من يوم ماكان تمورة صغير وهو بيحب الافلام الهندى موووت واى فيلم هندى يجى فى التلفزيون يجرى يتفرج علية كان اول فيلم اتفرج علية تمورة هو مارد بطولة نجم الاكش الهندى اميتاب بتشان هو من انتاج 1985 ومن هنا ابتدى الحب الكبير لاافلام الهندى يدخل الى قلب تمورة الصغير
ومن شدة حب تمورة لااى فيلم هندى كان بيجمع اصحابة فى وقت عرض الفيلم ويتفرجوا علية ونقل تمورة حب الافلام الهندى الى الشلة بتاعتة الصغيرة وابتدى فى اى وقت يعرض فيلم تجتمع الشلة وتتفرج على الفيلم ويخلص وهما اخر سعادة ومبسطوين اوى من الفيلم الرائع
حيث الاغانى الجميلة والرقص الهندى واللى بقى الاصحاب وهم بيلعبوا يرقصوا هندى زى الافلام وكمان دخلت الحركات الاكشن الهندى فى الالعاب بتاعة شلة تمورة لحد ما كل الجيران اطلقوا على الشلة شلة تمورة الهندى وتمر الايام والشلة فرحانة بالافلام الهندى لحد ما فكروا مرة يمثلوا فيلم هندى من اللى اتفرجوا علية
وابتدى تمورة يوزع الادوار على الشلة وابتدى تمثيل الفيلم واللى كانت اصعب مشهد وقف الاصحاب مش عارفين يعلموا فية اية وهو منظر موت صاحبة تمورة وبعد موتها لازم تتحط على خشب ويتولع فيها عشان بعدها يخد تمورة الرماد بتاعها ويحطة فى النهر وهنا فكر تمورة والاصحاب واتفقوا على
يكون السرير هو الخشب والبنت واللى هيا توتة يغطوها باالالحاف وبعدين يحطة ورق ويولعوا فيها وبعدين يخد تمورة بواقى الورق المولع ويحطة فى النيل وابتدى التنفيذ فى بيت تمورة وتم توليع الورق بجانب السرير اللى نايمة علية توتة وبقى الاصحاب وتمورة واقفين يبكون عليها وطلع الدخان وخرج من الغرفة وجرى بابا تمورة ومامتة
اللى بسرعة طفوا الولعة وخرجوا البت توتة من تحت السرير واللحاف واللى كان جسمها كلة مية وعمالة تبكى وهنا بعد ماحكى تمورة للناس لية عملوا كدة اتحبسوا كل واحد فى بيتهم بعد علقة لكل واحد منهم وتمورة من تحت السرير يقول ليهم بكرة الفيل بتاعى يجى ويخلص عليكم
انا جييييييييييييت
مبسوطة انى اول تعليق ان شاء الله
هقرا و ارجعلك
فكرتنى بابن عمتى و هو صغير كانت لسه افلام سوبر مان و الكلام دا بقى راح البلكونة بتاعت بيتهم و كان هينط زى سوبر مان
بس عارف رغم خطورة الحاجات دى لكن ممكن مع متابعة الاطفال ندى مساحة لخيالهم بالطريقة دى ممكن نطلع مبدعين
مش قصدى طبعا تقليد سوبر مان او اميتبتشان
اول زيارة ليا هنا و عجبتنى افكارك انا قرأت البوست بتاع القطط و اعتقد انى اخدت فكرة كويسة عنك
سلالام و يارب تكون بخير
فيه حاجات كتير بتعرض فى التليفزيون غلط ان الاطفال يشوفوها
والافلام الهندية من ضمنها:)
الاطفال بيتأثروا اوي من الحاجات دي انا فكرة وانا صغيرة في المدرسة كنت انا واصحابي بنلعب النينجا و زينا و هرقليز وكنا مش بنبطل طحن و ضرب في بعض ونطينا من فوق سور المدرسة بعد ما طلعنا ع الشجرة هههههههههه ايام ههههههه الخلاصة ان الاطفال بتتأثر اوي وبتحب تقلد
استاذ تامر مع معلش انا اسفى انى هعلق تانى بس فى حاجه لازم انبهك ليها فى بوست الصبر جميل حضرتك كاتب فى الاخر اللهم ما انك عفو تحب العفو
و كلمة ما هنا بتنفى صفة العفو عن الله سبحانه و تعالى فأرجو انك تغيرها
وانا اسفة مرة تانية
جارة القمر
اهلا بيكى جارة القمر نورتى المدونة
معاكى اننا نعطى مساحة لااطفال تعمل وتبتكر وتنفذ بس يكون تحت متابعة الكبار مع الارشاد السليم لهم
انا شلت كلمة ما واشكرك جداا على تنبيهى جزاكى الله خيرا
مع خالص تحياتى
موناليزا
انا معاكى وكلام صح
عشان كدة لازم يكون هنا متابعة من الاهل عشان الارشاد الصحيح لااطفال
مع خالص تحياتى
أميرة علي كوكب مهجور
اكيد طبعا الاطفال تتاثر وتقلد الاخرين خصوصا لما يكون مايقوم بة الاخرين شىء يشد وجديد عليهم
مع خالص تحياتى
الاطفال بتكون شقية خالص وعايزة متابعة من الكبار
بوست جميل
تحياتى
ياة فكرتنى بااحلى ايام فى حياة كل انسان
ايام الطفلولة
اكيد كل واحد فينا جواة حاجات كتير عن الايام الجميلة دى عايز يقولها
تحياتى
للاسف الاطفال بتتأثر بأى حاجه تشوفها وبتقلدها
ربنا يستر
تدوينه رائعة
يانهار ابيض على الاطفال ومخها اللاسع ربنا يكون فى عون بابا تموره ومامته ويصبرهم عليه بجد دا انت تحفه
هو دة حال كل طفل فى ايامة دى
بوست مميز ياتامر
تحياتى
ايه الحلاوة دى لا فنان يا عم تامر فى الحبكة القصصية والنهاية المرحة
بكرة الفيل بتاعى يجى يخلص عليكم....
