. كنت اجلس لحالى اتصفح جريدتى المفضلة
عندما رن الهاتف وقومت للارى من المتصل
نعم انها هى حبيتى .
تتحدث وتقول, لقد انتهى عقدها بالخارج وانها قادمة بعد اسبوع
وتطلب منى ان اكون اول من تنظر لة
بعد غياب طويل
. ياة اتذكر الان يوم ان سافرت وتركتنى
ورغم محاولتى ان اثنيها عن هذا السفر
. ولكن كانت عنيدة
وكانت تقول ان الحياة فرص
وهذة فرصتى ان تركتها سوف اندم طول حياتى عليها.
وقد عادت ولكن تغيرت كثيرا
واصبحت انسانة اخرى غير التى اعرفها
غاب عنها الابتسامة التى كانت تميزها وينشرح لها صدرى
كما انها اصبحت مادية
تحسب كل شىء بالورقة والقلم
. حتى اللحظة التى تجمعنا على فراش واحد فهى محسوبة ايضا
وغيرها من الاشياء التى اتت بها من الخارج
غريبة الشكل والمضمون
. حاولت ان الفت نظرها
ولكن لافائدة
فقط سيطر عليها التغير الذى تلونت وتشكلت بة فى الخارج.
لا اعرف هل استطيع الصبر والتحمل
على ماارى واشاهد فيها
ام اتخذ القرار بالابتعاد
وارحل عن حياتها
واتمنى لها السعادة
مع شخص اخر
يحمل بداخلة نفس الافكار
التى احضرتها من الخارج
والتى تؤمن بها
اكثر من ايمانها برب الحياة
الذى تسجد لة كل يوم
حقيقيى لااعلم ماذا افعل؟
عنيك شكل
تانى
فيها سحر
ربانى
واة واة يانى
من رمشك
اللى تحدانى
ساحرة فاتنة
وجمالك شكل تانى
الشفايف مسكرة
بطعم الكريز
وخدانى
منها تاة عقلى
وراح وادى تانى
العود ممدود
يابخت الموعود
واة منة يانى
صوتك كروان
ندانى
كلة سحر واغانى
الخصر ملوش حل
فى الميل
كلة انوثة وتفانى
وشعرك حرير
يطير
فوق الجبين وحدانى
ياشعلة حب
ولهفة وخدانى
انت الحبيب
ورفيق
عمرى الاولنى
ربنا يشفيكى
ويقومك بالسلامة
هموت عليكى
يابوسى وحشنى
بيب بيب
أزمة أنابيب
والناس واقفين
طوابير طوابير
بيب بيب
أزمة بنزين
وعربيات واقفة
بالطول والعرض
شمال ويمين
كانت أزمة
صبحو أتنين
اية الحل
مش عارفين
بيب بيب
فين ألآزمة فين
حتى
البية المسئول
قال فين
ألآزمة
فين
دة مفيش أزمة
لسة كنت
جاى
من الشارع
والحال
عال العال
مش واقف
والكمية اكتر
بكتير
من اللى بتنزل
من سنتين
بيب بيب
فين ألآزمة فين
أضرب
كف بكف
وأرجع
على البيت
وانا شايل
على كتفى
ألآنبوبتين
زى امنبارح
ومن يومين
فاضين
فاضين
وانا راجع
على البيت
شوفت بعينى
كمان طوابير
العربيات
شمال ويمين
عمر الحل
ما كان بكلام
فى جرايد
ووسائل اعلام
الحل
الصح تملى
على ارض
الواقع
يكون موجود
فعل تملى
مش احلام
