فى وقت من الاوقات كان زمان الغسيل يتحط فى طشت طويل ويتحط على الباجورا والبوتوجاز لو وجد فى مياة مغلية لوقت معين زى ما بتعمل زمان ستات البيوت . وفى يوم كان جدة تمورة مولعة على الباجور وحطة الطشت وفية المية عشان تغلى وكانت فى نفس الوقت بتحضر الاكل لتمورة اللى كان جعان خالص ومش قادر يستنى جدو لما يجى من برة عشان كان الاكل لما يتعمل محدش ياكل الا لما جد تمورة يكون موجود.
---------------
وجدة تمورة خدت طبق صغير وحطت لتمورة فية حبة ارز وحتت لحمة عشان تمورة كان عمال يعيط ويقول انا جعان ياتيتة وفرشت جدة تمورة حصيرة فى المطبخ جنبها وجلس تمورة ياكل وهو فرحان انة خلاص هيسكت بطنة الجعانة . وهو بياكل تمورة دخلت علية قطتة السيامى اللى كان تمورة متعلق بيها اوى وكان عمالة تلف حوالين تمورة ونو نو نو.
-------------
وفضل تمورة كل شوى يرمى ليها حتة من اللحمة عشان تاكل القطة ولما بص تمورة على اللحمة اللى كانت معاة وجدها خلاص قربت تخلص فنادى على جدتة وطلب منها حتت لحمة كمان عشان يدى القطة تاكل عشان هيا جعانة وراحت جدة تمورة جايبة حتة لحمة كبيرة واديتها لتمورة وقالت لية دى اخر لحمة مش تاخد تانى الا بعد ما جدو يجى .قال ليها تمورة ماشى
------------
وجلس تمورة ياكل وياكل القطة وبعدين قام تمورة وساب الاكل كلة على الارض وراح الحمام وطبعا تمورة كان طفل صغير ومش فكر خالص ان القطة ممكن تخلص على الاكل اللى على الارض . ولما رجع وجد القطة كلت الرز وبتاكل فى اللحمة عيط تمورة وضرب القطة وفى عز ما هو زعلان حدفها بس الحدفة كانت جامدة نزلت القطة فى طشت الغسيل اللى فية مية مغلية والقطة فضلت تحاول تتطلع وتصرخ .
----------
وتمورة واقف يعيط وجرى على جدتة بسرعة وقال ليها اللى جت وطلعت القطة من الطشت وكانت القطة حالها صعب . وبعد يومين ماتت القطة وكان يوم صعب على تمورة اللى فضل يعيط وخد القطة فى حضنة ومش كان عايز يسبها وفضل حزين تمورة على قطتة السيامى وكان عشان بيحبها اوى جدو دفنها فى الجنينة اللى قدام البيت وفهم تمورة انة مش يحفر تانى عليها وبقى كل يوم تمورة يصحى ويحط على مكان الحفرة وردة ويبص لكم صورة كان متصورها مع القطة ويعيط
-----------
جديد مدوناتى الاخرى
---------
مساء الخير
لو ربطنا بين البوست ده واللي فات يبقي احنا كده عرفنا القطة اختفت راحت فين
يعني تموره كان عارف هي فين وبيعمل تهيئه نفسيه وبعدين يصرح عن سبب الاختفاء
عموما ممكن نعتبر الموضوع قضاء وقدر او قتل خطأ
السلام عليكم و رحمة الله و بركاته
بس عارف احسن حاجه ايه ان تموره كان
بيأكل القطه معاه بجد والله
يعينى عليكى يا قطة تموره اتغسلت غسيل معتبر معلش
حسيت انى بقرأ قصه لذيذه زى اللى بيتحكوا بالليل قبل النوم للأطفال
تحياتى
مسكينة قطة تمورة
مش كان قصد يموتها بس مش يمنع ان تمورة غلط ولازم يتعلم من غلطتة
تحياتى
حدوتة حلوة
والقطة راحت من تمورة لحظة غضب
تحياتى
هوا ايه اللى تموره تموره تموره
خمستلاف تموره فكام سطر
ياحرام
ربنا يرحمها بقي
احنا دايما كده
نتسرع ونعمل حاجات وفي الاخر نندم عليها
عارف لو تموره كان كبير ساعتها
كنت ضربته بس طالما كان صغير
خلاص عيل وغلط
اولا اسمه بستله مية مش طشت طويل
ثايناً بقي القصة حلوة قوي فكرتني باختي لما بتكلم ابنها الصغير
او كان طفل هو اللي كتبها فعلا
طب قول الحق دي مذكرات تمورة ولا ايه ؟
المهم ان تمورة اتعمل الدرس وميخليش الغضب يعمية ساعات اللي بنخسره في لحظة غضب مش بيتعوض في سنين ويمكن ميتعوضش خالص
قضاء وقدر
تمورة كان طفل ومكنش يقصد :))
بس مسكينه القطه
بس تمورة كان لسه صغنن مش كان يقصد انه يعمل كد يعنى
يبقى اكيد لازم هنسامحه
تقبلى أعجابى بمدونتك فى اولى زيارتى
تحياتى
يويو
السلام عليكم
انا هبلغ عنك انت اللى قتلت القطة
على فكرة تيته اللى غلطانة اصلا هى ليه سمعت كلامك وخلتك تاكل قبل ما جدو يجى
يلا بقى واكيد القطة ده قدرها
ربنا معاك
منجلكوش فى حاجة وحشة
مدونتك رائعة مستر تمورة
Anonymous
طبعا انا معاك قضاء وقدر وقتل بدون قصد
بس على فكرة الموضوعين مختلفين عن بعض وان كان يوجد بهم بعض التشابة
ربنا يكرمك
تحياتى
zainab
وعليكم السلام ورحمة الله وبركاتة
ايوة بياكل القطة عشان هو طيوب خالص ومش يهون علية يسيب قطتة جعانة
اشكرك على تشريفك مدونتى
فى انتظارك دائما
ربنا يكرمك
تحياتى
Amira
كلامك صحيح واكيد طبعا تمورة اتعلم الدرس
ربنا يكرمك
تحياتى
SaRa
ودة يعلمنا انة وقت الغضب لازم نكون صابرين ولانخد قرار نندم علية
ربنا يكرمك
تحياتى
انا حره
طيب زعلانة لية
نورتى المدونة
ربنا يكرمك
تحياتى
mahasen saber
عندك حق عيل وغلط
واكيد اتعلم الدرس كويس من اللى حصل
ربنا يكرمك
تحياتى
وومن
عندك حق بستلة بس اعمل اية فى الذاكرة هههه
مذكرات تمورة اكيد لكن مش كلها حصلت يعنى
ربنا يكرمك
تحياتى
م/ الحسيني لزومي
هروح والقى نظرة
واهلاا بيك
تحياتى
سلوى
كلامك صحيح
مسكينة القطة وتمورة اكيد اتعلم
ربنا يكرمك
تحياتى
yoyo
عندك حق
كان لسة صغير ومش يقصد يعمل كدة فى قطتة اللى بيحبها
نورتى المدونة
وفى انتظارك دائما
ربنا يكرمك
تحياتى
أميرة الجنة
وعليكم السلام ورحمة الله وبركاتة
تيتة تمورة عليها الحق بس بقى دة حب وخوف على تمورة
انا اسمى تامر مش تمورة هههه
نورتى المدونة
وفى انتظارك دائما
ربنا يكرمك
تحياتى
إرسال تعليق