حلوة يا باشا
ههههههههههههههههههه
طيب الحمد لله انى موش من الشله بتاعتى
لكنت ممكن تحطنى للتمساح ياكلنى ولاحاجه
بس هى العلقه كانت سخنه ولا كدا وكدا
ومن هنا من سن الفيل انادى بالقاء تموره الهندى فى البحر مكبلا بالاغلال .
ونتفرج بقى ياعم اميتاب بتشان هتعمل ايه
يعنى من القطط للهندى ياقلبى لاتحزن
هههههههههههههه
المهم تعيش وتاخد علقه غيرها
ههههههه
ده تموره ده كان مشكلة كبيرة وهو صغير
:-)
وياترى الفيل جه ولا لسه ما جاش لحد دلوقت؟
:-)
بعيدا عن الموضوع
المدونة فى مجملها رائعة ، قضيت بين صفاحاتها المتعددة وقت طيب اشكرك عليه
تحياتي
اول زياره
وفتسط علي روحي من الضحك
ههههههه
الحمد لله انها رسيت علي كده
*تحياتي
انا من محبى الافلام الهندية
وبموت فيها بس بحب الدرامى منها مش الرومانسى
لانه بقى الايام دى مسخرة
بس المشكلة ان التليفزيون ليه تأثير كبير على الاطفال
يمكن هو اللى بيربيهم والله هههه
بيغرس جواهم قيم وعادات وافكار جنونية
وبجد انا سعيدة بالزيارة
وسعيدة بمعرفتى للمدونة :)
ههههههههههههههههههههه
كنت بحب الأفلام الهندي زمان شوية ..دلوقتي لأخالص
بس هم لازم يقلدوا الفيلم بكل مشاهده يعني
هو طبعا يعني ..مينفعش كل حاجة تتعرض في التلفزيون الأطفال يشفوها ..لانهم لازم هيجربوا كل حاجة
بس اصلا الكرتون الي هو للأطفال بقى فيه حاجات افظع من كده
هههههههه فكرتني بحد وهو صغير كان بيعمل سوبر مان..ونزل على رأس اخوه فتحهاله
قصة جميلة جدا ..وخاصة النهاية
مممممممممممممم
فيلم مؤثر اوىىىىىىىى
هههههههههه
بجد مبسوطة لاول زيارة ليا
وان شاء الله مش الاخيرة طبعا
وعجبنى البوست جدا بكل كلمة فيه
وخصوصا انى بحب الافلام الهندى برضو اوى
تحياتى لحضرتك
سلام ونورتنى بجد يارب دايما
والله الافلام الهنديه مافي شئ عندهم مستحيل ... تلاقي الرجل يقفز من فوق العماره ... والحصان يتزحلق تحت سياره نقل وفوقه فارس
اما الضرب والقتال الهندي شئ عجيب
الحمدلله علي سلامه توته المسكينه
:)
ههههههههههههههه
جميل جدا بكرة الفيل بتاعى يجى ويخلص عليكم
لا عايش الدور قوي استاذ تمورة
والله انا ولاد بنت خالتي بيقعدوا يعملوحركات عدوانيه موت ويتكلموا كلام غريب مش عارفه ايه الصحن الطائر والضربه الثلاثيه والمقتل الفتاك حجات كده الواحد بيستعجب لما بيشوف طفل بيقولها بس ده كله للاسف من الاعلام الخطأ اللي الاطفال بيتفرجوا عليه
عشان كده لازم ننقي لاطفالنا حجات كويسة وهادفه في نفس الوقت مش افلام هنديه
تقبل خالص تحياتي
ازيك ياعمو
انا مبسوطة انى زرت المدونة
بس انا مبحبش الافلام الهندى ولا الاجنبة علشان مش بفهم حاجة ولا بلحق اقرا الترجمة
ههههههههههههههه
يايعنى الافلام الهندى كلت دماغوا
زى تمورة كدة بيختفى فجأة وبينسى كل اصحابوا عمتا قوله كيكى بتقولك ونبى لابعتلك الفرخة الهندى بتاعتها تخلص عليك وع الفيل
ماهو فيلم هندى بقى**
ههههههههههه
تعيش وتاخد غيرهايا تمورة
بس فعلا الافلام هندى كانت بتشدنا واحنا واطفال جدا
تحياتى
ههههههههههه ده تمورة كان شقىىىىىىىىىى جدا
بس شقاوته تودى فى داهية
الحمد لله انك كبرت بقى وربنا يحمى توته منك هههههههههههههه
بجد بوست جميل اوى وكوميدى
تسلم ايديك
تحيااااااااااتى
Amira
كلام صح
لازم يكون فى متابعة من الكبار
مع خالص تحياتى
شربات
اكيد طبعا المرحلة دى من اجمل مراحل العمر وحتوى على الكثير من الحكاياات
مع خالص تحياتى
الأحــــــ إيناس ــــــزان
دى طبيعة بشرية من اول ما الانسان مايكون طفل لازم المتابعة عشان عدم وجود التاثير السلبى
مع خالص تحياتى
طوبه فضه وطوبه دهب
بجد معاكى حق ربنا يكون فى عون الاسرة كلها هههه
مع خالص تحياتى
ألآسطى بلي
اكيد ياصاحبى والاطفال احباب الله
مع خالص تحياتى
Dr Ibrahim
ربنا يخليك تسلم ياصاحبى
ديما حكاوى الطفولة فيها من الشقاوة والمتعة
مع خالص تحياتى
Saso
كويس انك مش من شلة تمورة دة اساسا لو انتى فيها كان عملك فرخة واتغدى بيها على الغدى ههههه
سن الفيل مرة واحدة ربنا يستر ومش يشوف كلامك تمورة ههه
مع خالص تحياتى
يا مراكبي
تقريبا ياصاحبى لسة ماجاش هههه
تمورة خد بمبة ههههه
مع خالص تحياتى
حاول تفتكرنى
ربنا يخليك.
اشكرك على كلامك الطيب
مع خالص تحياتى
donya
الحمد الله ربك كبير
نورتى المدونة
مع خالص تحياتى
همســات عــلى ضــوء الــقمر
عندك حق فى كلامك
تاثير الافلام وغير ها من البرامج التى يتابعها الطفل كبير جداا وعايزمتابعة ديما من الكبار
اشكرك على كلامك الطيب
منورة ديما مدونتى
مع خالص تحياتى
شريكة في المطعم
عندك حق فى كلامك
مش كل حاجة لازم يشوفها الطفل حتى لو كرتون زى ماقولتى الان فى كرتون شرس وثقافة غريبة علينا
مع خالص تحياتى
yasmina
ربنا يخليكى تسلمى
الف شكر ليكى على كلامك الطيب
ومنورة ديما المدونة
مع خالص تحياتى
ساره
الحمد الله
وكلامك صح سارة الافلام الهندى فيها العجايب
مع خالص تحيتى
fnoonh
عندك حق فى كلامك
مش لازم كل حاجة يشوفها الطفل لو ان اطفال اليومين دول لوحدهم عفاريت
مع خالص تحياتى
TWEETY
ربنا يخليكى
وانا سعيد بزيارتك الجميلة
حاولى بس تتركزى فى الترجمة عشان تتابعى الفيلم وتفهمى قصتة
مع خالص تحياتى
كيكى عوووووو
اهلاا ومراحب كبيرة لكيكى
لية بس كدة ياكيكى ويهون عليكى الفيل حبيبك
هقول لتمورة بقى وهو يتصرف هههه
منورة ديما المدونة
مع خالص تحياتى
همس الاحباب
عندك حق والله
وبتشد الى الان والله
مع خالص تحياتى
همس الاحباب
الحمد الله جت سليمة
وتوتة بخير ههههه
نورتى المدونة
مع خالص تحياتى
والله ظاهرتة الافلام الهندية والتأثر بيها انتشرت فيها المشكلة مش مشكلة ان الفلم ده هندى ولا امريكى ولا ززز
المشكلة هى فى الرساله اللى بيوصلها الفلم ده يعنى ممكن يروج لأفكار تعارض افكارنا او عادات مختلفة عن عاداتنا زى مثلا القبلات فى الافلام الغربية دى شئ عادى جدا الصديق بيبوس اخت صاحبة وزميلته فى العمل وكل ده عادى بس ده ترويج لفكر الغرب عاوزنا نتبعة وعايز الحاجة دى تكون عندنا عادى برضو والامثلة على كده كتير وفى منها اللى بيروج للعنف
لذلك لازم ننتبهة فعلا لاى شئ بنتفرج علية او نسمعه
دمت بكل الخير ومتشكر على مرورك الكريم
حلوة الأفلام الهندى
بحس انى حيتنا كلها فيلم هندى
لما يجى الفيل
هيخلص عليكم هههه
خلى تمورة مستنى كدة الفيل على طول لحد مايجى
بوست رائع
تحياتى
جميلة اوى القصة رغم اللى حصل
فيها من الاطفال وتمورة مش مقبول
بس دمها خفيف
تحياتى
حلوة القصة
وتمورة باين علية مش هجبها لبر
تحياتى
رجعنا لتمورة وشقاوة تمورة بية
ههههه
قصة حلوة ومستنية اشوف فيل تمورة هيعمل اية ههه
تحياتى
سبحان الله الاطفال فى الغالب بتكون شقية اوى وبتحب تقلد كل حاجة تشوفها
وتمورة كان ابو الشقاوة كلها
تحياتى
م/ محمد صالح
كلامك صحيح
المشكلة فى نوعية الافكار التى تروجها الافلام وعشان كدة لازم يكون فى رقابة من الاسرة على الاطفال دائما
مع خالص تحياتى
mohamed ghalia
ممكن من اللى بنشوفة من الحياةوبعض الناس نحس فعلاا ان الحياة بقت كلها هندى
مع خالص تحياتى
شمس
هيعمل اية بس ياعم شمس طفل بقى وكل همة وعشمة فى الفيل بتاعة هههه
مع خالص تحياتى
ياسمين
اجمل حاجة الاطفال
لكن لازم متابعة من الاسرة وتخلى بالها منهم ديما
مع خالص تحياتى
لسة نونة
لية بس يانونة
تمورة غلبان خالص هههه
مع خالص تحياتى
بنوت
وانا زيك مستنى فيل تمورة
لما نشوف هيعمل اية ههه
مع خالص تحياتى
الملكة هند
كل طفل بيحب يقلد اللى بيشوفة.
بس زى ماقولت لازم يكون هنا متابعة من الاسرة
مع خالص تحياتى
اه كنا زمان فيلم امى تبت شان ده لازم نعد له ومانفوتوش
بس دلوقتى رغم انها اخدت طابع مختلف الا انها زادت جمالا وابداعا
انا كمان بحب الافلام الهندى بس مش لدرجه الادمان
شكرا على الزياره الكريمه
ايام جميلة رغم كل ما فيها
من شقاوة
بوست رائع تامر
تحياتى
حلو والله الهندى
احبة كتير والله
سلامى لتمورة الشقى
تحياتى
هاى تمورة
ازيك
لسة الشقاوة دى موجودة فى تمورة
كويس انها جت على قد كدة
سلاموووووووووووز
ومين محبش الافلام الهندى واغرم بيها ولو لفتره صغيره من حياته
بس محرفناش حد
:DD
انا اعرف ان الخليجين بس بيحبوا الافلام الهندي
بس هي عموما حلوه
وستايل مختلف تماما
عن العربي والاجنبي
سمسمه
هيا صحيح افلام حلوة لكن الادمان مننوع واكيد كل شكل ولية الكثير من الالوان..
مع خالص تحياتى
دكتور لغة العيون
ياريتها تنفع ترجع
مع خالص تحياتى
ست البنات
ربنا يخليكى
اشكرك
مع خالص تحياتى
محظوظة
طبعا يامحظوظة
تمورة وهو صغير كان ديما شقى
ربنا يخليكى تسلمى
مع خالص تحياتى
mahasen saber
كلامك صح.
افلام جميلة
انا اعرف منهم كتير عشان متابعها ديما
مع خالص تحياتى
*,*AMY LEE*.*
وفى مصرين كتير بتحب الافلام الهندى
لانها افلام شاملة جميع انواع الدرما
مع خالص تحياتى
ههههههههههههههههههه
بصراحه انا اول مره ادخل هنا وسبحان الله اول حاجه عينى جت عليها الحكايه دى على اد مااخرها بش حلو بس كلها شقاوه اطفال وانا بموت فى الاطفال وبقراها وانا مبتسمه اوووى مع انى انا لو كنت ماما لولد صغنون كده كنت هعقبوا
دماغك شكلها كبيره اوووى واسمحلى اكون متابعه للمدونه بتاعتك
إرسال تعليق