ولاينفع
مسكن
وقتى
بيب بيب
ويلا سلام
اسكت يعنى
ماتتكلمشى
على الحق دارى
وماتشاورشى
لااحسن يزعل
منك يغضب عليك
ودة ياصاحبى
مابيتفهمشى
اسكت يعنى
ما تتكلمشى
خلى الطابق مستور
ماينكشفشى
طول ما انت
ستر وغطى علية
يفرح بيك
ويهنيك
ومن وقتة
وحلاوتة يديك
لكن لو كشفتة
وقولت علية
ساعتها ياصاحبى
نار هتقيد
ووش البية
هيتقلب
نار وحديد
وساعتها تقول
يانارى ياحيرتى
انا ما اقصدشى
اسكت يعنى
ما تتكلمشى
فاهم ولا انت
مابتفهمشى
احنا فى زمن
الخوف والسكوت
خليك كاتم جواك
الحق وماتقولشى
وياويلك
لو قولت الحق
وبصدق
اتكلمت
ولاخوفت
ولاداريت
استنى مصيرك
واللى يصيبك
فى وقت حتى
الندم فية
ما ينفعشى
اسكت يعنى
ما تتكلمشى
وارجع اقولك
مايهمكشى
لو كان
الزمن صعب
والناس فية
ما بترحمش
قول الحق
ولا تخافشى
لو كان دة
صف ومايل
خليك انت
العدل فية
واصرخ فى
وش الظلم
وقول
كلمة حق
لو حتى
قال ليك
اسكت يعنى
ما تتكلمشى
اتكلم واصرخ
بصوت عالى
وقول الحق
ومايهمكش
وكل عقل داخل الانسان هو مستودع ممتلىء بالافكار الكثيرة قد يتفق العقل مع اخر وقد يختلف ايضا . وبما ان كل انسان يملك عقل فهو صاحب افكار هو مقتنع بها وقد تكون مبادىء ثابتة لايخرج عنها مهما كانت المغريات ودة انسان اقدر اقول طبيعى لانة متمسك بما هو مؤمن بة تحت اى ظروف او عاصفة او رياح تمر بجانبة.
ويوجد انسان اخر يغير الافكار حسب المكسب الذى سيحصل علية منها فهو مع الافكار الرابحة دائما الى ان تخسر تكون عندة بلا قيمة فيقوم بالنقل على افكار اخرى رابحة وهو انسان بلافكر اى بلا عقل رغم وجود العقل بة فهو يسلم نفسة دائما الى الجهة الكسبانة للحصول على المكاسب دون اعتبار لقيمة الفكر او اختلافة شكلاا ومضمونا عن ما كان يؤمن بة من قبل
وبعيد عن صحية الفكر او مرضة فهو شىء غير مهم بالنسبة لة لانة دائما يبحث عن المكسب لاغير ولايؤمن بداخلة بافكار واحدة ومبادىء ثابتة بداخلة لاتتغير كما هو المعروف علية مع الانسان الطبيعى صاحب المبادىء والافكار الثابتة.
والانسان الطبيعى لايعطى راسة لااى فكر مهما كان فهو يستمع الى كافة الافكار وياخذ ماهو مناسب لة ويبتعد عن ما هو غير مناسب لة وبعيد عن ما يؤمن بة ودة تفكير صحيح تماما.
والاصح دائما ان الانسان لايعطى راسة للاى افكار او انسان اخر بل يسمع ثم يفكر ويرى وينظر الى الامر بجدية وبعد التفكير والبحث عن اصول الفكرة يقرر حينها اذا كان معها او ضدها.
