recent

آخر الأخبار

recent
recent
جاري التحميل ...
دكتور لغة العيونيقول...

السكوت عن الحق هذة الايام راحة

بعض الناس تتخيل كدة

لكن مفيش افضل من الصدق

وكلمة حق

كلمات جميلة تامر

احيك عليها

تحياتى

Carolيقول...

أعجبني شعرك جدا
أختيارك للمعاني و الكلمات موفق و سلس
و صادقة فأصبح الخوف و الجبن سيد القرار
تحياتي لك دائما :)
فكرتني بشعر عمنا صلاح جاهين
إقلع غماك يا تور وارفض تلف
اكسر تروس الساقية واشتم وتف
قال بس خطوة كمان .. وخطوة كمان ..
يا اوصل نهاية السكة يا البير يجف
عجبي!!

أمل حمدييقول...

مساء الأنوار :)
معقول لسه هنسكت تاني
لالالالا ابدا لازم نقول يا تامر ومنسكتشي
زجلية جميلة تسلم ايدك يارب

الملكة هنديقول...

صوت الحق

مش هيموت

كلمات رائعة

تحياتى

لسة نونةيقول...

بوست رائع استاذ تامر

تحياتى

Tamer Nabil Moussaيقول...

دكتور لغة العيون

الله يخليك د/ لغة

منور المدونة

مع خالص تحياتى

Tamer Nabil Moussaيقول...

Carol

الله يخليكى كارول تسلمى

عمنا صلاح جاهين ابو الموقف والكلمة اللى قريبة من العقل والقلب

شرف ليا ان فكرنك برجل عظيم زى عمنا صلاح جاهين

يارب اكون استحقة

منورة المدونة

مع خالص تحياتى

Tamer Nabil Moussaيقول...

ماما أمولة


طبعا انا ضد السكوت عن قول الحق وانا بين فى اخر الزجل اننا رغم اى حاجة لازم نقول كلمة الحق ومش نخبيها ونسكت

منورة المدونة

مع خالص تحياتى

Tamer Nabil Moussaيقول...

الملكة هند


الله يخليكى هند تسلمى

منورة المدونة

مع خالص تحياتى

Tamer Nabil Moussaيقول...

لسة نونة

الله يسلمك نونة

منورة المدونة

مع خالص تحياتى

بسمة الورد عطر المشاعريقول...

اسكت يعنى ماتتكلمش
عمر الصمت ما يوم هيغش

امسك روحك حبه شوية
بس اياك تنساها ف ثانية

اسكت واوعك يوم تتغر
لان الدنيا دى لحظة تمر

عيشها بشوقك واوعك تجرح
حتى جروحك
واسكت بس ما تتالمش


جميل حرفك تقبل مرورى واعجابى بقلمك

ماما عبيريقول...

الساكت عن الحق شيطان اخرض هكذا تعلمنا ودرسنا

كلمات جميلة
تحياتى

قمرينيقول...

شعر زجل اكثر من رائع تامر اجدت التعبير عن الموضوع

احيك بشدة

تحياتى

Tamer Nabil Moussaيقول...

بسمة الورد


الله يخليكى تسلمى بسمة

على التعقيب الرائع

منورة المدونة

مع خالص تحياتى

Tamer Nabil Moussaيقول...

ماما عبير


صح كلامك ماما عبير تسلمى

منورة المدونة

مع خالص تحياتى

Tamer Nabil Moussaيقول...

قمرين


الله يخليك قمرين

ربنا يكرمك

مع خالص تحياتى

اسكت يعنى ماتتكلمشى




اسكت يعنى
ماتتكلمشى

على الحق دارى
وماتشاورشى

لااحسن يزعل
منك يغضب عليك

ودة ياصاحبى
مابيتفهمشى

اسكت يعنى
ما تتكلمشى

خلى الطابق مستور
ماينكشفشى

طول ما انت
ستر وغطى علية

يفرح بيك
ويهنيك

ومن وقتة
وحلاوتة يديك

لكن لو كشفتة
وقولت علية

ساعتها ياصاحبى
نار هتقيد

ووش البية
هيتقلب

نار وحديد

وساعتها تقول
يانارى ياحيرتى

انا ما اقصدشى

اسكت يعنى
ما تتكلمشى

فاهم ولا انت
مابتفهمشى

احنا فى زمن
الخوف والسكوت

خليك كاتم جواك
الحق وماتقولشى

وياويلك
لو قولت الحق

وبصدق
اتكلمت

ولاخوفت
ولاداريت

استنى مصيرك
واللى يصيبك

فى وقت حتى
الندم فية

ما ينفعشى

اسكت يعنى
ما تتكلمشى

وارجع اقولك
مايهمكشى

لو كان
الزمن صعب

والناس فية
ما بترحمش

قول الحق
ولا تخافشى

لو كان دة
صف ومايل

خليك انت
العدل فية

واصرخ فى
وش الظلم

وقول
كلمة حق

لو حتى
قال ليك

اسكت يعنى
ما تتكلمشى

اتكلم واصرخ
بصوت عالى

وقول الحق
ومايهمكش


عن الكاتب

Tamer Nabil Moussa الزمان والمكان يتبدلان والفكر والدين يختلفان والحب واحد فى كل مكان /بقلمى انسان بسيط عايش فى هذا الزمان

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

أفكار حرة تامر نبيل