يقول...

هانى

الله يسلمك

ربنا يخليك


تحياتى

لسة نونة يقول...

ألف سلامة لرجليك وبعد الشر عنك

ربنا يشفيك


تحياتى

لسة نونة يقول...

تامر معلشى نسيت

انا عايزة اجيب الكتاب


ياريت تقولى
اجيبة منين

تحياتى

بنوتة يقول...

ألف سلامة عليك يا تامر

ربنا يتمم شفاك

تحياتى

ست البنات يقول...

سلامتك الف سلامة عليك

معلشى ياتامر المؤمن مصاب

ربنا يشفيك يارب

تحياتى

نجمة يقول...

الف سلامة عليك ياتمورة

ربنا يشفيك عن قريب

انت مش باين فى المنتدى لية تعالة محتاجين لمجهودك

تحياتى

محظوظة يقول...

الف سلامة

عليك ياتامر

محظوظة يقول...

ربنا يشفيك

وتقوم بالسلامة

محظوظة يقول...

مش انبسطت فى الحفلة

وشوفت اصحابك

لاتيأس ياتامر

وصلى وتصدق

وادعى ربنا

اشوفك على خير اخى

تحياتى

Tamer Nabil يقول...

لسة نونة

الله يسلمك

ربنا يخليكى

---

أماكن توزيع العدد الأول هتكون كالتالي :


1- عمر بوك ستورز شارع طلعت حرب

2- مكتبة البلد امام الجامعة الامريكيه

3- سندباد وسط البد خلف مكتبة مدبولى
4- سنابل شارع شريف
5- لهيئة العامه للكتاب فرع الزمالك
6- مكتبة ديوان الزمالك
7- مكتبة ديوان مصر الجديده
8- مكتبة أفاق شارع القصر العينى

9- المكتبة الدوليه مدينة نصر ش الطيران

10- كشك جرايد كوفى الامريكين - الاسعاف

11- كشك جرايد الجامعه الامريكيه


يتم التوزيع فى باقى المحافظات وداخل المدن الكبيرة مع توزيع جريدة الجمهورية ولكن بتأخير اسبوعين


لو مش قريبة بيكى الاماكن دى قوللى ليا

تحياتى

Tamer Nabil يقول...

بنوتة

الله يسلمك

الله ما امين

ربنا يخليكى

تحياتى

Tamer Nabil يقول...

بنوتة

الله يسلمك

الله ما امين

ربنا يخليكى

تحياتى

Tamer Nabil يقول...

ست البنات


الله يسلمك

الحمد الله على كل حال

تحياتى

Tamer Nabil يقول...

نجمة

الله يسلمك

ربنا يخليكى

ان شاء الله اكون موجود معاكم

تحياتى

Tamer Nabil يقول...

محظوظة

الله يسلمك

ربنا يخليكى

اية حفلة الردود دى ههههه

اشكرك جداا

تحياتى

رصيف نمرة خمسة يقول...

ربنا يشفيك يارب ياتامر وترجع احسن من الاول كمان

والله بجد نفسى اشوف الناس اللى انا عرفتهم قبل لما اشوفهم دول

وبعدين ربنا بيسبب الاسباب يعنى اكيد فيه فوايد كتير انك قاعد 6 شهور دايما موجود معانا فى مدونتك والنظام ده

ربنا يشفيك يارب

تحياتى

نسر الشرق يقول...

السلام عليكم

دى اول زيارة لية

هذة المدونة جميلة ودماها شربات

سلااااام

appy يقول...

ايه ده هو انا مش شوفتك ولا ايه طيب ليه اه انت كنت قاعد جوة وانا بلف زى النحله ولا ايه

Tamer Nabil يقول...

رصيف نمرة خمسة

الله ما امين

ربنا يخليكى تسلمى

كل شىء ولية شىء ادعى ليا اقوم من فاعدتى اللى طولت


تحياتى

Tamer Nabil يقول...

نسر الشرق

وعليكم السلام

ربنا يخليك ياعسل

نورت المدونة


تحياتى

Tamer Nabil يقول...

appy

انا كنت قاعد قدام مدخل القاعة اللى فيها الكلام ساند على عجازى

وممكن تكونى عديتى عليا ومش عرفتينى بس لو كنتى شوعتى عحكازى كنت افتكرتى

على العموم ابى حصل خير وتتعوض فى مرة تانية

تحياتى

وينكى يقول...

عم تيمور
ماتتصورش انا كنت مبسوطه ازاى لما شفتك يوميها
كانت مفاجأه فى منتهى الروعه بجد انى شفتك
اليوم بحاله كان قوى جدااااا
يارب يخف بسرعه وتقوم بقى من غير العكاز
عارف
انت فكرتنى بنفسي ايام الثانويه العامه
كنت مشهوره بالعكاز برضه
بس انا رجلى كانت بتفلق على طول لأن وزنى كان زايد عليها
ههههههههه
فضيحه انا مش كده
:)

Tamer Nabil يقول...

وينكى

وانا والله وينكى كنت سعيد جداا انى شوفتك بجد ردتى روحى فيا انا كنت قاعد حزين ومحبط

انتى جربتى العجاز قبلى وانا اقول العادة دى جت ليا منين ههههه

الله يسلمك دعواتك لنا

نورتى المدونة

تحياتى

مؤنس فرحان يقول...

عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

فجأة فى يوم وليلة صحيت من النوم لقيت كل الناس بتتكلم عالمدونات على موضوع الكتاب دا وحفلة التوقيع دى اللى حضرها كل الناس تقريبا ونا معرفش

ليا تلات اسابيع منقطع عن المدونات بشكل كبير بسبب ضغط الشغل

الحمد لله .. خيرها فى غيرها ان شاءالله
يارب تكونو انبسطتو .. انا مجرب الاحساس دا قبل كده كنت قابلت ناس كانو عشرة عمر بس عن طريق النيت
شعور بيبقى جميل جداااا

الف سلامة يا طمورا (على رأى شوقية) .. وان شاءالله المرة الجايا نشوفك بتتنطط

بالتوفيق ان شاءالله

Tamer Nabil يقول...

مؤنس فرحان

فعلا ياصاحبى احساس جميل انك تتقابل ناس بينك وبينهم حب و معزة وافكار واحدة وحاجات كتير

اليوم كان جميل

الله ما امين ادعى ليا ياصاحبى


نورت المدونة

تحياتى

*سمر* يقول...

الف لا بأس عليك...
soon recovery isA

Tamer Nabil يقول...

*سمر*

الله يخليكى


تسلمى

نورتى المدونة

تحياتى

غير معرف يقول...

انسان ما يهمة الا مصلحتة ونفسة

ويخدها ولو على حساب مين

وممكن يدمر ناس عشان يوصل لمصلحتة

لكن كما تدين تدان

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

غير معرف يقول...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير