مرحبا بكل الزائرين

مدونتى مدونة عامة الكتابة فيها لاتلتزم بأى قواعد ادبية فهى كتابة بسيطة من القلب الى القلب من دماغى وبقلمى الخشب ت-01225069316

اصدقاء المدونة

الجمعة، ديسمبر 17، 2010

لكل زوجين اختار قبل الحمل نوع الجنين


مسعود وسلوى متزوجين من عشر سنين عندهم بنتين زى القمر بس مسعود نفسة فى ولد لدرجة انة بيفكر يجوز تانى عشان يكون لية ولد وطبعا سلوى حاسة بية وباللى بيفكر فية ومش عارفة تعمل اية



مشكلو مسعود وسلوى وحكاية الولد مشكلة ملايين من الازواج ولكن كما نعلم فى الشرق الاوسط حيث العادات والتقاليد تنتشر اكثر ولكثير من الاسباب ولكن الهدف واحد عايزين ولد


هنا الجديد ان فى بحث علمى ظهر للموضوع دة بيقول ان ممكن اننا نحدد قبل الحمل نوع المولود القادم حسب رغبة الطرفين يعنى ولد او بنت بيقول البحث دة اية

ان تحديد نوع المولود بيكون عن طريق الغذاء حيث نوعية الطعام تتحكم فى نوع المولود طبعا البحث هو اللى بيقول كدة بمعنى

اذا اردت ولد فعلى الام تناول الاغذية المحتوية على الصوديوم والبوتاسيوم يجتذب جدار الخلية البويضة الحيوانات المنوية الذكرية‏. وهنا ياتى الجنين ولد

اما اذا اردت بنت فعلى الام هنا تناول الاغذية المحتوية على الكالسيوم والماغنيسيوم فهنا تختذب للخلية الحيوان المنوي الحامل للكروموسوم الأنثوي ويكون الجنين بنت

سبحان الله كل فترة يظهر من العلم ما يفتح الكثير من الابواب المغلقة ويكون حل لكثير من المشاكل فى حياة الانسان واتمنى يكون نتيجة البحث دى صادقة 100 %

البحث العلمى دة وفكرتة تم نشرها عن طريق جريدة الاهرام وما انا الا عارض للموضوع عن طريق مقال بطريقتى لتوضيح الامر


هناك 26 تعليقًا:

Dr/ walaa salah يقول...

ايه ده انا كتبت تعليق مظهرش ليه

حرام هو انا هكتب تاني

على العموم لو وصلك مرتين التعليق احزف واحد منهم يا تامر

ونقول من تاني وامري لله


الموضوع انا قريته قبل كده بس مش عارفه صح ولا غلط

لكن في الاول والاخر اللي ربنا كاتبه هيكون

ولد ولا بنت كله نعمه

ودلوقتي الرجاله بتحب البنات اوي

سبحان الله بعد ما كانوا بيوأدوهم زمان

على العموم مشكور يا تامر على الموضوع

Tamer Nabil يقول...

Dr/ walaa salah


هو تعليق واحد اللى ظهر الى الان ولو حضر التانى هسيبة وارد علية تانى هههه


عندك حق اللى ربنا كتبة هيكون


وعموما ولد بنت واحد والله بس فى ناس لسة تفكيرها على قدها

منورة المدونة

مع خالص تحياتى

افروديت يقول...

أيه ده ياتامرررررررر

متهيألي حرام أن حد يعمل كده وربناهو اللي يرزق الناس

طبعآوبقول حرام من منطلق الفكرة نفسهالأن نوعيه الأكل عادي مش مشكله خالص ..

مش كفايه تأجيرالأرحام كمان هيحدده النوع

سلام

Mona يقول...

الله أعلم كل بيد الله
وتحياتى لطرح الموضوع

Dr Ibrahim يقول...

دى أقدار
وقد يكون البحث العلمى سبب فى ان يكتشف شىء ولكن قدرة الله فوق كل شىء
دمت بود

شمس النهار يقول...

اللي ربنا يقسم بيه هو الخير
وياكلوا مهما ياكلوا مش هيجيبوا غير قضاء ربنا

بس مش النظريه العلميه ان الرجل هو المسؤل عن النوع

في فزورة عندي في المدونه ياريت تيجي تحلها
:)

كلمات من نور يقول...

و مرة برضه قالوا لو عايزين بيبي أبيض اشربي لبن كتير ولو اسمر كلي شوكولاته

سيبك انت .......العلم يصول ويجول ويبقى أمر الله وما يريده يكون

فراشة يقول...

