اسكت يعنى
ماتتكلمشى
على الحق دارى
وماتشاورشى
لااحسن يزعل
منك يغضب عليك
ودة ياصاحبى
مابيتفهمشى
اسكت يعنى
ما تتكلمشى
خلى الطابق مستور
ماينكشفشى
طول ما انت
ستر وغطى علية
يفرح بيك
ويهنيك
ومن وقتة
وحلاوتة يديك
لكن لو كشفتة
وقولت علية
ساعتها ياصاحبى
نار هتقيد
ووش البية
هيتقلب
نار وحديد
وساعتها تقول
يانارى ياحيرتى
انا ما اقصدشى
اسكت يعنى
ما تتكلمشى
فاهم ولا انت
مابتفهمشى
احنا فى زمن
الخوف والسكوت
خليك كاتم جواك
الحق وماتقولشى
وياويلك
لو قولت الحق
وبصدق
اتكلمت
ولاخوفت
ولاداريت
استنى مصيرك
واللى يصيبك
فى وقت حتى
الندم فية
ما ينفعشى
اسكت يعنى
ما تتكلمشى
وارجع اقولك
مايهمكشى
لو كان
الزمن صعب
والناس فية
ما بترحمش
قول الحق
ولا تخافشى
لو كان دة
صف ومايل
خليك انت
العدل فية
واصرخ فى
وش الظلم
وقول
كلمة حق
لو حتى
قال ليك
اسكت يعنى
ما تتكلمشى
اتكلم واصرخ
بصوت عالى
وقول الحق
ومايهمكش
السكوت عن الحق هذة الايام راحة
بعض الناس تتخيل كدة
لكن مفيش افضل من الصدق
وكلمة حق
كلمات جميلة تامر
احيك عليها
تحياتى
أعجبني شعرك جدا
أختيارك للمعاني و الكلمات موفق و سلس
و صادقة فأصبح الخوف و الجبن سيد القرار
تحياتي لك دائما :)
فكرتني بشعر عمنا صلاح جاهين
إقلع غماك يا تور وارفض تلف
اكسر تروس الساقية واشتم وتف
قال بس خطوة كمان .. وخطوة كمان ..
يا اوصل نهاية السكة يا البير يجف
عجبي!!
مساء الأنوار :)
معقول لسه هنسكت تاني
لالالالا ابدا لازم نقول يا تامر ومنسكتشي
زجلية جميلة تسلم ايدك يارب
صوت الحق
مش هيموت
كلمات رائعة
تحياتى
بوست رائع استاذ تامر
تحياتى
دكتور لغة العيون
الله يخليك د/ لغة
منور المدونة
مع خالص تحياتى
Carol
الله يخليكى كارول تسلمى
عمنا صلاح جاهين ابو الموقف والكلمة اللى قريبة من العقل والقلب
شرف ليا ان فكرنك برجل عظيم زى عمنا صلاح جاهين
يارب اكون استحقة
منورة المدونة
مع خالص تحياتى
ماما أمولة
طبعا انا ضد السكوت عن قول الحق وانا بين فى اخر الزجل اننا رغم اى حاجة لازم نقول كلمة الحق ومش نخبيها ونسكت
منورة المدونة
مع خالص تحياتى
الملكة هند
الله يخليكى هند تسلمى
منورة المدونة
مع خالص تحياتى
لسة نونة
الله يسلمك نونة
منورة المدونة
مع خالص تحياتى
اسكت يعنى ماتتكلمش
عمر الصمت ما يوم هيغش
امسك روحك حبه شوية
بس اياك تنساها ف ثانية
اسكت واوعك يوم تتغر
لان الدنيا دى لحظة تمر
عيشها بشوقك واوعك تجرح
حتى جروحك
واسكت بس ما تتالمش
جميل حرفك تقبل مرورى واعجابى بقلمك
الساكت عن الحق شيطان اخرض هكذا تعلمنا ودرسنا
كلمات جميلة
تحياتى
شعر زجل اكثر من رائع تامر اجدت التعبير عن الموضوع
احيك بشدة
تحياتى
بسمة الورد
الله يخليكى تسلمى بسمة
على التعقيب الرائع
منورة المدونة
مع خالص تحياتى
ماما عبير
صح كلامك ماما عبير تسلمى
منورة المدونة
مع خالص تحياتى
قمرين
الله يخليك قمرين
ربنا يكرمك
مع خالص تحياتى
إرسال تعليق