وصاحب الفكر اذا كان غلطان او صحيح فى ما يؤمن هو من لايخاف من احد تحت اى ظروف ويقول وينشر الافكار التى هو مؤمن بها حتى لو كانت غير صحيحة افضل من التغير حسب المود والاحداث الموجودة امامة
ياترى الايام اللى احنا بنعيش فيها دى بقت سودة ولا البعض فينا اللى بيخليها سودة كدة. لية الايام دى عاملين نشوف حوداث قتل وسرقة وتدمير ونشر اشاعات على كل شكل ولون؟
واللى يجنن تسمع اقوال من ناس عن ناس تبهدل ويعاقب عليها القانون لو كانت من غير دليل او برهان. ولا خلاص احنا بقينا فى وقت مسموح لكل انسان يقول اى حاجة فى حق اى حد
خبر غريب من الاستاذ مرتضى منصور بيقول فية ان المخرجة ايناس الدغيدى مجوزة الاعلامية هالة سرحان خبر يجنن بجد طيب جواز شرعى وعلى يد مازون ولا اية النظام مش عارف والاغرب بقى على كذا رابط وجدت تعقيب للمخرجة بتقول فية
فى أول رد فعل بعد اتهام المستشار مرتضى منصور لكل من ايناس الدغيدى وهالة سرحان بممارسة الشذوذ الجنسى أو على حد تعبيره بأن "هالة سرحان متجوزة من ايناس الدغيدى وأنا سأفضحهما" خرجت المخرجة ايناس الدغيدى بتصريح صادم تعترف فيه بأنها على علاقة جنسية مع هالة سرحان وأن هذا شئ يندرج تحت بند الحرية الشخصية وليس من حق أحد الاعتراض عليه وقالت بالحرف الواحد ان مرتضى منصور راجل قانون وعارف أنه لا عقوبة قانونية على ممارسة السحاق
ويأتى هذا فى اطار سلسلة التصريحات التى اعتادت المخرجة المتمردة أن تصدم المجتمع بها منذ أن أعلنت رغبتها فى اقامة حى للبغاء واقرار مهنة الدعارة كمهنة معترف بها قانونيا
http://www.cima4arb.com/movies/showthread.php?t=514201
http://forum.8aiz.com/showthread.php?t=6017
خبر تانى بيقول ان اتمسك فى المطار اثنين ستات منقبين بعد ما شكت فيهم المسؤلة وخدتهم على التفيش وعند خلع النقاب المفاجاة الاثنين رجالة وكانو ستات بس عملو عملية تحويل وتغير جنس عندنا فى مصر وكانوا قادمين من اليمين مخصوص عشان العملية
وطبعا عشان كل الورق اللى معاهم بيقول انهم ستات فضلو لابسين النقاب اثناء السفر من مصر وبعد الشك فيهم اتقبض عليهم لحين عمل ورق جديد بجنسهم الجديد والمولود السعيد
وكويس ان المسؤلة تم مكفأتها عشان كشفتهم ودة شىء كويس طيب اللى يحير هيا العمليات دى مسموح بيها فى مصر عادى ولا اية النظام والعبارة بالظبط ليكون مسموح وانا اللى مش وصل ليا الخبر والمعلومة
الخبر اللى يضحك بقى قريتة فى مجلة الاهرام العربى عدد الاسبوع اللى احنا فية دة على لسان الاستاذة زينب حسن الامام وكانت بتقدم تعريف عن الفنان الكبير والدها حسن الامام رحمة الله علية
بتقول انة فى اخر الخمسينات كان فية فيلم اسمة وداع فى الفجر بطولة كمال الشناوى وانة كان طيار وكان فى مشهد فى معهد الطيران وهناك شاف والدها الرئيس المخلوع كان بيقول محاضرة. فقال لية ممكن تقدم المحاضرة دى امام الكامير وكان ووافق المخلوع
وقام بدور سنيد للبطل والقى المحاضرة ودى معلومة جديدة اول مرة اسمع عنها وعلى فكرة فى صورة من المشهد فى المجلة للمخلوع وهو صغير
دول ثلاث اخبار شدونى من مئات الاخبار اللى فيها حاجات تشد وتهبل وتضحك فى نفس الوقت تحس انك من الاخبار الكتير واللى بيحصل اليومين دول اننا بنصور مسلسل كبير متعدد الحلقات وطويل اوى مش عايز يخلص لان المؤلف مش عارف كل ما يجى يحط نهاية
يجد حاجات كتير لسة مش اتصورت ولا اتقالت ولا اتشاور عليها فيرجع يصور حلقات كتيرة اخرى ومازال التصوير مستمر وبلا انقطاع ولا نهاية
اتذكر استاذ احمد ناصر كان جار لنا وكانت وظيفتة مهندس معمارى كان رجل طيب ومحترم ومتدين . يذهب الى المسجد فى كل صلاة وكان يوم الجمعة نذهب الى المسجد نجدة هناك يصلى. فأصبح استاذ احمد ناصر فى نظرنا رجل صالح وكنا نطلق علية عم الشيخ. وعندما كنا ننادى علية بها كان يبتسم ويرد علينا.