استاذ تامر نبيل

انا فعلا قرات حاجه زي كدا
بس الله اعلم وهو القادر على كل شيء

انا قريت بقى حاجه بتعرف نوع الجنين وهو يدوب عمره اسبوع

بس دا لو ف مصر ومتاح يبقى ربنا يستر ع اللي هيحصل

محمد الجرايحى يقول...

فى كل فترة يفتح الله سبحانه للإنسانية باباً جديداً من أبواب أسرار علمه سبحانه وتعالى.

شكراً لك أخى الكريم لعرضك
وجعلها الله ذا فائدة

من كل بستان زهرة يقول...

مش عارفه ليه مش مصدقه الموضوع ده
نوع الجنين شئ بيد الله واحده


قال الله تعالى: لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ* أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ -الشورى:49-50

واعتقد ان استحالي العلم يصل لهذا الأمر

تحياتي

هبة فاروق يقول...

مدونتك جميلة يا تامر وعجبتنى اوى اغنية توت فكرتنى بنفسى لما كنت صغيرة
طبعا الموضوع جميل بس الاغرب بقى دلوقتى ان تحديد نوع الجنين مش بالاكل بس لا بالتدخل عن طريق الحقن المجهرى يستطيع الفرد تحديد نوع الجنين
وطبعا كلة بيد الله بس فى تطور طبى واسع وخاصا فى هذا المجال مشكور يا تامر يسعدنى مرورى بمدونتك الجميلة
بس اين قائمة المتابعبن لاكون متابعة لاخر ما تكتب وشكرا

Tamer Nabil يقول...

افروديت



مش عارف والله ان كان الموضوع حلال ام حرام بس بعيد عن صحة الكلام


حكاية تحديد نوعية الاكل اعتقد مش فيها حاجة والله اعلم


منورة المدونة

مع خالص تحياتى

Tamer Nabil يقول...

Mona


ونعمة بالله


منورة المدونة


مع خالص تحياتى

Tamer Nabil يقول...

Dr Ibrahim


اكيد قدرة الله فوق كل شىء لانقاش فى الامر اكيد


منور المدونة


مع خالص تحياتى

Tamer Nabil يقول...

شمس النهار


كلة بامر الله سبحانة وتعالة


انا قريت نظرية بنت او ولد بيكون من الرجل


حاضرهجى اشوف الفزورة


منورة المدونة


مع خالص تحياتى

Tamer Nabil يقول...

كلمات من نور


العلم وابحاثة واى اكتشاف جديد مهم فى حياة البشرية


لكن قدرة الله فوق كل شىء


منورة المدونة

مع خالص تحياتى

Tamer Nabil يقول...

فراشة


العلم كل يوم يطلع الجديد واحيانا بيلغى القديم

منورة المدونة


مع خالص تحياتى

Tamer Nabil يقول...

محمد الجرايحى


عندك حق اخى الكريم


سبحان الله قادر على كل شىء


منور المدونة


مع خالص تحياتى

Tamer Nabil يقول...

من كل بستان زهرة

كل شىء مكتوب اكيد وبامر الله

العلم مها تكون كلمتة

ممكن نخد منة او لا

وكلة مكتوب بامر الله

منورة المدونة

مع خالص تحياتى

Tamer Nabil يقول...

هبة فاروق


ربنا يخليكى تسلمى


العلم كل يوم فية جديد

وكلة بامر الله


قائمة المتابعين كتبتها ليكى فى رد


منورة المدونة


مع خالص تحياتى

يوميات شحات يقول...

تقريبا الموضوع له علاقة بالوسط الحامضي و القلوي
انا قريت كلام زي ده من فترة

Ms Venus يقول...

كله بارادة ربنا

شكرا يا تامر على الموضوع


تحية ليك

miroooo يقول...

السلام عليكم
سعيده بزيارتك لمدونتى المتواضعه وسعيده اكتر لما زرت مدونتك الجميله دى
انا قريت المقاله لما نزلت فى الاهرام واستغربت جدا الحقيقه
بس لو كان ده حل كويس انصح اى سيده حامل باتباع هذه الطريقه ايه المشكله يعنى؟
احييك على الموضوع ده
ربنا يديم التواصل بينا

Tamer Nabil يقول...

يوميات شحات

كل شىء جايز الحدوث هذة الايام اخى


منور المدونة


مع خالص تحياتى

Tamer Nabil يقول...

Ms Venus


ونعمة بالله


العفو فينوس


منورة المدونة


مع خالص تحياتى

Tamer Nabil يقول...

miroooo


وعليكم السلام ورحمة الله وبركاتة


ربنايخليكى تسلمى


عندك حق التجربة مفيدة ولن نخسرشىء فيها


منورة المدونة

مع خالص تحياتى