الحب إحساس جميل وكل انسان فينا بيتمنى يحب ويتحب كل واحد فينا بيكون مع صراع مع الحياة فى البحث عن نصة التانى ولكن اوقات كتير تجد أنسان وتحبة ولكن للأسف لايبادلك نفس الشعور وتبتدى تتدخل فى سكة الأحزان وكل ما تحاول تقرب يبعد تعمل حاجة عشان تلفت نظرة ولا هو هنا وكأنك سراب وهم شىء مخفى بالنسبة لة
والحب صحيح جميل لكن لازم نعرف أنة زى ما هو مش بأيدنا تحب دة دون الاخرين الحد اللى بتحبة أيضا بيكون من حقة يقبل الحب او يرفضة ودة بيكون مش عشان شاف فيك حاجة وحشة او مش عجباة مش شرط أحيانا كتير بيكون روحك غير متوافقة مع روحة مفيش ترابط كميائى بينكم فبيكون مفيش أحساس بيك حتى لو انت حاسس بية
وهنا لازم يكون الأنسان قوى ويخد خطوة إيجابية وانة يبعد عن الشخص الذى لايبادلة نفس الشعور لأن التقرب المستمر مع الرفض الدائم منة بيولد الالم وزيادة الجرح لكن لو بعدنا من نفسنا وفكرنا فى اشياء اخرى فى حياتنا ويكون عندنا إيمان أن نصيبنا لسة ماجاش وأن الموضوع فترة وعدت والايام ياما بتنسى هتعيش حياتك بشكل طبيعى
ومش محتاج تروح وتقول لية علمنى أزى أنساك لأن الانسان الذى لايبادلك نفس الشعور مش هيكون احن عليك من نفسك لأنك بالنسبة لية مش موجود واتعلم دائما زى ما بنقول اللى يبيعك بيعة واللى يشتريك اشترية
إرسال تعليق