تيجى نعيش وننسى الهم والغم وكل حاجة بتحرق الدم الحكاية بسيطة خالص بس متعقدش الامور ياحلاوة وركز معايا تفكيرك وخليك صاحى وحاول تفهم اللعبة ايوة اللعبة مستغرب لية اول مرة تلعب كل يوم حزين مكسور وحاسس انك محشور وسط ناس مش فاهمة حاجة خالص وانت اللى بتفهم وعارف كل حاجة اكيد مفيش زيك لانك نادر الوجود ياعبد الموجود----------------------------------
الحكاية انة لما راح وحاول يرجع معرفشى يرجع لان الطريق كان مسدود وفية حواجز وقيود وناس رايحة وناس وقفة وناس وسط البحر بتعوم تخيل فى البحر وبتعوم زى الفل وجمالك زايد حبتين حبيب ماما ونرجس ونور العين والكل بينادى وبيشجع حتى الطفل هناك اهو على ايد امة رجع بس من الفرحة ياعبدة اتنطط وادلع
-------------------------------------
طول عمرك حبيب وقريب من الناس كلها وبتحب الخير يعم على الكل تجيب كلام توزع ملام ليك انتشار عجيب وجهور وسط الركام ولاحد يقدر يغلبك او يأثر فيك ماشاء الله عليك ياعبدة تستهل اكتر من كدة ومش ممكن ومش معقول ياشاغل قلوب ومقطع جيوب ومخلص على الحبوب ولفف كل الدروب يكون فيك منك اثنين يا مجنن ومحير ومظبط اللى ما يتظبط وديما قاعد ورجل على رجل حتى وانت ماسك طبق الرز من غير شعرية
--------------------------------------
غريب من يومك وكل اللى حاول يفهمك جتلة حالة زهول وانتشر جواة خريف العمر وماشاف ربيع اللى اتحداك وقام راسة قصدك ما انت الكل فى الكل يشهد عليك شجر الياسمين والفل نظرتك تشغل وتقتل قلوب كلمتك تسحر وتفتن عقول اصل الحكاية فيك وبيك تكون من غيرك كل شىء ضايع ومش موجود ياعبد الموجود
-------------------------------------
بكتب وبحكى عنك ومهما اقول مش هقدر اكتب واقول كل حاجة عنك ولو مصمم ابعت ليا ورق واقلام وحصان ابيض من غير لجام بس هات معاة الفارس اللى يركبة ويخدنى معاة اصل انا فى الفروسية تعبان كحت ومش هعرف امشى بية ولااقد اتحكم فية تلميذك ولكن العين ما تعلى على الحاجب ولكل شىء حدود ياعبد الموجود
-------------------------------------
مش عايز حد يقوللى ويحاول يفهم منى الحكاية لانى مش فاهم من البداية اللى حصل بس وصل والموضوع بقى تمام التمام واللى مش مصدق يسأل رشدى وابتسام
--------------------------------------