الحاجة العجيبة وتجنن الواحد لما تشوف حاجة واضحة لكل انسان عاقل يعنى المفروض بيفهم وتجد الشخص دة عامل نفسة عبيط او بيستهبل وبيخالف لمجرد الاختلاف مع ان الموضوع واضح ومعروف للجميع لكن نقول أية الشخص دة ديما شايف العكس مش عشان مريض أبدا عشان عايز مزيد من الشهرة والعين تكون علية حتى لو خالف فى الدين والعادات والتقاليد وغيرها من الامور التى لاجدال فيها
كمثال تيجى تقول لية الصلاة فرض يقولك أكيد وانا مش بقول غير كدة بس ربنا رحيم غفور ممكن أصلى فى أى وقت مش شرط فى ميعاد الفروض. وتقول لية ازى كدة مخالف للدين وفرض من الفروض المفروضة علينا يقولك انا مش بخالف وبقول نصلى وقت ما نحب نقرب من ربنا. سبحان الله دة انسان نقول علية اية غير انة عايز شهرة وترند وخلافة
وقيس على كدة حاجات كتير بتحصل قدام عنينا من ناس المفروض انهم من نجوم وصفوة المجتمع لكن نقول اية اهم حاجة الشهرة والترند ولما اكون مع نفسى استغفر ربنا. شىء مستفز وعجيب تحس ان الناس دى رغم انها طبعية الإ أنها بتقول كلام وبتتصرف بطريقة غير طبعية بالمرة
زى مؤخرا النجم حسين فهمى اللى طلع وقال ان الفتاة المحجبة معاقة ذهنيا ونبى دة كلام يطلع من نجم كبير زى حسين يارجل انت داخل على تسعين سنة ولسة بدور على شهرة وترند لازم تكون انسان طبيعى وتعرف انت بتقول اية ودة لو حتى مش فرض عيب ولايصح الكلام اللى طلع من لسانك الطويل ياعجوز لم نفسك وخلى بالك من كلامك المستقبل اقل كتير من ماضيك