رغم انة كان شاب فى منتصف العشرينات. وكان فى اى فرح او عزاء يكون موجود عم الشيخ احمد وكان محبوب من جميع الجيران فى الشارع الذى نسكن فية
وفى يوم اتى الشيخ احمد الى بيتنا وكان يعزم اسرتى على الفرح واسرتى تبارك لة وربنا يتمم بخير
وذهبنا الى الفرح لنجد الشيخ احمد جالس على كرسى وبجانبة العروسة وماسك ا يدها وقام بالرقص معاها ونحن الصغار ننظر ونتضحك ونقول الشيخ احمد بقى شيخ قليل الادب . سمعنا احدى الافراض واخذ يشرح لنا ما هو الجواز وانة شرع الله والشيخ احمد لم يفعل شىء غير صحيح
وكان يوم زواج الشيخ احمد يوم خميس واتى يوم الجمعة وجلسنا فى المسجد ننتظر الشيخ احمد ولكنة لم ياتى. وذهبت الى امى وقولت لها لماذا لم يذهب الشيخ احمد الى الصلاة ؟ فقالت لى امى,, انة عريس جديد واليوم يوم صبحيتة وهنروح نبارك لية بليل. نظرت الى امى مرة اخرى وقولت يعنى اية صبحيتة.. قالت لى امى يعنى اول يوم يعدى علية بعد الجواز
وفى يوم كنانلعب فوق سطح منزلنا انا واصحابى الصغار ووجدنا الشيخ احمد يحضن العروسة ويقبلها . ضحكناو الى امى ذهبنا وقولنا لها ااننا شاهدنا الشيخ احمد يعمل حاجة عيب مع العروسة. فنظرت امى لنا وقالت عيب ازى ولم نستطيع ان نطلق الكلام وذهبنا وكتبنا ما شاهدنا فى ورقة.
وذهبنا الى امى مرة اخرى اعطيناها الورقة ونحن نبتسم وقرات امى الورقة وابتسمت . ونادت علينا وقالت لايوجد عيب ولاحاجة الشيخ احمد عروستة تعبانة وكان لازم يحضنها عشان تخف. نظرنا الى امى ونحن غير مصدقين كيف يكون بالحضن والبوس علاج المريض التعبان. لكن امى نهت الحوار بينا على هذة الاجابة
وفى يوم كانت فوفة صحبتى تعبانة ناديت عليها وقولت لها يجب عشان تخفى بسرعة ان احضنك وابوسك زى ما الشيخ احمد عمل مع عروستة التى كانت تعبانة مثلك. وحضنت فوفة وجلست اقبل فيها الى ان دخلت علينا امى.وراتنا وقالت لنا ماذا تفعلون؟ فقولت لها. فقالت هذا غير صحيح . فردينا عليها انت قولتى لنا ان البوس والحضن يشفى المريض
ابتسمت امى وقالت نعم ولكن عندما يكون عريس مع عروستة غير كدة يكون الشفاء عند الطبيب.وقالت لنا اوعو تعملو كدة تانى كدة عيب وربنا هيوديكم النار. فقولنا لها لن نفعل هذا مرة اخرى الا بعد الجواز مثل الشيخ احمد.
اتذكر كنت اجمع شلتى الصغيرة ونجرى فى الشوارع نبحث عن الكلاب وكنا نتمنى ان نجد كلب صغير ليكون من السهل اخذة معنا الى البيت وفى مشوار البحث كنا نقابل الكثير من العواقب فى طريقنا نحن الصغار نكون غير قادرين على التعامل معها
اتذكر فى مرة وجدنا ثلاث كلاب صغيرة بجوار شجرة فى جنية حينها كنا طائرين من الفرح والسعادة ونحن نلاعبهم ونطبطب عليهم. ونحن نلعب معهم فجاة وجدنا امهم تجرى علينا فى صريخ حاد تملكنا الرعب وجرينا باقصى سرعة والكلب الام تجرى ورانا وهى تصرخ
ونحن نجرى ونبكى فى رعب الى ان ظهر لنا رجل كبير فى الطريق هش الكلبة بطوبة فعادت الى الوراء وهنا توقفنا عن الجرى وقفنا كل واحد منا يحاول ان يسيطر على نفسة المقطوع ولحظات الرعب التى عشنا فيها دقائق ولكن كانت بالنسبة لنا ساعات طويلة لاتنتهى.
ولكن هذا الحدث المرعب لم يمنعنا نحن الصغار من المحاولة مرات اخرى كثيرة وفى مرة عثرنا على كلب صغير فى احدى الشوارع وكنا ثلاث اطفال وجلسنا بعيد عنة نتكلم فى الامر فى من لة القدرة على الذهاب الى الكلب الصغير واحضارة لنا فكنا حريصين بعد لحظات الرعب التى حصلنا عليها فى مرة سابقة.
واتفقنا على الذهاب نحن الثلاث بعد ان جلسنا بعيد عنة فترة ولم تاتى لة امة وحصلنا على الكلب الصغير كان لونة ابيض على اصفر وشعرة طويل رغم صغر سنة وفرحنا بة كثير ولعبنا معة طول النهار . وعندما قررنا نذهب الى البيت كانت المشكلة من فينا سيأخذ الكلب معة.
وكنا نتعارك بخفة ودلع الصغار الى ان اتفقنا ان يبيت الكلب الصغير كل اسبوع فى بيت واحد منا على ان نخرج بة كل يوم للفسحة واحضار الطعام لة واللعب معة طول النهار الى ان يذهب الى المبيت مع احدانا كما اتفقنا
وتمر الايام ونحن سعداء بكلبنا الصغير والذى اطلقنا علية بوتشى ولكن لحظات السعادة انتهت بموت الكلب الصغير تحت عجلات سيارة مسرعة امام عيوننا نحن الصغار كم تألمنا وبكينا على بوتشى وذهبنا بة الى احدى الجناين وحفرنا حفرة صغيرة وضعنا بوتشى فيها وردمنا علية التراب
وكتبنا ورقة صغيرة مكتوب عليها هنا يرقد بوتشى العزيز كما كنا نرى فى الافلام.
الى الاسطورة
والقصة والحدوتة
الى الملكة المصونة
الى من
ادمنت هواها
الى من
لااريد سواها
ها انا
اناديك
واستحلفك
بمن خلقك
وجعلك فى
احسن صورة
ان تقترب منى
تشعر بما
انا فية
فمن غيرك
يستطيع
ان يجعل
ادمانى راحة
اعشقة واتمناة
يظل داخلى
واجعلة
رفيق دربى
وصديق وحدتى
الى الاسطورة
والملكة المصونة
ان بين
جدران قلبى
اهات وانين
وداء لة اسير
يشاركة
الشوق والحنين
اليك انت
ان اردت
كتبت لك
كل اساطير الحب
وجعلت الارض
بمافيها
تحت يديك
انى اعانى
وقد تراكمت
الامى واحزانى
واصبحت غير
قادر على الصمود
اما الحياة معك
او الموت
بعيد عنك
وليبقى لك ذكرى
ان اردت
الاحتفاظ بها
او اشعال
الحريق فيها
لايهم
فالامر حينها
كلة لك
